ଭଦ୍ରକ, ସୀତାକାନ୍ତ ପାଢ଼ୀ : ଗୋଟିଏ ମଣିଷ ଗୋଟିଏ ଗଛ ର ବାର୍ତ୍ତା ସହ ପରିବେଶ ସୁରକ୍ଷା ବାର୍ତ୍ତା ନେଇ ମହା ମହିମ ରାଷ୍ଟ୍ରପତିଦୌପଦୀ ମୁର୍ମୁଙ୍କୁ ଭେଟି ଶୁଭେଚ୍ଛା ଜଣାଇବା ପାଇଁ ସାଇକେଲ ଯୋଗେ ଯାତ୍ରା ଆରମ୍ଭ କରିଛନ୍ତି ଭଦ୍ରକ ଉତ୍ତର ବାହିନୀ ଅଞ୍ଚଳର ଯୁବକ ସଞ୍ଜୟ କୁମାର ପଣ୍ଡା | ଜ଼ିଲ୍ଲାପାଳ ଙ୍କ କାର୍ଯ୍ୟାଳୟ ସମ୍ମୁଖରୁ ସାଇକେଲ ଯୋଗେ ତାଙ୍କର ଯାତ୍ରା ଆରମ୍ଭ କରିଛନ୍ତି. ଯେଉଁଭଳି ଭାବେ ପରିବେଶ ପ୍ରଦୂଷଣ ବଢ଼ିବାରେ ଲାଗିଛି ସେଥିପ୍ରତି ଆମେ ସମସ୍ତେ ଯତ୍ନବାନ ହେବା ସହ ସମସ୍ତେ ବହୁଳ ପରିମାଣରେ ବୃକ୍ଷରୋପଣ ଆବଶ୍ୟକତା ବୃଦ୍ଧି ପାଇଛି | "ଗୋଟିଏ ମଣିଷ ଗୋଟିଏ ଗଛ ଲଗାଇବା ନିତ୍ୟାନ୍ତ ଆବଶ୍ୟକ" ଭଳି ପରିବେଶ ସୁରକ୍ଷା ର ସଚେତନତା ର ବାର୍ତ୍ତା ବାଣ୍ଟିବା ପାଇଁ ସାଇକେଲ ଯୋଗେ ଭଦ୍ରକ ରୁ ଦିଲ୍ଲୀ ଯାତ୍ରା ଆରମ୍ଭ କରିଛନ୍ତି ଏହି ଯୁବକ | ରାଷ୍ଟ୍ରପତି ଆମ ଜନ୍ମ ମାଟିର ହୋଇଥିବାରୁ ଖୁସିବ୍ୟକ୍ତ କରିବା ସହ ତାଙ୍କୁ ଶୁଭେଚ୍ଛା ଜଣାଇବେ ବୋଲି ଯୁବକ ଜଣକ କହିଛନ୍ତି | ଭଦ୍ରକ ଜ଼ିଲ୍ଲାପାଳ ଙ୍କ କାର୍ଯ୍ୟାଳୟ ରୁ ସାଇକେଲ ଯୋଗେ ଯାତ୍ରା ଆରମ୍ଭ କରିବା ସମୟରେ ଭଦ୍ରକ ର ବହୁ ଯୁବ ଗୋଷ୍ଠୀ ତାଙ୍କର ଏହି ଯାତ୍ରା ସଫଳମୟ ହେଉ ବୋଲି ଅଭିନନ୍ଦନ ଓ ଶୁଭେଚ୍ଛା ଜଣାଇଥିଲେ |