ପାରଳାଖେମୁଣ୍ଡି / ବାଳକୃଷ୍ଣ ପାଣିଗ୍ରାହୀ : ଗଜପତି ଜିଲ୍ଲା ଶିଶୁ ସୁରକ୍ଷା ୟୁନିଟ ତରଫରୁ ୪ ଗୋଟି ଶିଶୁ ଯତ୍ନ ଅନୁଷ୍ଠାନ ଯଥା ଶୀ ଜଗନ୍ନାଥ ନିକେତନ , ବିବେକାନନ୍ଦ , ପ୍ରାଉଡ ଓ ନିସାନ ସାଲେମ ହୋମର ୫୦ ରୁ ଉର୍ଦ୍ଧ ପିତୃମାତୃ ହୀନ ଶିଶୁଙ୍କୁ ଏକ ବସ ଯୋଗେ ଗଞ୍ଜାମ ଜିଲ୍ଲାକୁ ନିଆଯାଇ ସେଠାରେ ଥିବା ପ୍ରସିଦ୍ଧ ସ୍ଥାନ ତାରା ତାରିଣୀ ମନ୍ଦିର , ଗୋପାଳପୁର ସମୁଦ୍ର କୂଳ , ତାମ୍ପରା ହ୍ରଦ ଓ ରାମଲିଙ୍ଗେଶ୍ବର ପାର୍କ ଆଦି ସ୍ଥାନ ଦିନସାରା ବୁଲି ଦେଖି ବେଶ ଆନନ୍ଦିତ ହୋଇଛନ୍ତି ଏହି ଶିଶୁ ମାନେ।
ପ୍ରକାଶ ଥାଉକି ଗଜପତି ଜିଲ୍ଲାପାଳ ଶ୍ରୀ ଲିଙ୍ଗରାଜ ପଣ୍ଡାଙ୍କ ଗଞ୍ଜାମ ଜିଲ୍ଲାପାଳକୁ ଅନୁରୋଧ କ୍ରମେ , ଗଞ୍ଜାମ ଜିଲ୍ଲାପାଳଙ୍କ ନିର୍ଦ୍ଦେଶରେ ଜିଲ୍ଲା ପ୍ରଶାସନ ଗଞ୍ଜାମ ଏହି ପିଲା ମାନଙ୍କୁ ସମ୍ପୂର୍ଣ୍ଣ ସହଯୋଗ କରିଥିଲେ ଉକ୍ତ ଜାଗାସବୁ ବୁଲିବାରେ। ବିଶେଷକରି ଶିଶୁମାନେ ରାମଲିଙ୍ଗେଶ୍ୱର ୱାଟର ଡାନସ ଦେଖି ବହୁତ ଉଲ୍ଲାସିତ ହୋଇଥିଲେ।