ସମ୍ବଲପୁର(ରମାକାନ୍ତ ବିଶ୍ବାଳ ): ସମ୍ବଲପୁର ଭାରତ ସଂଚାର ନିଗମ ଲିମିଟେଡ଼ ର  ସାଧାରଣ ପରିଚାଳକ ବଲବୀର ସିଂ ଙ୍କୁ ଆଜି ବିଏସଏନଲ  ଅସ୍ଥାୟୀ  କର୍ମଚାରୀ ମାନେ ତାଲା ଦେଇ ପ୍ରତିବାଦ ଜଣାଇଥିଲେ l କର୍ମଚାରୀ ସଂଘ ଙ୍କ ଦୀର୍ଘ ୧ ବର୍ଷ ର ବକେୟା ଦରମା ପ୍ରଦାନ ସହ ଅନ୍ୟାନ୍ୟ ଦାବୀ ନେଇ ଆଜି ସ୍ଥାନୀୟ ପୋଷ୍ଟ ଅଫିସ ନିକଟସ୍ଥ ବିଏସଏନଲ ଏସଡ଼ିଓ ଙ୍କ କାର୍ଯ୍ୟାଳୟ ରେ ସିଟୁ ସହ ଅନୁବନ୍ଧିତ ବିଏସଏନଲ ଅସ୍ଥାୟୀ କର୍ମଚାରୀ ସଂଘ  ର କର୍ମକର୍ତ୍ତା ଙ୍କ ସହିତ ଆଲୋଚନା ଚାଲିଥିଲା l ଏହି ସମୟରେ ସାଧାରଣ ପରିଚାଳକ  ଶ୍ରୀ  ସିଂ ସଂଘ ର କର୍ମକର୍ତ୍ତା ଙ୍କୁ ଅଶୋଭନୀୟ ଆଚରଣ ସହ ଦୁର୍ବ୍ୟବହାର କରିବା  ଅଭିଯୋଗ କରି କାର୍ଯ୍ୟାଳୟ ସମ୍ଭୁଖ ରେ ତାଲା ପକାଇ ଦେଇଥିଲେ କର୍ମଚାରୀ l ଫଳରେ ଦୀର୍ଘ ସମୟ ଧରି ଅଫିସ ଭିତରେ ସାଧାରଣ ପରିଚାଳକଙ୍କ ସମେତ ଅନ୍ୟାନ୍ୟ ବରିଷ୍ଠ ଅଧିକାରୀ ଫସି ରହିଥିଲେ l ସୂଚନା ପାଇ ଘଟଣା ସ୍ଥଳ କୁ ଟାଉନ ଥାନା ପୋଲିସ  ଆଇଆଇସି ରମେଶ ଦୋରା ସଦଳ ବଳ ପହଂଚି ତାଲା ଖୋଲି  ସାଧାରଣ ପରିଚାଳକ ଙ୍କ ସମେତ ସମସ୍ତ ବରିଷ୍ଠ ଅଧିକାରୀ ଙ୍କୁ ବାହାର କରିଥିଲେ l