ଭୁବନେଶ୍ୱର: ଜଳାଭାବ ପରିସ୍ଥିତି ବସ୍ତୁତଃ ଓଡ଼ିଶାର ସମ୍ବଲପୁର ଜିଲ୍ଲା, ରେଙ୍ଗାଲି ବ୍ଲକରେ ଏକ ସବୁଦିନିଆ ସମସ୍ୟା ହୋଇଛି । ଅନିୟମିତ ବୃଷ୍ଟି କାରଣରୁ ଜଳାଭାବ ଉକ୍ତ ଅଞ୍ଚଳରେ କୃଷି ଅର୍ଥନୀତି ପ୍ରତି ଗୁରୁତର ବିପଦ ସୃଷ୍ଟି କରୁଛି । ଏଥିରୁ ଆଶ୍ୱସ୍ତି ପ୍ରଦାନ ସକାଶେ ଆଦିତ୍ୟ ବିର୍ଲା ଗ୍ରୁପ୍‍ କମ୍ପାନୀ ଆଦିତ୍ୟ ଆଲୁମିନିୟମ ରେଙ୍ଗାଲି ବ୍ଳକ ଅଧୀନସ୍ଥ ସହରାଞ୍ଚଳ ଓ ଗ୍ରାମାଞ୍ଚଳଗୁଡିକରେ ଜଳାଶୟଗୁଡିକର ପୁନରୁଦ୍ଧାର ଏବଂ ବହି ଯାଉଥିବା ଜଳ, ବର୍ଷାଜଳ ଏବଂ ବର୍ଜ୍ୟଜଳ ସଂରକ୍ଷଣ ଦିଗରେ ଆଗେଇ ଆସିଛି । ଏହା ପରିବ୍ୟବସ୍ଥା ଏବଂ କୃଷକମାନଙ୍କୁ ଫାଇଦା ପହଞ୍ଚାଉଛି ।
ଶ୍ରୀ ସମୀର ନାୟକ, ୟୁନିଟ ହେଡ୍‍, ଆଦିତ୍ୟ ଆଲୁମିନିୟମ କହିଛନ୍ତି, “ଜୈବ ବିବିଧତା ପରିଚାଳନା କ୍ଷେତ୍ରରେ ଅବଦାନ ରଖିବାକୁ ନିରଳସ ଭାବରେ ଆମେ କାର୍ଯ୍ୟ କରିଛୁ । ତାହାର ପରିଣତି ଆଦିତ୍ୟ ଟାଉନସିପ୍‍ରେ ପ୍ରତିଫଳିତ ହେଉଛି, ଯେଉଁଠାରେ ବିବିଧ ଉଦ୍ଭିଦ ଓ ପ୍ରାଣୀଙ୍କର ଉତ୍ସାହପ୍ରଦ ସ୍ଥିତି ପରିଲକ୍ଷିତ ହେଉଛି । ଆମେ ଟାଉନସିପରେ ୬୦୦୦୦ ଘନମିଟର କ୍ଷମତା ବିଶିଷ୍ଟ ବର୍ଷାଜଳ ଅମଳ ପୁଷ୍କରିଣୀ ବିକଶିତ କରିଛୁ । ଗତ ପାଞ୍ଚବର୍ଷ ମଧ୍ୟରେ ୧୮୦୫୭ ଘନମିଟର କ୍ଷମତାରୁ ଅଧିକ ବର୍ଷାଜଳ ଅମଳ ଢାଞ୍ଚାଗୁଡିକର ଆଧୁନିକିକରଣ / ନିର୍ମାଣ କରାଯାଇଛି ।
