ପଦ୍ମପୁର,(ଶାସକ ପ୍ରଶାସକ):ପଦ୍ମପୁର ଉପଖଣ୍ଡ ପାଇକମାଲ ବ୍ଳକ ଲଖମରା ଜଗନ୍ନାଥ ହାଇସ୍କୁଲ ବାର୍ଷିକ କ୍ରୀଡା ଉତ୍ସବ ଅନୁଷ୍ଠିତ ହୋଇଯାଇଛି। ବିଦ୍ୟାଳୟ ପ୍ରଧାନ ଶିକ୍ଷକ ସନାତନ ଭୋଇଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଖେଳ ଶିକ୍ଷୟତ୍ରୀ ରଶ୍ମିତା ଡନସନା ବାର୍ଷିକ ବିବରଣୀ ପାଠ କରିଥିଲେ। ବାର୍ଷିକ କ୍ରୀଡା ଉତ୍ସବରେ ମୁଖ୍ୟଅତିଥି ଭାବେ ଲଖମରା ସରପଞ୍ଚ ଭୀଷ୍ମଦେବ ଡନସନା, ସମ୍ମାନିତ ଅତିଥି ଭାବେ ବିଦ୍ୟାଳୟ ପରିଚାଳନା କମିଟୀ ସଭାପତି ଗଜାନନ ପୃଷ୍ଟି ଯୋଗ ଦେଇ ବାଷିର୍କ କ୍ରୀଡ଼ା ଉତ୍ସବ କୁ ଉଦଘାଟନ କରିଥିଲେ। ଏଥିରେ ସର୍ବ ମୋଟ ୬୦ ଟି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ଖେଳ ପରିଚାଳନା କରିଥିଲେ ଖେଳ ଶିକ୍ଷକ ପବିତ୍ର ମୋହନ ପ୍ରଧାନଙ୍କ ସମେତ ବିଦ୍ୟାଳୟ ସମସ୍ତ ଶିକ୍ଷକ, ଶିକ୍ଷୟିତ୍ରୀ,କର୍ମଚାରୀ ସହଯୋଗ କରିଥିଲେ। ଶେଷରେ କେଶବ ଚନ୍ଦ୍ର ଅଦାବରିଆ ଧନ୍ୟବାଦ ଅର୍ପଣ କରିଥିଲେ।
