ଓଡିଶା ଉପରେ ସମ୍ଭାବ୍ୟ ପ୍ରାକୃତିକ ଦୁର୍ବିପାକର ଭୟ ତଥା ଆବଶ୍ୟକୀୟ ମୁକାବିଲା ଓ ପରିଚାଳନା ନେଇ ବିସ୍ତୃତ ଭାବେ କଲେ ଆଲୋଚନା
ଭୁବନେଶ୍ୱର - ଓଡିଶା ଉପରେ ସାମୂଦ୍ରିକ ଝଡ "ଫୋନି'ର ସମ୍ଭାବ୍ୟ ପ୍ରଭାବ ନେଇ ସୋମବାର ବରିଷ୍ଠ ଅଧିକାରୀଙ୍କ ସହ ଟେଲିଫୋନ ଯୋଗେ ଆଲୋଚନା କରିଛନ୍ତି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ସମ୍ଭାବ୍ୟ ବାତ୍ୟା ନେଇ ଆବଶ୍ୟକିୟ ମୁକାବିଲା ଏବଂ ପଦକ୍ଷେପ ନେବା ପାଇଁ ଶ୍ରୀ ପ୍ରଧାନ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିଥିବା ସାମାଜିକ ଗଣମାଧ୍ୟମରେ ଉଲ୍ଲେଖ କରିଛନ୍ତି ।
ଶ୍ରୀ ପ୍ରଧାନ ଉଲ୍ଲେଖ କରିଛନ୍ତି ଯେ ସାମୂଦ୍ରିକ ଝଡ "ଫୋନି' ସ୍ଥଳଭାଗ ନିକଟବର୍ତି ହେବା ସହ ଆମ ରାଜ୍ୟ ଓଡିଶା ଉପରେ ସମ୍ଭାବ୍ୟ ପ୍ରଭାବ ନେଇ ବରିଷ୍ଠ ଅଧିକାରୀମାନଙ୍କ ସହିତ ଟେଲିଫୋନରେ ଆଲୋଚନା କଲି । କ୍ୟାବିନେଟ ସେକ୍ରେଟାରୀ ପିକେ ସିହ୍ନା, ଆଇଏମଡିର ଆଂଚଳିକ ମୁଖ୍ୟ ଏଚ୍ଆର୍ ବିଶ୍ୱାସ, ଏନଡିଆର୍ଏଫର ଡିଆଇଜି କେ.କେ. ସିହ୍ନାଙ୍କ ସହିତ କଥାବାର୍ତା ହୋଇ ଓଡିଶା ଉପରେ ସମ୍ଭାବ୍ୟ ପ୍ରାକୃତିକ ଦୁର୍ବିପାକର ଭୟ ତଥା ଆବଶ୍ୟକୀୟ ମୁକାବିଲା ଓ ପରିଚାଳନା ନେଇ ବିସ୍ତୃତ ଆଲୋଚନା କରିଥିବା ଶ୍ରୀ ପ୍ରଧାନ ଉଲ୍ଲେଖ କରିଛନ୍ତି ।
