ଜଗତସିଂହପୁର,/ସୁମନ୍ତ କୁମାର ଦାସ:ଜଗତସିଂହପୁର ଜିଲ୍ଲା ଆଳିପିଙ୍ଗଳ ଜଳସେଚନ ବିଭାଗ ସହକାରୀ ଯନ୍ତ୍ରୀଙ୍କ ଉପମଣ୍ଡଳ କାର୍ଯ୍ୟଳୟ ପରିସରରେ ଶିବଶକ୍ତି ପାଣି ପଂଚାୟତର ନିର୍ବାଚନ ଅନୁଷ୍ଠିତ ହୋଇଯାଇଛି । ଏହି ନିର୍ବାଚନ 5 ଟି ପଞ୍ଚାୟତର 94 ଜଣ ଭୋଟରଙ୍କୁ ନେଇ ଅନୁଷ୍ଠିତ ହୋଇଛି। ଏଥିରେ ତୁମ୍ବାଅଣ୍ଡେଇସାହି ,ଗଜରାଜପୁର,ଚଢେଇଗାଁ, ଶାଳଗାଁ,ନୂଆଗାଁ ପଂଚୟତର ନିର୍ବାଚନ ହେଉଥିବାବେଳେ ଏହି ନିର୍ବାଚନରେ ସଭାପତି ପଦବୀ ପାଇଁ 2 ଜଣ , ସମ୍ପାଦକ ପଦବୀ ପାଇଁ 2 ଜଣ ଓ କୋଷାଧ୍ୟକ୍ଷ ପଦବୀ ପାଇଁ 2 ଜଣ ପ୍ରତିଦ୍ୱନ୍ଦିତା କରୁଥିଲେ। ସେଥି ମଧ୍ୟରୁ ସଭାପତି ଭାବେ ଶିତାଅଂଶୁ ଶେଖର ଆଚାର୍ଯ୍ୟ,ସମ୍ପାଦକ ଭାବେ ପ୍ରଶାନ୍ତ କୁମାର ଆଚାର୍ଯ୍ୟ ଓ କୋଷାଧକ୍ଷ ଭାବେ ଝୁନା ଦାସ ନିର୍ବାଚନ ଜିତିଛନ୍ତି ଓ ଚାଷୀମାନଙ୍କର ସମସ୍ତ ପ୍ରକାରର ସୁବିଧାର ବ୍ୟବସ୍ଥା କରିବେ ବୋଲି ଜିତିଥିବା ପାର୍ଥି ମାନେ ପ୍ରକାଶ କରିଛନ୍ତି ।