ନୟାଗଡ(ବିଶ୍ୱଜିତ ନାୟକ)
ନୟାଗଡ ବିଧାୟକ ତଥା ରାଜ୍ୟ ସରକାରଙ୍କ କୃଷି,ମତ୍ସ୍ୟ,ପଶୁସମ୍ପଦ ଓ ଉଚ୍ଚଶିକ୍ଷା ମନ୍ତ୍ରୀ ଡ.ଅରୁଣ କୁମାର ସାହୁ ଗତ କାଲି ସନ୍ଧ୍ୟାରେ ନୟାଗଡ ପୁରୁଣା ବସଷ୍ଟାଣ୍ଡ ଠାରେ ଏକ ସମ୍ବର୍ଦ୍ଧନା ସଭାରେ ସହରବାସୀଙ୍କୁ କୃତଜ୍ଞତା ଜ୍ଞାପନ କରିଛନ୍ତି I ଡ.ସାହୁ ନିର୍ବାଚନରେ ଜିତିବା ଏବଉଁ ମନ୍ତ୍ରୀପଦ ପାଇବା କେବଳ ନୟାଗଡବାସୀଙ୍କ ଶ୍ରେୟ ବୋଲି କହିଥିଲେ I ରାଜନୀତି ସମାଜସେବାର ପ୍ରକୃଷ୍ଟ କ୍ଷେତ୍ର,ମନ୍ତ୍ରୀତ୍ୱ ତାଙ୍କ ପାଇଁ କ୍ଷମତା ନୁହେଁ ଦାୟିତ୍ୱ ବୋଲି କହିଥିଲେ I ନୟାଗଡଵାସୀ ଶାନ୍ତି ପ୍ରତିଷ୍ଠା କରନ୍ତୁ ଏବଉଁ ବିକାଶର ଦାୟିତ୍ୱ ତାଙ୍କ ଉପରେ ଛାଡ଼ିଦିଅନ୍ତୁ ବୋଲି କହିଥିଲେ I ନୟାଗଡ ନିର୍ବାଚନମଣ୍ଡଳୀର ଲୋକଙ୍କ ସୁଖ ଦୁଃଖରେ ସାମିଲ ହୋଇ ନିକଟରୁ ନିକଟତର ହେବା ପାଇଁ ପ୍ରତି ମାସ ବସଷ୍ଟାଣ୍ଡଠାରେ ସେ ଲୋକମାନଙ୍କର ଅଭିଯୋଗ ଶୁଣିବେ ବୋଲି ନିଜ ଭାଷଣରେ କହିଥିଲେ I ସରକାରଙ୍କର ଯୋଜନା କିପରି ଜନସାଧାରଣଙ୍କ ପାଖରେ ପହଂଚି ପାରିବ ସେ ପ୍ରତି ଜନପ୍ରତିନିଧିମାନେ ସଚେତନ ରୁହନ୍ତୁ | ନକାରାତ୍ମକ ଚିନ୍ତାଧାରାକୁ ଏଡାଇଦେଇ ନୟାଗଡର ବିକାଶରେ ଭାଗିଦାର ହେବା ପାଇଁ କହିଥିଲେ ।
