ଝାରସୁଗୁଡ଼ା :(ସୁଭାଷ ସହାରେ) :ଝାରସୁଗୁଡ଼ାର ବିଜୁ ଜନତା ଦଳ କାର୍ଯ୍ୟାଳୟରେ ଆଜି ଏକ ରକ୍ତଦାନ ଶିବିର ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମଟି ବିଜୁ ଜନତା ଦଳ ଓ ବିଜୁ ଛାତ୍ର ଜନତା ଦଳ ତରଫରୁ ଓଡ଼ିଶା ମୋ ପରିବାରର ସୌଜନ୍ୟରେ ଅନୁଷ୍ଠିତ ହୋଇଥିଲା। କାର୍ଯ୍ୟକ୍ରମର ଉଦଘାଟନ 'ଜୀବନ ବିନ୍ଦୁ' ର ଜିଲ୍ଲା ସଂଯୋଜକ ତ୍ରିନାଥ ଗୁଆଲଙ୍କ ଦ୍ବାରା ହୋଇଥିଲା।ଏହି ଅବସରରେ ଆଜି ୧୫ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା ବୋଲି ସୂଚନା ମିଳିଛି। ଝାରସୁଗୁଡ଼ା ରକ୍ତ ଭଣ୍ଡାରରେ ରକ୍ତ ନ ଥିବା ଜଣା ପଡ଼ିବାରୁ ଏହି ଶିବିର ଅନୁଷ୍ଠିତ ହୋଇଥିଲା। ଏହି କାର୍ଯ୍ୟକ୍ରମରେ ଜିଲ୍ଲା ରେଡକ୍ରସର ଉପାଧ୍ୟକ୍ଷ ଶ୍ରୀ ତାପସ କୁମାର ରାୟ ଚୌଧୁରୀ, ବିଜୁ ଜନତା ଦଳର ଟାଉନ ସଭାପତି ଶ୍ରୀ ସନ୍ଦୀପ ଅବସ୍ତି ଓ ଅନ୍ୟାନ୍ୟ କର୍ମକର୍ତ୍ତା ଉପସ୍ଥିତ ଥିଲେ।