ଭୁନନେଶ୍ୱର(ଶାସକ ପ୍ରଶାସକ) : ବିଜୁ ଜନତା ଦଳର ସଙ୍ଗଠନକୁ ଆହୁରି କ୍ରିୟାଶୀଳ ଏବଂ ସୁସଙ୍ଗଠିତ କରିବା ନିମନ୍ତେ ବିଜୁ ଜନତା ଦଳର ରାଜ୍ୟ ସଭାପତି ତଥା ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ବିଜୁ ଜନତା ଦଳର ରାଜ୍ୟ ସାଧାରଣ ସମ୍ପାଦକ (ଯୁବ ବ୍ୟାପାର) ଶ୍ରୀ ପ୍ରଣବ କୁମାର ବଳବନ୍ତରାୟ ଏବଂ ବିଜୁ ଯୁବ ଜନତା ଦଳର ରାଜ୍ୟ ସଭାପତି ଡ଼. ବ୍ୟୋମକେଶ ରାୟଙ୍କ ଅନୁମୋଦନ କ୍ରମେ ଆଜି ବିଜୁ ଯୁବ ଜନତା ଦଳର ୪ଟି ସାଙ୍ଗଠନିକ ଜିଲ୍ଲାର ନୂତନ ଜିଲ୍ଲା କମିଟି ଘୋଷଣା କରାଯାଇଅଛି । ଆଜି ଘୋଷିତ ୪ଟି ଜିଲ୍ଲା ଯଥା କନ୍ଧମାଳ, ମାଲକାନଗିରି, ସୋନପୁର ଓ କୋରାପୁଟ ଜିଲ୍ଲାର ସମସ୍ତ ବ୍ଳକ୍, ପୌରପାଳିକା ଏବଂ ଏନ୍.ଏ.ସି.ର ସଭାପତିଙ୍କ ନାମ ମଧ୍ୟ ଘୋଷଣା କରାଯାଇଅଛି । ପ୍ରତ୍ୟେକ ଜିଲ୍ଲାର ଜିଲ୍ଲା କମିଟିରେ ୫ଜଣ ଉପ-ସଭାପତି, ୫ଜଣ ସାଧାରଣ ସମ୍ପାଦକ, ୨୦ଜଣ ସମ୍ପାଦକ ଏବଂ ଜଣେ ଲେଖାଏଁ ଆଇ.ଟି. କୋର୍ଡିନେଟରଙ୍କ ନାମ ଘୋଷଣା କରାଯାଇଅଛି । ବିଜୁ ଯୁବ ଜନତା ଦଳର ୩୫ଟି ସାଙ୍ଗଠନିକ ଜିଲ୍ଲା ମଧ୍ୟରୁ ୧୧ଟି ଜିଲ୍ଲାର ଜିଲ୍ଲା କମିଟି ଗଠନ ହୋଇସାରିଥିବା ବେଳେ, ଆଗାମୀ ଦିନରେ ବାକିଥିବା ସମସ୍ତ ସାଙ୍ଗଠନିକ ଜିଲ୍ଲାର ଜିଲ୍ଲା ସ୍ତରରୁ ତୃଣମୂଳ ସ୍ତର ପର୍ଯ୍ୟନ୍ତ ସମସ୍ତ କମିଟି ଘୋଷଣା କରାଯିବ ।
