(ହରଭଙ୍ଗା /ପ୍ରତାପ ମେହେର ): ବୌଦ୍ଧ ଜିଲ୍ଲା ସରସରା ଗ୍ରାମ ର ଖେଳପଡିଆ କେନାଲ ରେ ଏକ ନବଜାତ ମୃତ ଶିଶୁ କନ୍ୟା କୁ ଦେଖିବାକୁ ମିଳିଥିଲା । ସ୍ଥାନୀୟ ବାସିନ୍ଦା ଏହା ଦେଖିବା ପରେ ଲୋକଙ୍କ ଭିଡ ଜମିଥିଲା । ପୋଲିସ କୁ ଖବର ଦେବା ପରେ ବୌଦ୍ଧ ପୋଲିସ୍ ଦ୍ଵାରା ମୃତ ଶିଶୁ କନ୍ୟା କୁ ଉଦ୍ଧାର କରାଯାଇଛି ।
ଏଠି ପ୍ରଶ୍ନ ଉଠୁଛି ଯେ ଏହା ଅବୈଧ ଶିଶୁ କନ୍ୟା ବା କାହାର ଗୁପ୍ତ ପ୍ରଣୟର ପରିଣତି ନୁହେଁ ତ ?
ନା ଏହା ମୃତ ହେବା ପରେ କେହି କେନାଲ ରେ ଭସେଇ ଦେଇଛି ।
ସରକାର ସବୁବେଳେ ନାରୀ ଓ ଶିଶୁ ପ୍ରତି ତାଙ୍କର ଅଧିକାର ପାଇଁ କାମ କରିବା ପାଇଁ ଚେଷ୍ଟା କରୁଥିବା ବେଳେ ଏଭଳି ଜଘନ୍ୟ କାଣ୍ଡ କେମିତି ହେଲା ତାହା ବୁଦ୍ଧିଜୀବି ମହଲରେ ପ୍ରଶ୍ନ ଉଠୁଛି । ସରକାର କଣ ସତରେ ଲୋକଙ୍କୁ ସଚେତନ କରାଇବାରେ ବିଫଳ ନା ସାଧାରଣ ଲୋକ ସରକାର ଙ୍କ ନିୟମ କୁ ଖାତିର କରୁନାହାନ୍ତି ? ନା ଶିଶୁ କନ୍ୟା ବୋଲି କେହି କେନାଲ ରେ ଭସେଇ ଦେଇଛି । ବୌଦ୍ଧ ଜିଲ୍ଲା ପ୍ରଶାସନ ଏଥି ନିମନ୍ତେ ପଦକ୍ଷେପ ନେବା ସହିତ ଶିଶୁ ସୁରକ୍ଷା ଉପରେ ସଚେତନ କରାଇବା କାର୍ଯ୍ୟକ୍ରମ କରିବା ଆବଶ୍ୟକ ବୋଲି ସାଧାରଣ ଜନତା ମତ ପ୍ରକାଶ କରିଛନ୍ତି ।
