ଜଗତସିଂହପୁର, ତା-୧୫.୦୮.୨୦୨୩/ସୁମନ୍ତ କୁମାର ଦାସ: ଜଗତସିଂହପୁର ରେ ସ୍ଥାନୀୟ ନବ କୃଷ୍ଟ ଚୌଧୁରୀ ଷ୍ଟାଡିୟମ ପରିସରରେ ୭୭ ତମ ସ୍ୱାଧୀନତା ଦିବସ ଅତି ଆନନ୍ଦ ଓ ଉଲ୍ଲାସ ସହିତ ପାଳିତ ହୋଇଯାଇଛି ।
ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ରାଜ୍ୟ ଜଳ ସମ୍ପଦ, ବାଣିଜ୍ୟ ଓ ପରିବହନ ବିଭାଗ ମନ୍ତ୍ରୀ ଟୁକୁନି ସାହୁ ଅନୁଷ୍ଠାନିକ ଭାବେ ଯୋଗ ଦେଇ ପତାକା ଉତ୍ତୋଳନ କରିଥିଲେ। ତାଙ୍କ ସହିତ ଜିଲ୍ଲାପାଳ ପାରୁଲ ପଟୱାରୀ, ଜିଲ୍ଲା ଆରକ୍ଷୀ ଅଧିକ୍ଷକ ରାହୁଲ ପିଆର, ବିଧାୟକ ପ୍ରଶାନ୍ତ ମୁଦୁଲି ଓ ଜିଲ୍ଲାର ସମସ୍ତ ବିଭାଗର ବରିଷ୍ଠ ଅଧିକାରୀ ଓ କର୍ମଚାରୀମାନେ ଉପସ୍ଥିତ ରହି ସ୍ୱାଧୀନତା ଦିବସକୁ ପାଳନ କରିଥିଲେ ।ସେହି ପରି ଜିଲ୍ଲା ର ବିଭିନ୍ନ ସ୍ଥାନରେ ସରକାରୀ ଓ ବେସରକାରୀ ସଂସ୍ଥା, ବିଭିନ୍ନ ଶିକ୍ଷାନୁଷ୍ଠାନ ସମେତ ବିଭିନ୍ନ ସାମାଜିକ ସଂସ୍ଥା ମାନଙ୍କ ପକ୍ଷରୁ ସ୍ୱାଧୀନତା ଦିବସ ଅବସରରେ ରାଷ୍ଟ୍ରୀୟ ପତାକା ଉତ୍ତୋଳନ କରାଯାଇଥିଲା । ଏହା ସହିତ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ଏବଂ ମେଡିକାଲ ରେ ରୋଗୀମାନଙ୍କୁ ଫଳ ବଣ୍ଟନ ସହିତ କାରାଗାର ରେ ବିଚରାଧୀନ କଏଦୀ ମାନଙ୍କୁ ମଧ୍ୟ ଫଳବଣ୍ଟନ କରିଥିଲେ l