ଭୁବନେଶ୍ୱର, (ଶାସକ ପ୍ରଶାସକ): କେନ୍ଦ୍ରାପଡ଼ା ଜିଲ୍ଲା ଆଇନସେବା ପ୍ରାଧିକରଣ ଆନୁକୂଲ୍ୟରେ ଆସନ୍ତା ସେପ୍ଟେମ୍ବର ୯ ତାରିଖରେ ରାଷ୍ଟ୍ରୀୟ ଲୋକ ଅଦାଲତ ଆୟୋଜିତ ହେବ । ଏହି ଅବସରରେ ଜିଲ୍ଲାରେ ବିଚାରଧୀନ ଥିବା ଅନେକ ମାମଲାର ଶୁଣାଣି କରାଯିବ । ଦେଓ୍ୱାନୀ ଫୌଜଦାରୀ ମାମଲା ସମେତ ଅପରାଧିକ ମାମଲା, ପାରିବାରିକ ଓ ବୈବାହିକ ମାମଲା, ଜମି ଅଧିଗ୍ରହଣ, ଖାଉଟି ମାମଲା, ରାଜସ୍ୱ ଓ ଶ୍ରମ ସମ୍ବନ୍ଧୀୟ ମାମଲା, ପୈଠ ହୋଇ ନଥିବା ବିଦ୍ୟୁତ ଓ ଜଳ ବିଲ୍ ମାମଲା ଇତ୍ୟାଦିର ସମାଧାନ କରାଯିବ । ଜିଲ୍ଲା ସିଭିଲକୋର୍ଟ ପରିସରରେ ଆୟୋଜିତ ହେବାକୁ ଥିବା ଏହି ରାଷ୍ଟ୍ରୀୟ ଲୋକ ଅଦାଲତରେ ଜନସାଧାରଣ ଉପସ୍ଥିତ ରହିବାକୁ ଜିଲ୍ଲା ଆଇନ ସେବା ପ୍ରାଧିକରଣ ପକ୍ଷରୁ ଅନୁରୋଧ କରାଯାଇଛି ।