ବିଜେପୁର(ଶାସକପ୍ରଶାସକ) -ବରଗଡ଼ ଜିଲ୍ଲା ବିଜେପୁର ବ୍ଲକ ହାଇସ୍କୁଲ ପଡ଼ିଆ ପରିସର ରେ ଆଜି ଏକଦିବସୀୟ ବିର୍ସ।ମୁଣ୍ଡା ଫୁଟବଲ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ଏଥିରେ ବିଜେପୁର ଆଖପାଖର ଜାରିଂ ,କନାପାଳି,ଖରମୁଣ୍ଡା ,ଡୁମେରପାଲି ,ଖଳିଆ ପାଲି ,ଗଣ୍ଡପାଲି ,ଇଚ୍ଛାପୁର ଓ ଡଙ୍ଗାଘାଟ ଫୁଟବଲ ଦଳ ଭାଗନେଇ ନିଜ ନିଜର ଖେଳ ପ୍ରଦର୍ଶନ କରିଥିଲେ ।ଖେଳ ଗୁଡିକ ଦର୍ଶକ ମାନଙ୍କୁ ମନମୁଗ୍ଧ କରିଥିବା ବେଳେ କରୁଣାକର ପଧାନ ,ଲୋକନାଥ ବାରିକ ,ପ୍ରଶାନ୍ତ ବାରିକ ,ଖିରେଶ୍ୱର ସାହୁ ପ୍ରମୁଖ ଦଳ ର ଖେଳ କୁ ପରିଚାଳନା କରିଥିଲେ ।ଉକ୍ତ ପ୍ରତିଯୋଗିତାରେ ଖରମୁଣ୍ଡା ଦଳ ଓ କନାପାଳି ଦଳ ଉତ୍ତମ ଖେଳ ପ୍ରଦର୍ଶନ କରି ଫାଇନାଲ ଖେଳରେ ପହଂଚି ଥିବା ବେଳେ ଟ୍ରାଇବ୍ରେକର ଜରିଆରେ କନାପାଳି ଦଳ ୩ - ୧ ଗୋଲରେ ବିଜୟୀ ଘୋଷିତ ହୋଇଥିଲେ । ଏହି ଉଦଯାପନୀ ସମାରୋହରେ ମୁଖ୍ୟ ଅତିଥି ଭାବେ ମୋତିଲାଲ ବାଗ ଯୋଗ ଦେଇ ଥିବା ବେଳେ ବାବୁଲୁ ପଧାନ ଓ ବିନୋଦ ବାରିକ ଅତିଥି ଭାବେ ଯୋଗ ଦେଇ ଖେଳାଲି ମାନଙ୍କୁ ଉତ୍ସାହିତ କରିଥିଲେ ।
ପରେ ଅତିଥି ଗଣ ବିଜୟୀ ଓ ଉପବିଜୟୀ ଦଳ କୁ ଟ୍ରଫି ଓ ଅର୍ଥ ରାଶି ପୁରସ୍କାର ପ୍ରଦାନ କରିଥିଲେ ।କାର୍ଯ୍ୟ ପରିଚାଳନା ରେ ମିଳୁ ପଟେଲ , ସୁଜିତ ଭୋସାଗର ,ମିଥୁନ ବାଗ ,ଅନନ୍ତ ଦେହେରୀ , ସୁର୍ଯ୍ୟକାନ୍ତ ବାରିକ ,ସୁଦାମ ଶାଣ୍ଢ , ସାନନ୍ଦ ଭୁଏ ,ପ୍ରହ୍ଲାଦ ସେଠ ପ୍ରମୁଖ ସକ୍ରିୟ ଭାବେ ସହଯୋଗ କରିଥିଲେ ।
