କ୍ରାନ୍ତିବୀରଙ୍କୁ ବିଶ୍ବର ବିଭିନ୍ନ କୋଣରୁ ଭାବବିହ୍ଵଳ ଶ୍ରଦ୍ଧାଞ୍ଜଳି
ନୂଆଦିଲ୍ଲୀ – କ୍ରାନ୍ତି ଦିବସ ଅବସରରେ ନୂଆଦିଲ୍ଲୀ ସ୍ଥିତ ଓଡିଆ ବୁଦ୍ଧିଜୀବୀ ଫୋରମ ‘ଦି ଇଣ୍ଟେଲେକ୍ଟସ’ ଆନୁକୂଲ୍ୟରେ କ୍ରାନ୍ତି ପାଇଁ ପଂକ୍ତିଟିଏ କାର୍ଯ୍ୟକ୍ରମରେ ସଲାମ ତ୍ରିରଙ୍ଗା କବିତା ଆସର ଆୟୋଜିତ ହୋଇଯାଇଛି| ଓଡ଼ିଶାରେ ସ୍ବାଧୀନତା ସଂଗ୍ରାମୀଙ୍କ ଅନ୍ତୁଡିଶାଳ ଭାବରେ କ୍ଷାତ ଅଳକା ଆଶ୍ରମର ଶତବାର୍ଷିକୀ ସମାରୋହ ଓ ସ୍ବାଧୀନତାର ଅମୃତ ମହୋତ୍ସବର ଅନ୍ତର୍ଭୁକ୍ତ ଏହି ଆଭାଷୀ କାର୍ଯ୍ୟକ୍ରମ ଅଧ୍ୟକ୍ଷ ଦେବେନ୍ଦ୍ର ନାଥ ରାଉତଙ୍କ ସଭାପତିତ୍ଵରେ କବି ପରଂବ୍ରହ୍ମ ତ୍ରିପାଠୀ ଓ ବୀଣାପାଣି ପ୍ରଧାନଙ୍କ ସଂଯୋଜନାରେ ବିଶ୍ବର ବିଭିନ୍ନ କୋଣରୁ କବିମାନେ ଯୋଗଦେଇ କ୍ରାନ୍ତିବୀର ମାନଙ୍କୁ ସ୍ଵରଚିତ କବିତା ପାଠକରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ| ଅଧ୍ୟକ୍ଷ ଶ୍ରୀ ରାଉତ ପ୍ରାରମ୍ଭିକ ସମ୍ଭାଷଣରେ ସମସ୍ତ ସାରସତ୍ଵ ସାଧକଙ୍କୁ ସ୍ବାଗତ କରିବା ସହିତ ଓଡ଼ିଶାରେ ସ୍ବାଧୀନତା ସଂଗ୍ରାମରେ ଅଳକା ଆଶ୍ରମର ଗୁରୁତ୍ବ ବିଷୟରେ ସଂକ୍ଷେପରେ ଆଲୋକପାତ କରି ସ୍ବାଧୀନତା ସଂଗ୍ରାମୀମାନଙ୍କୁ ତାଙ୍କର ଅତୁଳନୀୟ ତ୍ୟାଗ ପାଇଁ କୃତଜ୍ଞତା ଜ୍ଞାପନ କରିଥିଲେ| ଏହି କାର୍ଯ୍ୟକ୍ରମରେ ଅତିଥି ଭାବରେ ଯୋଗେ ଦେଇ ବିଶିଷ୍ଟ ଚିନ୍ତକ ଡଃ ଭଗବାନ ପ୍ରକାଶ ଓ ଲୋକପ୍ରିୟ ଗୀତିକାର ଦେବଦାସ ଛୋଟରାୟ ଅଳକା ଆଶ୍ରମର ପଟ୍ଟଭୂମି ସହିତ ପଞ୍ଚସ୍ତରୀ ବର୍ଷର ସ୍ବାଧୀନ ଭାରତରେ ସ୍ବାଧୀନତା ମୂଲ୍ୟବୋଧ ଉପରେ ସମ୍ୟକ ଆଲୋକପାତ କରିଥିଲେ|
