ଭୁବନେଶ୍ୱର(ଗିରିଜା ଶଙ୍କର ଦାଶ) : କେନ୍ଦ୍ରୀୟ ବିଦ୍ୟାଳୟ ଭୁବନେଶ୍ୱର ରିଜିଅନର ସମସ୍ତ ସ୍କୁଲ ପାଇଁ ଶିକ୍ଷାବର୍ଷ ୨୦୧୯-୨୦ ସକାଶେ ଗ୍ରୀଷ୍ମ ଛୁଟି ସିଡ୍ୟୁଲ ବଦଳିଲା | ଏହା ମେ ୨, ୨୦୧୯ ରୁ ଜୁନ ୨୦, ୨୦୧୯ ପର୍ଯ୍ୟନ୍ତ ହେବ | ଏ ସମ୍ପର୍କରେ ବିଧିବଦ୍ଧ ବିଜ୍ଞପ୍ତି କେନ୍ଦ୍ରୀୟ ବିଦ୍ୟାଳୟ ସଂଗଠନ ପକ୍ଷରୁ ପ୍ରକାଶ ପାଇଛି | ସୂଚନାଯୋଗ୍ୟ ଯେ କେନ୍ଦ୍ରୀୟ ବିଦ୍ୟାଳୟ ଭୁବନେଶ୍ୱର ରିଜିଅନର ଗ୍ରୀଷ୍ମ ଛୁଟି ଆଗୁଆ ହୋଇ ଯାଉଥିବା ବେଳେ ରାଜ୍ୟ ସରକାରଙ୍କ ଛୁଟି ଘୋଷଣା ବିଳମ୍ବରେ ହୋଇଥାଏ | ତେଣୁ କେନ୍ଦ୍ରୀୟ ବିଦ୍ୟାଳୟ ଗ୍ରୀଷ୍ମ ଅବକାଶ ପରେ ଖୋଲିଲା ବେଳକୁ ଓଡ଼ିଶାରେ ପ୍ରଚଣ୍ଡ ରୌଦ୍ର ତାପ ଅନୁଭୂତ ହୋଇଥାଏ | ଏହି କାରଣରୁ ରାଜ୍ୟ ସରକାରଙ୍କ ନିର୍ଦ୍ଦେଶ ଅନୁସାରେ କେନ୍ଦ୍ରୀୟ ବିଦ୍ୟାଳୟ ଭୁବନେଶ୍ୱର ରିଜିଅନ ସ୍କୁଲ ଗୁଡିକୁ ପୁଣି ଅଧିକ ଦିନ ଛୁଟି କରିବାକୁ ପଡିଥାଏ | ଏହାର ପରିଣାମ ସ୍ୱରୂପ ପିଲାମାନଙ୍କର ଶିକ୍ଷା ଦିବସ ବାଧାପ୍ରାପ୍ତ ହୋଇଥାଏ |
ହେଲେ ଏବର୍ଷ ଖରା ଛୁଟି ସିଡ୍ୟୁଲ ବଦଳି କେବଳ ଏଇ ଶିକ୍ଷାବର୍ଷ ପାଇଁ ନା ଏହି ଢାଞ୍ଚାରେ ସବୁବର୍ଷ ଛୁଟି ହେବା ତାହା ଆଗକୁ ଜଣ ପଡିବ |
