ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ ଶାନ୍ତି ନଗର ଦୁଇ ନମ୍ବର ୱାର୍ଡରେ ବସବାସ କରୁଥିବା ଲୋକେ ଏକ ଅଭିଯୋଗ ପତ୍ରରେ ପଦ୍ମପୁର ବିଜ୍ଞାପିତ ଅଞ୍ଚଳ ପରିଷଦ କାର୍ଯ୍ୟନିର୍ବାହୀ ଅଧିକାରୀ ଜୟନ୍ତ କୁମାର ସାହୁଙ୍କୁ ଦାବି ପତ୍ର ପ୍ରଦାନ କରିଛନ୍ତି । ଦାବି ପତ୍ରରେ ପଦ୍ମପୁର ଵିଜ୍ଞାପିତ ଅଞ୍ଚଳ ପରିଷଦର ୱାର୍ଡ ନଂ ୨ ଶାନ୍ତି ନଗରରେ ପ୍ରଶାସନ ତରଫରୁ କରୋନା ଉପରେ ଲୋକଙ୍କୁ ସଚେତନତା କରିବା ପାଇଁ କୌଣସି ପଦକ୍ଷେପ ନିଆଯାଉ ଥିବା ଏ ପର୍ଯ୍ୟନ୍ତ ଆଖି ଦୃଶିଆ ହେଉ ନଥିବା ଅଭିଯୋଗ କରିଛନ୍ତି । ଵିଜ୍ଞାପିତ ଅଞ୍ଚଳ ପରିଷଦ ତରଫରୁ ସଫେଇ କାର୍ଯ୍ଯରେ ନିୟୋଜିତ ଥିବା କର୍ମଚାରୀ ମାନଙ୍କୁ ମାସ୍କ ଓ ଗ୍ଲୋବସ ଭଳି ଅତ୍ଯାବଶ୍ଯକୟ ଜିନିଷ ଯୋଗାଇବା ସହ ଅଞ୍ଚଳର ନାଳ ନାର୍ଦମା କୁ ସଫା ରଖିବା ଏବଂ ସପ୍ଲାଇ ପାଣିରେ ଆସୁଥିବା ନାର୍ଦମା ପାଣି  ଉପରେ ପ୍ରତିକାର ବ୍ୟବସ୍ଥା ଗ୍ରହଣ କରିବାକୁ ଦାବି କରିଛନ୍ତି । ଶାନ୍ତି ନଗରରେ ଥିବା ଦୁଇଟି ମୁଖ୍ଯ ଡ୍ରେନର ସମସ୍ୟା ରହିଛି । ଦୁଇଟି ଯାକ ଡ୍ରେନ ଦୀର୍ଘ କୋଡ଼ିଏ ବର୍ଷ ପୂର୍ବେ ତିଆରି ହୋଇଥିବା ବେଳେ ଏ ପର୍ଯ୍ୟନ୍ତ ତାର କୌଣସି ମରାମତି କାମ ହୋଇ ନାହିଁ । ଫଳରେ ଦୁଇଟି ଯାକ ଡ୍ରେନ ଭଙ୍ଗା ଅବସ୍ଥାରେ ପଡିରହିଛି । ଡ୍ରେନର ମଇଳା ଦୀର୍ଘ ୧ ମାସ ହେଲାଣି ଏନ୍ ଏ ସି ସଫା କରି ନାହାଁନ୍ତି । ଶାନ୍ତି ନଗରରେ ଥିବା ଏକ ହୋଟେଲ,ହଟ୍ ଷ୍ଟପ୍ ତାର ସମସ୍ତ ମଇଳା ଓ ମଇଳା ପାଣିକୁ ଷ୍ଟପ୍ ତାର ସମସ୍ତ ମଇଳା ଓ ମଇଳା ପାଣିକୁ ଶାନ୍ତି ନଗର ରାସ୍ତାରେ ଡ୍ରେନିଜ୍ କରାଯାଇଛି । ଶାନ୍ତି ନଗର ପ୍ରବେଶ କଲାବେଳେ ଭେଉଁରିଆ ରାସ୍ତାର ଉଭୟ ପାର୍ଶ୍ବରେ ମଇଳା ଗଦା ଗଦା ପଡି ରହିଛି । ଏହି ଦାବି ପତ୍ର ପ୍ରଦାନ ସମୟରେ ଶାନ୍ତ ନଗର ପଡାବାସୀ କୁନାଲ ପାଣିଗ୍ରାହୀ,ଅମୀୟ କୁମାର ପୁରୋହିତ,ଅନୀତା ପଣ୍ଡା,ବିଷୟା ପଣ୍ଡା,ପ୍ରତାପ ନାଥ, ମହେଶ ବେହେରା, ସୁଦାମ କୁମାର ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ।