କଲ୍ୟାସିଂହପୁର/ ପ୍ରଦିପ ଦଳାଇ: ରାୟଗଡା ଜିଲ୍ଲା କଲ୍ୟାଣସିଂପୁର ବ୍ଲକ ଠାରେ ଓଡିଶା ଡ୍ରାଇଭର ମହାସଂଘ ତତ୍ଵାବଧାନରେ ବ୍ଲକ ସ୍ତରୀୟ ଡ୍ରାଇଭର ମହାସଂଘ ପକ୍ଷରୁ ବନ୍ଧୁ ମିଳନ ଅନୁଷ୍ଠିତ ହୋଇଛି | ସ୍ଥାନୀୟ କାଳୀ ସୁନ୍ଦରୀ ମନ୍ଦିର ଠାରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ଶୋଭାଯାତ୍ରା ବାହାରି ବିଭିନ୍ନ ଦାବୀ ନେଇ ନାରା ବାଜି ଦେଇ ଗୁଣ୍ଡିଚା ମନ୍ଦିର ସ୍ଥିତି ସଭା ସ୍ଥଳରେ ପହଞ୍ଚିଥିଲେ | ସେଠାରେ ଡ୍ରାଇଭରମାନଙ୍କର ବିଭିନ୍ନ ସମସ୍ୟା ନେଇ ଆଲୋଚନା କରାଯାଇଥିଲା | ଆଗାମୀ ଦିନରେ ଡ୍ରାଇଭର ମାନଙ୍କର ସମସ୍ୟା ପ୍ରତି ସରକାର ଧ୍ୟାନ ନ ଦିଅନ୍ତି ରାଜ୍ୟବ୍ୟାପୀ ଆନ୍ଦୋଳନ ସହ ଚକା ବନ୍ଦ କରିବେ ବୋଲି ଚେତାବନୀ ଦେଇଛନ୍ତି | ପରବର୍ତ୍ତୀ ସମୟରେ ଜିଲ୍ଲାର ପ୍ରତି ବ୍ଲକରେ ଏହି ଭଳି ବନ୍ଧୁ ମିଳନ ପର୍ବ ସହ ଡ୍ରାଇଭର ମାନଙ୍କର ବିଭିନ୍ନ ସମସ୍ୟାକୁ ନେଇ ଦାବୀ ସରକାରଙ୍କ ନିକଟରେ ଉପସ୍ଥାପନ କରାଯିବ ବୋଲି ରାୟଗଡା ଜିଲ୍ଲା ଡ୍ରାଇଭର ମହାସଂଘ ପକ୍ଷରୁ ସୂଚନା ମିଳିଛି | ବହୁତ ସଂଖ୍ୟାରେ ଜିଲ୍ଲା ତଥା ଜିଲ୍ଲା ବାହାରୁ ଡ୍ରାଇଭର ଭାଇ ମାନେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମର ସଫଳତା ପାଇଁ ବ୍ଲକର ସମସ୍ତ ଡ୍ରାଇଭର ଭାଇମାନେ ସହଯୋଗ କରିଥିଲେ।