ବିଶିଷ୍ଟ କବି ମାନଙ୍କ ମଧ୍ୟରେ ମମତା ଦାସ, ବ୍ୟଙ୍ଗକବି ଶ୍ରୀମାନ ସତ୍ୟାନାଶ, ବିଜଲକ୍ଷ୍ମୀ ପଟ୍ଟନାୟକ, ପୀତାମ୍ବର ତରାଇ, ମମତା ମହାପାତ୍ର, ଡଃ ଅଭୟ ଦାସ, ଶଙ୍କର ପରିଡା, ଶୁଭଶ୍ରୀ ଲେଙ୍କା, ବାସୁଦେବ ସୁନାନୀ, ବିରଜା ମହାପାତ୍ର, ସୁରେନ୍ଦ୍ର ତ୍ରିପାଠୀ ପ୍ରମୁଖ କବିତା ମାଧ୍ୟମରେ କ୍ରାନ୍ତିର ବିଭିନ୍ନ ଦିଗକୁ ସ୍ପର୍ଶ କରିବା ସହିତ କ୍ରାନ୍ତିକାରୀଙ୍କୁ ଭାବବିହ୍ଵଳିତ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ| ଭାରତ ବାହାରୁ ଗଗନ ବିହାରୀ ପାଣିଗ୍ରାହୀ, ସୁକାନ୍ତ କୁମାର ସାହୁ, ନଳିନୀ କାନୁନଗୋ, ସୁନନ୍ଦା ମିଶ୍ର ପଣ୍ଡା, ଫନି ମହାନ୍ତି ପ୍ରମୁଖ ଯୋଗଦେଇଥିଲେ| ଅନ୍ୟମାନଙ୍କ ମଧ୍ୟରେ ଭାରତୀ ଚକ୍ର, ସ୍ନେହଲତା ପୃଷ୍ଟି, ଡଃ ଗୁରୁପ୍ରସାଦ ମହାପାତ୍ର, ସୁଜିତ ପଣ୍ଡା, ଶୁଭଶ୍ରୀ ଶୁଭସ୍ମିତା, ଶ୍ରୀସିକ୍ତା ଶୁଭଦର୍ଶିନୀ, ଶୈଳବାଳା ବେହେରା, ସାୟନ୍ତିନୀ ବେହୁରା, ଗୀତ ଦାସ, ଜ୍ୟୋତି ପଟ୍ଟନାୟକ, ନିତ୍ୟାନନ୍ଦ ରାଉତ, ନାରାୟଣ ଶୁକ୍ଳ, କଳ୍ପନା ମିଶ୍ର ପ୍ରମୁଖ ଯୋଗଦେଇ କାବ୍ୟିକ ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ| ପ୍ରଯୁକ୍ତି ବିଜ୍ଞାନ ବିଷାରଦ ସ୍ମୃତି ରଞ୍ଜନ ମିଶ୍ର ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ଓ ଆନୁଷ୍ଠାନିକ ଧନ୍ୟବାଦ ଅର୍ପଣ କରିଥିଲେ | ତିନି ଘଣ୍ଟା ବ୍ୟାପି ସାରା ବିଶ୍ବକୁ ଗୋଟିଏ ମଞ୍ଚରେ ଯୋଡିବାର ସଫଳ ପ୍ରୟାସରେ ପାର୍ଥସାରଥି ଶତପଥି, ନଗେନ୍ଦ୍ର ନାଥ ସ୍ବାଇଁ, ମହାସ୍ମିତା ଓଝା ଓ ଦି ଇଣ୍ଟେଲେକ୍ଟସର ସଦସ୍ୟମାନେ ପ୍ରମୁଖ ଭୂମିକା ଗ୍ରହଣ କରିଥିଲେ|
