କାଳିମାଡ଼ ପରେ ପାଣ୍ଡିଆନ ଟୁଇଟ : "ନୂଆ ପରିଚୟ ସୃଷ୍ଟି କରିବାକୁ କିଛି ପରିବର୍ତ୍ତନ କରିବାକୁ ହେଲେ ଅନେକ ବାଧାବିଘ୍ନ ଦେଖାଦେବ"
ଭୁବନେଶ୍ୱର : କାଳିମାଡ଼ ପରେ ମୁହଁ ଖୋଲିଛନ୍ତି ମୁଖ୍ୟମନ୍ତ୍ରୀଙ୍କ ସଚିବ ଭି କେ ପାଣ୍ଡିଆନ | ନୂଆ ପରିଚୟ ସୃଷ୍ଟି କରିବାକୁ କିଛି ପରିବର୍ତ୍ତନ କରିବାକୁ ହେଲେ ଅନେକ ସମସ୍ୟା ଅନେକ ବାଧାବିଘ୍ନ ଦେଖାଦେବ ଓ ତାହାକୁ ଅଣଦେଖା କରି ଆଗକୁ ବଢିବାକୁ ପଡିବ ବୋଲି ତାଙ୍କରି ନାମରେ ଖୋଲା ଯାଇଥିବା ଟୁଇଟାର ହାଣ୍ଡଲ ରେ କୁହାଯାଇଛି | |
ସେ ତାଙ୍କର ଟୁଇଟାର ହାଣ୍ଡଲ ବୋଲି ବିଶ୍ୱାସ କରାଯାଉଥିବା @vkpandianod ରେ ଉଲ୍ଲେଖ କରିଛନ୍ତି " କିଛି ପରିବର୍ତ୍ତନ କରିବାକୁ ହେଲେ ଅନେକ ସମସ୍ୟା ଅନେକ ବାଧାବିଘ୍ନ ଦେଖାଦେବ, କିନ୍ତୁ ତାହାକୁ ଅଣଦେଖା କରି ଆଗକୁ ବଢିବାକୁ ପଡିବ । ଯେତେବେଳେ ପରିବର୍ତ୍ତନ ଆସିବ ତେବେ ଏକ ନୂଆ ପରିଚୟ ସୃଷ୍ଟି ହେବ । #ଜୟ_ଜଗନ୍ନାଥ"
ଏହା ସହିତ ଅନ୍ୟ ଏକ ଟୁଇଟରେ କୁହାଯାଇଛି ଯେ "ଓଡ଼ିଶା ସରକାର ଙ୍କ ଦ୍ଵାରା ହେଉଥିବା ଉନ୍ନତି ଓ ବିକାଶ ର ମହାଅଭିଯାନ କୁ ବିରୋଧୀ ସହ୍ୟ କରିପାରୁନାହାଁନ୍ତି। ଯାହା ଦ୍ଵାରା ଏଭଳି ନିନ୍ଦନୀୟ କାର୍ଯ୍ୟ କରୁଛନ୍ତି । କିନ୍ତୁ ଏଭଳି କରିବା ଦ୍ୱାରା ବିକାଶ କାର୍ଯ୍ୟ ର ଧାରା କେବେ ରହିଯିବ ନାହିଁ।ସେହି ସତ୍ୟବାଦୀ ମାଟି ରହିଲା ସାକ୍ଷୀ ପୁଣି ନବୀନ ବାବୁ ପିନ୍ଧିବେ ମୂଖ୍ୟମନ୍ତ୍ରୀ ଟୋପି ।" ହେଲେ ଏହି ରାଜନୈତିକ ମନ୍ତବ୍ୟରୁ ଏହି ହାଣ୍ଡଲ ଶ୍ରୀ ପାଣ୍ଡିଆନଙ୍କର କି ନାହିଁ ଦ୍ବନ୍ଦ୍ବ ସୃଷ୍ଟି ହୋଇଛି |
