ପାଟଣାଗଡ: ବଲାଙ୍ଗୀର ଜିଲ୍ଲା ପାଟଣାଗଡ ବ୍ଳକ୍ ଉଲବା ଗ୍ରାମରେ ନିଖିଳ ଉତ୍କଳ କୁଲି ମେହେର ସମାଜ , ଓଡିଶା ପକ୍ଷରୁ ବିଶ୍ବ ଆଦିବାସୀ ଦିବସ ପାଳନ ହୋଇଯାଇଛି ।ଏହି ଦିବସ ପାଳନ ଅବସରରେ ବିଭିନ୍ନ ଜିଲ୍ଲାରୁ ଶତାଧିକ ଆଦିବାସୀ ମହିଳା ଓ ପୁରୁଷ ଯୋଗଦାନ କରିଥିଲେ । ପ୍ରକୃତି ସ୍ୱରୂପିଣୀ ମାଁ କରମସାନି ଙ୍କ ନିକଟରେ ପୂଜାର୍ଚ୍ଚନା କରାଯିବା ସହ ପାରମ୍ପରିକ ଅସ୍ତ୍ରଶସ୍ତ୍ର କୁ ପୂଜା କରାଯାଇ ଜଗତ କଲ୍ୟାଣ ନିମନ୍ତେ ପ୍ରାର୍ଥନା କରାଯାଇଥିଲା । ସମାଜ ର ରାଜ୍ୟ ସଭାପତି ଶ୍ରୀଯୁକ୍ତ ଧନସିଂ ମେହେର , ସାଧାରଣ ସମ୍ପାଦକ ଶ୍ରୀ ଚିତ୍ତରଂଜନ ମେହେର , ମୂଖ୍ୟ ଉପଦେଷ୍ଟା ଶ୍ରୀ ଦୀନବନ୍ଧୁ ମେହେର , ଶ୍ରୀ ଶଂକର ମେହେର ଉପସ୍ଥିତ ରହିଥିଲେ । ଆଦିବାସୀଙ୍କର ସାମ୍ବିଧାନିକ ଅଧିକାର , ସ୍ୱତନ୍ତ୍ର ସଂସ୍କୃତି ଓ ପରମ୍ପରାର ମୌଳିକତା ର ସୁରକ୍ଷା , ପ୍ରକୃତି ସୁରକ୍ଷା , ପାରମ୍ପରିକ ଜ୍ଞାନ ର ସଂରକ୍ଷଣ ଓ ସଂପ୍ରସାରଣ ରେ ଭୂମିକା ତଥା ଆଦିବାସୀ ଦିବସ ର ମୂଲ ଲକ୍ଷ ଓ ଉଦ୍ଦେଶ୍ୟ ସମ୍ଵନ୍ଧରେ ଅତିଥିଗଣ ଆଲୋକପାତ କରିଥିଲେ । ଶ୍ରୀ ମହାଦେବ ମେହେର , ପ୍ରେମାନନ୍ଦ ମେହେର , ସୁଜାତା ମେହେର ତଥା ସମାଜ ର ମାନ୍ୟଗଣ୍ୟ ବ୍ୟକ୍ତି ଉପସ୍ଥିତ ରହିଥିଲେ ।