ଏହାବ୍ୟତୀତ ଆମ କମ୍ପାନୀ ଗୋଷ୍ଠୀଗୁଡିକର ଫାଇଦା ସକାଶେ ୫୦ଟି ପୁଷ୍କରିଣୀ ବିକଶିତ କରିଛି ଯାହା ୧୭୮ ଜଣ ଚାଷୀଙ୍କ ପାଇଁ ସହାୟକ ହେଉଛି, ଯେଉଁମାନେ ସମ୍ପ୍ରତି ୩୫୨ ଏକର ଜମିରେ ଚାଷକାର୍ଯ୍ୟ କରିବା ସହିତ ବହୁବିଧ ଫସଲ ଉତ୍ପାଦନ କରୁଛନ୍ତି । ସରକାରଙ୍କ ପକ୍ଷରୁ ଯୋଗାଇ ଦିଆଯାଉଥିବା ଏବଂ ଆଦିତ୍ୟ ଆଲୁମିନିୟମ ଦ୍ୱାରା ସୁଗମ କରାଯାଉଥିବା ଜଳସେଚନ ସୁବିଧା ସ୍ଥାୟୀୟ କୃଷକଙ୍କ ଆୟରେ ଯଥେଷ୍ଟ ବୃଦ୍ଧି ଘଟାଇଛି ଏବଂ ୨୦୧୩-୧୪ ବର୍ଷରେ ସେମାନେ ୧୧ ହଜାର ଟଙ୍କା ଆୟ କରିଥିବାବେଳେ ସମ୍ପ୍ରତି ଏହା ବାର୍ଷିକ ୫୦ ହଜାର ଟଙ୍କାରୁ ୧ ଲକ୍ଷ ଟଙ୍କା ପର୍ଯ୍ୟନ୍ତ ବୃଦ୍ଧିପାଇଛି । ଧୋରୋପାଣିଠାରେ ଏହି ପୁଷ୍କରିଣୀଗୁଡିକର ଜଳକୁ ବ୍ୟବହାର କରି ୫୦ ଏକର ଜମିରେ ଚାଷ କାର୍ଯ୍ୟ କରାଯାଉଛି । ଏହାବ୍ୟତୀତ ‘ଆଜାଦିକା ଅମୃତ ମହୋତ୍ସବ’ ପାଳନର ଅଂଶସ୍ୱରୂପ ରେଙ୍ଗାଳି ବ୍ଳକ୍‍କୁ ଆବଣ୍ଟନ କରାଯାଇଥିବା ୯ଟି ଅମୃତ ସରୋବର (ପୁଷ୍କରିଣୀ) ମଧ୍ୟରୁ ୫ଟି ପୁଷ୍କରିଣୀର ଖନନ ଓ ଆଧୁନିକିକରଣ ନିମନ୍ତେ ଆମେ ସରକାରଙ୍କ ସହିତ ସହଭାଗିତା କରିଛୁ,” ବୋଲି ଶ୍ରୀ ନାୟକ କହିଛନ୍ତି ।
ଧୋରୋପାଣି ଗ୍ରାମର ଜଣେ ଅଗ୍ରଣୀ ଚାଷୀ ଶ୍ରୀରାମ ପଧାନ ସାମର୍ଥ୍ୟ ନିର୍ମାଣ, ସର୍ବୋତ୍ତମ କୃଷି ଅଭ୍ୟାସର କାର୍ଯ୍ୟକାରିତା, କୃଷି ଉପାଦାନ, ବୁନ୍ଦା ଜଳସେଚନ ଏବଂ ବୀମା ସୁନିଶ୍ଚିତ କରିବା ଭଳି ଆଦିତ୍ୟ ଆଲୁମିନିୟମର ସକ୍ରିୟ ଓ ସକାରାତ୍ମକ ପ୍ରୟାସଗୁଡିକ ବଳରେ ବିଗତ ବହୁବର୍ଷ ଧରି ବିବିଧ ଫସଲ ଚାଷ କରିଆସୁଛନ୍ତି । ସେ ଆଦିତ୍ୟ ଆଲୁମିନିୟମ ଦ୍ୱାରା ଖନନ କରାଯାଇଥିବା ପୁଷ୍କରିଣୀଗୁଡିକରୁ ଜଳ ଉତ୍ତୋଳନ କରୁଛନ୍ତି । ଶ୍ରୀ ପଧାନ ସମ୍ପ୍ରତି ବାର୍ଷିକ ୧.୫ ଲକ୍ଷ ଟଙ୍କାରୁ ଅଧିକ ଆୟ କରୁଛନ୍ତି ।
