ଅଙ୍ଗନବାଡିଗୃହ ନିର୍ମାଣ ଦାବୀ
କୋରେଇ/ଜୟଶଙ୍କର ଦାଶ : କୋରେଇ ବ୍ଲକ୍ ଅର୍ନ୍ତଗତ ତଳଗଡ ପଂଚାୟତ ନୂଆଗଡ ଗ୍ରାମରେ ଅଙ୍ଗନବାଡି କେନ୍ଦ୍ର କାର୍ଯ୍ୟ କରୁଥିଲେ ହେଁ ଏପର୍ଯ୍ୟନ୍ତ ଏହାର ନିଜସ୍ୱ ଗୃହ ନିର୍ମାଣ ହୋଇପାରିନାହିଁ । ଗାଁ କୋଠା ଘରେ ଚାଲିଥିବା ଅଙ୍ଗନବାଡି କେନ୍ଦ୍ରରେ ପାଠ ପଢାଇବା ସ୍ୱାଭାବିକ ହେଉନାହିଁ । ବ୍ଲକର ଅଧିକାଂଶ ଗ୍ରାମରେ ଅଙ୍ଗନବାଡି କେନ୍ଦ୍ର ପାଇଁ ସରକାରଙ୍କ ତରଫରୁ ଅନୁଦାନ ଦିଆଯାଇଥିବାବେଳେ ଏହି ପୁରାତନ କେନ୍ଦ୍ର ପ୍ରତି ଅବହେଳା କରାଯାଉଥିବାରୁ ଗ୍ରାମବାସୀଙ୍କ ମଧ୍ୟରେ ଅସନ୍ତୋଷ ବୃଦ୍ଧି ପାଉଛି । ଅନ୍ୟପକ୍ଷରେ ଏହି ଗ୍ରାମରେ ପ୍ରାଥମିକ ବିଦ୍ୟାଳୟ ଟିଏ ମଧ୍ୟ ନାହିଁ । ତେଣୁ ଏଠାରେ ନିହାତି ଅଙ୍ଗନବାଡି କେନ୍ଦ୍ର ଖୋଲିବା ପାଇଁ ସାଧାରଣରେ ଦାବୀ ହେଉଛି ।
