ଭୁବନେଶ୍ୱର:ପ୍ରକାଶ ପାଇଲା ଵିକେପିର ଆଉ ଏକ ପ୍ରାର୍ଥୀ ତାଲିକା | ଏଥର ତିନୋଟି ଲୋକସଭା ଆଉ ୧୧ଟି ବିଧାନ ସଭା ପାଇଁ | ଏହି ତାଲିକାରେ ସ୍ଥାନ ପାଇଛନ୍ତି ଦଳକୁ ପୁଣି ଫେରିଥିବା ବରିଷ୍ଠ ନେତା ବିଜୟ ମହାପାତ୍ର | ସବୁ କଳ୍ପନା ଜଳ୍ପନାର ଅଂଟା ଘଟାଇ ତାଙ୍କୁ ଦଳ ପାଟକୁରାରୁ ପ୍ରାର୍ଥୀ କରିଛି | ପୂର୍ବରୁ ଅପରାଜିତା ଷଢଙ୍ଗିଙ୍କୁ ଦଳ ଭୁବନେଶ୍ୱର ସାଂସଦ ପ୍ରାର୍ଥୀ କରିଥିବା ବେଳେ ଉତ୍ତର ଭୁବନେଶ୍ୱରରେ ଦୁଇ ପ୍ରମୁଖ ଅଶାୟୀଙ୍କ ମନ ଉଣା କରି ଦଳ ପ୍ରାର୍ଥୀ କରିଛି ଅଭିନେତ୍ରୀ ଅପରାଜିତା ମହାନ୍ତିଙ୍କୁ | ସେହିପରି ପୁରୀରେଦଳ ପ୍ରାର୍ଥୀ କରିଛି ପୁରୀର ପୂର୍ବତନ ନଗରପାଳ ଜୟନ୍ତ ଷଡ଼ଙ୍ଗୀଙ୍କୁ ଓ ବିଜେଡି ଛାଡ଼ି ଯୋଗଦେଇଥିବା ବିଧାୟକ ସୁକାନ୍ତ ନାୟକଙ୍କୁ ଦଳ ନୀଳଗିରିରୁ ପ୍ରାର୍ଥୀ କରିଛି | ସେହିପରି ଯାଜପୁରରେ ନିରାଶ ହୋଇଛନ୍ତି ବିଜେଡି ଛାଡି ପଦ୍ମ ଧରିଥିବା ପୂର୍ବତନ ସାଂସଦ ମୋହନ ଜେନା | ସେଠାରେ ଦଳ ପ୍ରାର୍ଥୀ କରିଛି ଅମୀୟ ମଲ୍ଲିକଙ୍କୁ | ମୟୁରଭଞ୍ଜ ସାଂସଦ ପ୍ରାର୍ଥୀ ବାଛିବାରେ ଦବଦବା ରହିଛି ଜିଲ୍ଲା(ପୂର୍ବ) ସଭାପତି ବାବୁ ମହାପାତ୍ରଙ୍କର| ସେ ନିଜ ପାଇଁ ମୋରଡା ବିଧାନସଭା ଟିକେଟ ନେବା ସହ ବିଶ୍ୱେଶ୍ୱର ଟୁଡୁଙ୍କୁ ସାଂସଦ ପ୍ରାର୍ଥୀ କରାଇଛନ୍ତି | ଭଦ୍ରକ ସାଂସଦ ଅର୍ଜୁନ ସେଠି ଦୁଇଦିନ ତଳେ ବିଜେଡି ଛାଡି ବିଜେପି ରେ ଯୋଗ ଦେଇଥିବା ବେଳେ ତାଙ୍କ ପୁଅ ଅଭିମନ୍ୟୁଙ୍କୁ ଭଦ୍ରକ ପାଇଁ ସାଂସଦ ପ୍ରାର୍ଥୀ କରିଛି | ଆହି ଘୋଷିତ ହୋଇଥିବା ପ୍ରାର୍ଥୀ ତାଲିକା ଏହି ମତେ |
ଲୋକସଭା
ମୟୂରଭଂଜନ- ଇଂ ବିଶ୍ୱେଶ୍ୱର ଟୁଡୁ
ଭଦ୍ରକ- ଅଭିମନ୍ୟୁ ସେଠୀ
ଯାଜପୁର-ଅମୀୟ ମଲ୍ଲିକ
ବିଧାନସଭା
ପାଟକୁରା- ବିଜୟ ମହାପାତ୍ର
ମହାକାଳପଡ଼ା- ବିଜୟ ପ୍ରଧାନ
ଭୁବନେଶ୍ୱର-ଉତ୍ତର- ଅପରାଜିତା ମହାନ୍ତି
ଆଠଗଡ଼-ବ୍ରଜେନ୍ଦ୍ର ରାୟ
ପୁରୀ- ଜୟନ୍ତ ଷଡ଼ଙ୍ଗୀ
ରାଇରଙ୍ଗପୁର- ନବ ଚରଣ ମାଝି
ନିଳଗୀରି- ସୁକାନ୍ତ ନାୟକ
ମୋରଡ଼ା- କୃଷ୍ଣଚନ୍ଦ୍ର ମହାପାତ୍ର
ଆଠମଲ୍ଲିକ- ଭାଗୀରଥି ପ୍ରଧାନ
ବାଙ୍କୀ-ଶୁଭ୍ରାଂଶୁ ଶେଖର ପାଢ଼ୀ
ଆନନ୍ଦପୁର- ଆଲୋକ ସେଠୀ
