-
ବିଜେଡି ପକ୍ଷରୁ ପ୍ରଚାର ଜୋରଦାର, ଘରକୁ ଘର ବୁଲି ଚାଲିଛି ଭୋଟ ଭିକ୍ଷା
-
ଦଳ ପକ୍ଷରୁ ପ୍ରଚାର ମଙ୍ଗ ଧରିଛନ୍ତି ବିଧାୟକ ନୃସିଂହ- ଜିଲ୍ଲା ପର୍ଯ୍ୟବେକ୍ଷକ ବିଜୟ
ପରଜଙ୍ଗ (ଶାସକ ପ୍ରଶାସକ) : ପରଜଙ୍ଗ ବ୍ଲକର ୩ନମ୍ବର ଜୋନ ଜିଲ୍ଲା ପରିଷଦ ଉପ-ନିର୍ବାଚନ ପାଇଁ ବିଜେଡି ପ୍ରାର୍ଥୀନି ମମତା ପାଣିଙ୍କୁ ବିପୁଳ ଭୋଟରେ ଜୟଯୁକ୍ତ କରିବା ପାଇଁ ପ୍ରଚାରକୁ ଜୋର୍ ଦାର୍ କରିଛି ବିଜେଡି | ଏହି ପରିପେକ୍ଷିରେ ୩୪,୮୧୧ ଭୋଟର ଓ ୧୦୯ଟି ବୁଥ ବିଶିଷ୍ଟ ଏହି ଜୋନର ଜନ୍ଦାରସିଂହା, ରେଂଠାପାଟ ଓ ସାଆନ୍ଦା ପଞ୍ଚାୟତରେ ଘରକୁ ଘର ବୁଲି ଭୋଟ ଭିକ୍ଷା କରିଛନ୍ତି ବିଧାୟକ ଡାକ୍ତର ନୃସିଂହ ଚରଣ ସାହୁ ଓ ଜିଲ୍ଲା ପର୍ଯ୍ୟବେକ୍ଷକ ତଥା ବିଜେଡି ରାଜ୍ୟ ସାଧାରଣ ସମ୍ପାଦକ ଶ୍ରୀ ବିଜୟ ନାୟକ l ଦଳ ପକ୍ଷରୁ ଆୟୋଜିତ ବିଭିନ୍ନ ୱାର୍ଡ଼ରେ ପ୍ରଥପ୍ରାନ୍ତ ସଭା କରି ନେତୃମଣ୍ଡଳୀ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଜନକଲ୍ୟାଣ କାର୍ଯ୍ୟକ୍ରମ ଦ୍ଵାରା ଲୋକମାନେ କିଭଲି ଉପକୃତ ହେଉଛନ୍ତି ଏବଂ ଓଡିଶା ବିକାଶରେ କେନ୍ଦ୍ରୀୟ ଅବିଚାର ଓ କ୍ରମାଗତ ଅବହେଲା କିଭଲି ବାଧକ ସାଜିଛି ସେ ସମ୍ପର୍କରେ ବୁଝାଉଛନ୍ତି l
ପ୍ରଥପ୍ରାନ୍ତ ସଭାରେ ଲୋକଙ୍କ ଉପସ୍ଥିତ ଓ ଉତ୍ସାହରୁ ସ୍ପଷ୍ଟ ବାରି ହୋଇପଡୁଛି ଯେ ଲୋକମାନଙ୍କ ର ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଜୁ ଜନତା ଦଳ ପ୍ରତି ଥିବା ଭଲପାଇବା ଓ ଆନ୍ତରିକତା l ବିଶେଷ କରି ବିଜୁ ଜନତା ଦଳ ସରକାରଙ୍କ ମହିଳା ସଶକ୍ତିକରଣ କାର୍ଯ୍ୟକ୍ରମରେ ଗ୍ରାମାଞ୍ଚଳର ମହିଳା ମାନେ ବେଶ ଉପକୃତ ହେଉଥିବାରୁ ଜିଲ୍ଲା ପରିଷଦ ଉପ-ନିର୍ବାଚନରେ ମହିଳା ପ୍ରାର୍ଥୀ ମମତା ପାଣିଙ୍କ ପ୍ରତି ମହିଳାମାନଙ୍କ ସମର୍ଥନ ଓ ସହଯୋଗ ଉତ୍ସାହଜନକ ଭାବେ ବୃଦ୍ଧି ପାଉଥିବା ପରିଲକ୍ଷିତ ହେଉଛି l ପ୍ରଥପ୍ରାନ୍ତ ସଭା ଗୁଡିକରେ ବିଜେପିର ବହୁ ସଂଗଠକ ଓ କର୍ମୀ ବିଜେପି ଦଳକୁ ପ୍ରତ୍ୟାଖ୍ୟାନ କରି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଏଜେଣ୍ଡାକୁ ସମର୍ଥନ ଜଣାଇ ବିଜେଡିରେ ସାମିଲ ହେବା ନିର୍ବାଚନ ସମୟରେ ବିଜେଡିର ଶକ୍ତି ବୃଦ୍ଧି ହେବାରେ ଲାଗିଛି l