ଭୁବନେଶ୍ୱର(ଶାସକ ପ୍ରଶାସକ) : ଅବସରପ୍ରାପ୍ତ ଲୋକପ୍ରିୟ ଜଙ୍ଗଲ ପ୍ରଶାସକ ତଥା ବରିଷ୍ଠ ଆଇପିଏସ ଅଫିସର ଅମିତାଭ ଠାକୁରଙ୍କ ଶଶୁର କେ.ଏସ. ରାଜହଂସଙ୍କର ପରଲୋକ ହୋଇଯାଇଛି । ଶ୍ରୀ ରାଜହଂସ ୧୯୬୩ ବ୍ୟାଚର ଆଇଏଫଏସ ଅଫିସର ଥିଲେ । ସେ କିଛି ବର୍ଷ ତଳେ ଅବସର ନେଇଥିଲେ । ସେ କର୍କଟ ରୋଗରେ ପିଡିତ ଥିଲେ ଏବଂ ମୁମ୍ବାଇରେ ଚିକିତ୍ସାଧିନ ଅବସ୍ଥାରେ ଗତକାଲି ରାତିରେ ତାଙ୍କ ମୃତ୍ୟୁ ହୋଇଯାଇଛି । ତାଙ୍କ ମୃତ୍ୟୁରେ ପ୍ରଶାସନିକ ମହଲରେ ଶୋକର ଛାୟା ଖେଳିଯାଇଛି । ଶ୍ରୀ ରାଜହଂସ ଜଣେ ଅତି ଭଦ୍ର ଓ ମେଳାପୀ ଅଫିସର ଥିଲେ । ତାଙ୍କ ଚାକିରି କାଳ ମଧ୍ୟରେ ସେ ବିଭିନ୍ନ ଉଚ୍ଚ ପଦପଦବୀରେ ଦକ୍ଷତାର ସହ କାର୍ଯ୍ୟ କରି ସୁନାମ ଅର୍ଜ୍ଜନ କରିଥିଲେ । ଜଙ୍ଗଲ ଅଇନ କାନୁନ ବିଷୟରେ ବିଚକ୍ଷଣ ଜ୍ଞାନ ଓ ନିଆରା କାର୍ଯ୍ୟ ଶୈଳୀ ପାଇଁ ଜଣେ ଲୋକାଭିମୁଖୀ ଅଧିକାରୀ ଭାବେ ପ୍ରସିଦ୍ଧି ହାସଲ କରିଥିଲେ ।