ପ୍ରତାପଙ୍କୁ ପଂଚାୟତିରାଜ- ନଗର ଉନ୍ନୟନ, ଅରୁଣଙ୍କୁ କୃଷି
ସୁଶାନ୍ତଙ୍କୁ ଗ୍ରାମ୍ୟ ଉନ୍ନୟନ ରଘୁନନ୍ଦନଙ୍କୁ ଜଳସମ୍ପଦ ସହ ସୂଚନା ଲୋକ ସମ୍ପର୍କ
ଭୁବନେଶ୍ୱର: ପଞ୍ଚମ ପାଳି ସରକାରରେ ଆଜି ଶପଥ ଗ୍ରହଣ କରିଥିବା ମନ୍ତ୍ରୀମାନଙ୍କ ମଧ୍ୟରେ ବିଭାଗ ବଣ୍ଟନ କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ | ମନ୍ତ୍ରୀ ମଣ୍ଡଳରେ ଅର୍ଥ ବିଭାଗ ଦାୟିତ୍ୱ ନିରଞ୍ଜନ ପୂଜାରୀଙ୍କୁ ମିଳିଥିବା ବେଳେ ସୁଦାମ ମାରାଣ୍ଡି ପାଇଛନ୍ତି ରାଜସ୍ବ ବିଭାଗ । ନବାଗତ ବିଧାୟକରୁ ମନ୍ତ୍ରୀ ହେବାର ସୌଭାଗ୍ୟ ଅର୍ଜ୍ଜନ କରିଥିବା ରଘୁନନ୍ଦନ ଦାସଙ୍କୁ ଗୁରୁତ୍ୱପୁର୍ଣ ଜଳସମ୍ପଦ ଏବଂ ସୂଚନା ଓ ଲୋକସମ୍ପର୍କ ବିଭାଗ ଦିଆଯାଇଛି |
ଆସନ୍ତୁ ଦେଖିବା କିଏ ପାଇଲେ କଣ
ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ- ଗୃହ, ସାଧାରଣ ପ୍ରଶାସନ, ସାଧାରଣ ଅଭିଯୋଗ ତଥା ଅନ୍ୟ ଅଣଆବଣ୍ଟିତ ବିଭାଗ
କ୍ୟାବିନେଟ୍ ମନ୍ତ୍ରୀ
୧. ନିରଞ୍ଜନ ପୂଜାରୀ- ଅର୍ଥ, ଅବକାରୀ
୨. ବିକ୍ରମ କେଶରୀ ଆରୁଖ- ଜଙ୍ଗଲ ଏବଂ ପରିବେଶ, ସଂସଦୀୟ ବ୍ୟାପାର
୩. ପ୍ରଫୁଲ୍ଲ କୁମାର ମଲ୍ଲିକ- ଇସ୍ପାତ ଏବଂ ଖଣି, ପୂର୍ତ୍ତ (ଗୃହ ବିଭାଗର ରାଷ୍ଟ୍ରମନ୍ତ୍ରୀ ଦାୟିତ୍ୱ)
୪. ରଣେନ୍ଦ୍ର ପ୍ରତାପ ସ୍ୱାଇଁ- ଖାଦ୍ୟ ଯୋଗାଣ ଏବଂ ଖାଉଟୀ କଲ୍ୟାଣ, ସମବାୟ
୫. ପଦ୍ମନାଭ ବେହେରା- ଯୋଜନା ସମନ୍ୱୟ, ବାଣିଜ୍ୟ ଏବଂ ପରିବହନ
୬. ପ୍ରତାପ ଜେନା- ପଞ୍ଚାୟତିରାଜ ଏବଂ ପାନୀୟ ଜଳ, ଆଇନ, ଗୃହନିର୍ମାଣ-ନଗର ଉନ୍ନୟନ
୭. ଅରୁଣ କୁମାର ସାହୁ- କୃଷି ଏବଂ କୃଷକ ସଶକ୍ତିକରଣ, ମତ୍ସ୍ୟ ପଶୁସମ୍ପଦ, ଉଚ୍ଚଶିକ୍ଷା
୮. ସୁଦାମ ମାରାଣ୍ଡି- ରାଜସ୍ୱ ଏବଂ ବିପର୍ଯ୍ୟୟ ପରିଚାଳନା
୯. ସୁଶାନ୍ତ ସିଂ- ଗ୍ରାମ୍ୟ ଉନ୍ନୟନ, ଶ୍ରମ ଏବଂ ଇଏସଆଇ
୧୦. ନବ କିଶୋର ଦାସ- ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ
୧୧. ଟୁକୁନି ସାହୁ- ମହିଳା ଏବଂ ଶିଶୁ କଲ୍ୟାଣ ଓ ମିଶନ ଶକ୍ତି
ରାଷ୍ଟ୍ରମନ୍ତ୍ରୀ(ସ୍ୱାଧୀନ ଦାୟିତ୍ୱ)
୧. ଜଗନ୍ନାଥ ସାରକା- ଏସଟି-ଏସସି ଉନ୍ନୟନ, ସଂଖ୍ୟାଲଘୁ ଏବଂ ପଛୁଆ ବର୍ଗ କଲ୍ୟାଣ
୨. ଦିବ୍ୟଶଙ୍କର ମିଶ୍ର- ଶକ୍ତି, ଶିଳ୍ପ,ଏମଏସଏମଇ
୩. ଅଶୋକ ଚନ୍ଦ୍ର ପଣ୍ଡା- ବିଜ୍ଞାନ ଓ କାରିଗରୀ କୌଶଳ, ସାଧାରଣ ଉଦ୍ୟୋଗ, ସାମାଜିକ ସୁରକ୍ଷା ଏବଂ ଭିନ୍ନକ୍ଷମ ସଶକ୍ତିକରଣ
୪. ସମୀର ରଞ୍ଜନ ଦାଶ- ବିଦ୍ୟାଳୟ ଓ ଗଣଶିକ୍ଷା
୫. ଜ୍ୟୋତି ପ୍ରକାଶ ପାଣିଗ୍ରାହୀ- ପର୍ଯ୍ୟଟନ, ଓଡ଼ିଆ ଭାଷା, ସାହିତ୍ୟ ଓ ସଂସ୍କୃତି
୬. ପ୍ରେମାନନ୍ଦ ନାୟକ- ଦକ୍ଷତା ବିକାଶ ଏବଂ ବୈଷୟିକ ଶିକ୍ଷା
୭. ରଘୁନନ୍ଦନ ଦାସ- ଜଳ ସମ୍ପଦ, ସୂଚନା ଓ ଲୋକ ସମ୍ପର୍କ
୮. ପଦ୍ମିନୀ ଦିଆନ- ହସ୍ତତନ୍ତ, ବୟନ ଏବଂ ହସ୍ତଶିଳ୍ପ
୯. ତୁଷାରକାନ୍ତି ବେହେରା- ଇଲେକ୍ଟ୍ରୋନିକସ୍ ଏବଂ ଆଇଟି, କ୍ରୀଡ଼ା ଏବଂ ଯୁବ ବ୍ୟାପାର
