ବଲାଂଗୀର: ଆଜି ମୁଖ୍ୟମନ୍ତ୍ରୀ ନବିନ ପଟନାୟକ ଦିନିକିଆ ବଲାଂଗିର ଗସ୍ତରେ ଆସି ମିଶନ ଶକ୍ତି ସମାବେଶରେ ସାମିଲ ହୋଇଥିଲେ । 13 ହଜାର ସ୍ବୟଂ ସହାୟକ ଗୋଷ୍ଠୀର 60 ହଜାର ମହିଳାଙ୍କୁ ମୁଖ୍ୟମନ୍ତ୍ରୀ ଉଦବୋଧନ ଦେଇ ସାମିଲ କରିବାକୁ ଘୋଷଣା କରିଛନ୍ତି ।
ଘର କୋଣରେ ରହୁଥିବା ମହିଳା ଏବେ ଗୋଡକାଢି ବ୍ୟାଙ୍କକୁ ଯାଇ ଗୋଷ୍ଠୀର ସଦସ୍ୟଙ୍କ ହିସାବ ବୁଝୁଛନ୍ତି । ପିଳା ଛୁଆଙ୍କ ଭବିଷ୍ୟତ କଥା ଚିନ୍ତା କରୁଛନ୍ତି । ମୁଖ୍ୟମନ୍ତ୍ରୀ ଅଠର ବର୍ଷ ତଲେ ଦେଖିଥିବା ସ୍ବପ୍ନ ପୁରଣ ହୋଇଛି । ରାଜ୍ୟର 6 ଲକ୍ଷ ଗୋଷ୍ଠୀର 70 ଲକ୍ଷ ମହିଲା ମିଶନ ଶକ୍ତିରେ ସାମିଲ ହୋଇଛନ୍ତି । ବଲାଂଗିର ଏବଂ ସୋନପୁର ଜିଳ୍ଲାର 13 ହଜାର 401 ଗୋଷ୍ଠୀର 60 ହଜାର ମହିଲା ସାମିଲ ସାମିଲ ହୋଇଥିଲେ । ମୁଖ୍ୟମନ୍ତ୍ରୀ ଏହି କାର୍ଯ୍ୟକ୍ରମରେ ଗୋଷ୍ଠୀ ଗୁଡିକୁ 20 କୋଟୀ 10 ଲକ୍ଷ ପ୍ରଦାନ କରିଥିଲେ । ଏହାସହ ଡିଜିଟାଲ ପ୍ରଯୁକ୍ତି ବିଦ୍ୟା ପାଇଁ 9 ହଜାର 607 ଗୋଷ୍ଠୀକୁ 2କୋଟୀ 88ଲକ୍ଷ ଟଙ୍କା ପ୍ରଦାନ କରିଥିଲେ । ଏହାସହ ଗୋଷ୍ଠୀ ଗୁଡିକ ବିନା ସୁଧରେ 3 ଲକ୍ଷ ଟଙ୍କା ୠଣ ଦେବାକୁ ଘୋଷଣା କରିଥିଲେ ମୁଖ୍ୟମନ୍ତ୍ରୀ ।
ବ୍ଲକ ସ୍ତରରେ ମିଶନ ଶକ୍ତିକୁ ଆହୁରି ମଜବୁତ କରିବା ପାଇଁ 14 ଟି ମହାଂଘକୁ 3 କୋଟି 50 ଲକ୍ଷ ଟଙ୍କା ପ୍ରଦାନ କରିଥିଲେ । ମହିଲା ମାନଙ୍କ ବୈଠକ ଏବଂ ସାମଗ୍ରୀ ପାଇଁ ମିଶନ ଶକ୍ତି ଗୃହ ପାଇଁ ସହାୟତା ପ୍ରଦାନ କରାଯାଇଥିଲା । ଏହାସହ ବଲାଂଗିରରେ ମିଶନ ଶକ୍ତି ଭବନ ପାଇଁ ଏକ କୋଟୀ ଟଙ୍କା ପ୍ରଦାନ କରିଥିଲେ
