ପୂରୀ/ଅନିମେଶ ପଟ୍ଟନାୟକ: ଚଳିତ ରଥଯାତ୍ରା ପାଇଁ ଆଜି ବସିବ ୨ୟ ସମନ୍ଵୟ ବୈଠକ। ଅଧ୍ୟକ୍ଷତା କରିବେ କେନ୍ଦ୍ରାଞ୍ଚଳ ରାଜସ୍ବ ଆୟୁକ୍ତ । ପ୍ରସ୍ତୁତିର ସମୀକ୍ଷା କରାଯିବ । ସମସ୍ତ ବିଭାଗ କିପରି ଆକ୍ସନ ପ୍ଳାନ କରିଛନ୍ତି ସେ ନେଇ ବିସ୍ତୃତ ଆଲୋଚନା କରାଯିବ । ଗତ ବୈଠକରେ ଜିଲ୍ଲାପାଳ ସମର୍ଥ ବର୍ମା ଦୁଇଟି ଦିଗକୁ ନେଇ ସମସ୍ତ ବିଭାଗ ସହ ଆଲୋଚନା କରିଥିଲେ । ଭକ୍ତ ବୀହିନ ଓ ଭକ୍ତ ଯୁକ୍ତ ରଥଯାତ୍ରା କରାଯିବାକୁ ନେଇ ସମସ୍ତ ବିଭାଗକୁ ଆକ୍ସନ ପ୍ଳାନ କରିବାକୁ କୁହାଯାଇଥିଲା । ଯାହା ଆଜି ତଥା ୨ୟ ସମନ୍ଵୟ ବୈଠକରେ ଆଲୋଚନା କରାଯିବ । ସେପଟେ ଶ୍ରୀକ୍ଷେତ୍ରରେ ରବିବାର ସରିଛି ଭଉଁରି । ଏଥର ମହାପ୍ରଭୁଙ୍କ ଚନ୍ଦନ ଯାତ୍ରାକୁ ଭକ୍ତ ମାନେ ବେସ ଉପଭୋଗ କରିଛନ୍ତି । ତେଣୁ ରଥଯାତ୍ରା ମଧ୍ଯ ଭକ୍ତଙ୍କ ଗହଣରେ କରାଯିବ ବୋଲି ଆଶା କରାଯାଉଛି । ଅନ୍ୟପଟେ ମହାପ୍ରଭୁଙ୍କ ରଥ ନିର୍ମାଣ ଯୋରସୋରରେ ଆଗେଇ ଚାଲିଛି । ରବିବାର ପରମ୍ପରା ମୁତାବକ ଶ୍ରୀକ୍ଷେତ୍ର ଭଁଉରି ଦିନ ତିନି ରଥର ଚକଡେରା ନୀତି ଅନୁଷ୍ଠିତ ହୋଇଯାଇଛି । ମହାପ୍ରଭୁଙ୍କ ଆଜ୍ଞାମାଳ ଆସିବାପରେ ତିନି ରଥର ୬ଟି ଚକରେ ଚକଡେରା ନୀତି ସମ୍ପନ୍ନ ହୋଇଛି ।