ନୂଆପଡ଼ାରୁ ଯଶୋବନ୍ତ କୁମାର : ନୂଆପଡା ଜିଲ୍ଲାକୁ ଦିନିକିଆ ଗସ୍ତରେ ପୋଲିସ ମହାନିର୍ଦ୍ଧେଶ ଅଭୟ ଆସି ମାଓ ପ୍ରବଣ ଅଞ୍ଚଳ ପରିଦର୍ଶନ କରିବା ସହ ଓଡିଶା ଛତିଶଗଡ଼ ସୀମା ରେ ଏକ ଏରିୟଲ ସର୍ଭେ କରିଛନ୍ତି। ସେହିପରି ସୁନାବେଡା ଅଭୟାରଣ୍ୟ ମାଓ ଗତିବିଧି କମିଥିବା ବେଳେ ବିଗତ ଡେଢ଼ ବର୍ଷ ହେବ ମାଓବାଦୀ ଙ୍କ କୌଣସି ଘଟଣା ହୋଇନଥିବା ପ୍ରକାଶ କରିଛନ୍ତି। ଏହି ଅଂଚଳରର ସିଆରପିଏଫ, ପୋଲିସ, ଏସଓଜି,ଆଇଆରବିଏନ ଏବଂ ବିବିଏଫ ଭଲକାମ କରିଛନ୍ତି। ବିଶେଷ କରି ସିଆରପିଏଫକୁ ଧନ୍ୟବାଦ ଜଣାଇଛନ୍ତି।
ମାଓବାଦୀଙ୍କ ଗତିବିଧି ଏବଂ ଏହାର ପ୍ରତିରୋଧ ନେଇ ଏକ ସମୀକ୍ଷା ବୈଠକରେ ଯୋଗ ଦେଇଛନ୍ତି। ଏହା ପରେ ସୁନାବେଡା ସିଆରପିଏଫ କେମ୍ପ କୁ ପରିଦର୍ଶନ କରିଛନ୍ତି। ଜିଲ୍ଲା ପୋଲିସ ଏସ ପି କାର୍ଯ୍ୟାଳୟ ଠାରେ ସାମ୍ବାଦିକଙ୍କୁ ସମ୍ବୋଧନ କରି ମହା ନିର୍ଦ୍ଧେଶକ ଅଭୟ ମତବ୍ୟକ୍ତ କରିଛନ୍ତି। ପଡୋଶୀ ସୀମାରେ ମାଓ ଗତିବିଧି ଖବର ଥିବା ବେଳେ ପ୍ରଭାବ ବହୁତ କମ ଥିବା ପ୍ରକାଶ କରିଛନ୍ତି। ଏହି ଗସ୍ତରେ ଏସପି ପ୍ରତ୍ୟୁଷ ଦିବାକର ଉପସ୍ଥିତ ଥିଲେ।
