ପଦ୍ମପୁର : ବରଗଡ ଜିଲ୍ଲା ପଦ୍ମପୁର ନିର୍ବାଚନ ମଣ୍ଡଳିରେ ବିଜେଡିର ପୁରୁଖା ନେତା ତଥା ପୁର୍ବତନ ମନ୍ତ୍ରୀ ବିଜୟ ରଂଜନ ସିଂ ବରିହାଙ୍କ ବିଜୟ ପରେ ପଦ୍ମପୁର ସହରରେ ଉତ୍ସାହର ମାହୋଲ ଦେଖିବାକୁ ମିଳୁଛି । ଗତକାଲି ସନ୍ଧ୍ୟାରେ ବରିହା ନିଜ ହଜାର ହଜାର ସମର୍ଥକଙ୍କ ସହ ଏକ ବିଶାଲ ରାଲିରେ ବାହାରି ସହର ପରିକ୍ରମା କରିବା ସହ ସହରବାସୀଙ୍କୁ କୃତଜ୍ଞତା ଜଣାଇଥିଲେ  । ତାଙ୍କୁ ମଧ୍ୟ ବିଭିନ୍ନ ଛକରେ ଜନସାଧାରଣ ଓ ବିଭିନ୍ନ ଅନୁଷ୍ଠାନ ତରଫରୁ ସମ୍ବର୍ଦ୍ଧନା ଜଣା ଯାଇଥିଲା । ତେବେ ଆସନ୍ତା ୨୯ ତାରିଖରେ ହେବାକୁ ଥିବା ଶପଥ ଗ୍ରହଣ ପାଇଁ ଚାରିଆଡେ ଏବେ ଚର୍ଚ୍ଚା ସରଗରମ ରହିଛି । ପଂଚମ ଥର ପାଇଁ ବିଧାୟକ ନିର୍ବାଚିତ ହୋଇଥିବାରୁ ତାଙ୍କ ମନ୍ତ୍ରୀ ପଦକୁ ନେଇ ଏବେ ତାଙ୍କ ସମର୍ଥକମାନେ ବେଶ ଆଶାବାଦୀ ହୋଇ ପଡିଛନ୍ତି |