ଏକ ଦାୟିତ୍ୱସମ୍ପନ୍ନ କର୍ପୋରେଟ ସଂସ୍ଥା ଭାବରେ ଏବଂ ସମାଜକୁ ପ୍ରତିଦାନ ଦେବାକୁ ନିରନ୍ତର ପ୍ରେରଣାରେ ପରିଚାଳିତ ହୋଇ ଆଦିତ୍ୟ ବିର୍ଲା ଗ୍ରୁପ୍‍ ଓଡ଼ିଶାରେ ୧୨୮ଟି ଗ୍ରାମରେ ୨ଲକ୍ଷରୁ ଅଧିକ ଲୋକଙ୍କ ଜୀବନକୁ ସ୍ପର୍ଶ କରିବା ସହିତ ୫ ଲକ୍ଷରୁ ଅଧିକ ଲୋକଙ୍କ ନିକଟରେ ପହଞ୍ଚୁଛି । ଗ୍ରୁପ୍‍ର ସିଏସ୍‍ଆର କାର୍ଯ୍ୟକ୍ରମ ଶ୍ରୀମତୀ ରାଜଶ୍ରୀ ବିର୍ଲାଙ୍କ ଅଧ୍ୟକ୍ଷତାରେ ପରିଚାଳିତ ଆଦିତ୍ୟ ବିର୍ଲା ସେଣ୍ଟର ଫର୍‍ କମ୍ୟୁନିଟି ଇନିସିଏଟିଭ୍‍ ଆଣ୍ଡ ରୁରାଲ ଡେଭଲପମେଣ୍ଟ ଅଧୀନରେ କାର୍ଯ୍ୟକାରୀ ହେଉଛି । ଶ୍ରୀମତୀ ବିର୍ଲାଙ୍କର ଦୂରଦୃଷ୍ଟିସମ୍ପନ୍ନ ଲକ୍ଷ୍ୟ ହେଉଛି ଆମେ ଆମର ବ୍ୟବସାୟ ପରିଚାଳନା କରୁଥିବା ଅଞ୍ଚଳର ଗୋଷ୍ଠୀଗୁଡିକର ସାମାଜିକ ଓ ଅର୍ଥନୈତିକ ବିକାଶ ନିମନ୍ତେ ସକ୍ରିୟ ଭାବରେ ଅବଦାନ ରଖିବା । ତାହା କରିବା ସମୟରେ ସମାଜର ଦୁର୍ବଳ ବର୍ଗଙ୍କ ପାଇଁ ଜୀବନ ନିର୍ବାହର ଏକ ଉନ୍ନତ ଓ ଦୀର୍ଘସ୍ଥାୟୀ ପନ୍ଥା ନିର୍ମାଣ ଏବଂ ଦେଶର ମାନବ ସମ୍ବଳ ସୂଚୀରେ ଉତ୍‍ଥାନ ଘଟାଇବାକୁ ସେ ଚାହାଁନ୍ତି । ଗ୍ରୁପ୍‍ର ସିଏସଆର୍‍ ଲକ୍ଷ୍ୟ ଦାରିଦ୍ର୍ୟ ଦୂରୀକରଣ ଏବଂ କ୍ଷୁଧାରୁ ମୁକ୍ତି ସୁନିଶ୍ଚିତ କରିବା ସକାଶେ ୟୁଏନ୍‍ଏସଡିଜି ଲକ୍ଷ୍ୟସମୂହ ମୁତାବକ ହୋଇଛି ।