ଭୁବନେଶ୍ୱର/ଧର୍ମଶାଳା (ଶାସକ ପ୍ରଶାସକ): ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ବିଜୁ ଯୁବ ଜନତା ଦଳର ନୂତନ ରାଜ୍ୟ କର୍ମକର୍ତ୍ତା ଚୟନ କରାଯାଇଛି। ଏହି କମିଟିରେ ଯାଜପୁର ଜିଲ୍ଲାର ଧର୍ମଶାଳା ନିର୍ବାଚନ ମଣ୍ଡଳୀର ତାରିଣୀ ପ୍ରସାଦ ନାୟକଙ୍କୁ ଯୁବ ବିଜେଡିର ରାଜ୍ୟ ସାଧାରଣ ସମ୍ପାଦକ ଭାବେ ନିଯୁକ୍ତି କରାଯାଇଛି। ତାରିଣୀ ଏଥି ପୂର୍ବରୁ ଯୁବ ବିଜେଡିର ସମ୍ପାଦକ ଭାବେ ୨୦୧୭ ରେ ନିଯୁକ୍ତି ପାଇବା ସହ ଯୁବ ବିଜେଡି ଆଇଟି ସେଲର ରାଜ୍ୟ ସଂଯୋଜକ ମଧ୍ୟ ଥିଲେ। ଗତ ୩ ବର୍ଷରେ ମଧ୍ୟରେ ଓଡ଼ିଶାରେ ନିଜର କଠିନ ପରିଶ୍ରମ ଫଳରେ ବେଶ ଲୋକପ୍ରିୟ ହାସଲ କରିଥିଲେ। ୨୦୧୬ ରେ ଛାତ୍ର ବିଜେଡିର ରାଜ୍ୟ ସମ୍ପାଦକ ଏବଂ ୨୦୧୪ ରେ ବିପିୟୁଟି ଛାତ୍ରସଂଘର ସଭାପତି ଭାବେ କାର୍ଯ୍ୟରତ ଥିଲେ।
ତାଙ୍କୁ ଏହି ଦାୟିତ୍ୱ ମିଳିଥିବାରୁ ସେ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ, ବିଜେଡି ସାଧାରଣ ସମ୍ପାଦକ(ଯୁବ ବ୍ୟାପାର) ତଥା ବିଧାୟକ,ଧର୍ମଶାଳା ଶ୍ରୀଯୁକ୍ତ ପ୍ରଣବ ବଳବନ୍ତରାୟ ଓ ବିଜେଡି ରାଜ୍ୟ ସମ୍ପାଦକ(ଯୁବ ବ୍ୟାପାର) ତଥା ଉଠା ଜଳସେଚନ ନିଗମ ଅଧକ୍ଷ ଶ୍ରୀଯୁକ୍ତ ଅମରେଶ ପତ୍ରିଙ୍କୁ ଧନ୍ୟବାଦ ଜଣାଇଛନ୍ତି।
ତାରିଣୀଙ୍କ ନୂତନ ଦାୟିତ୍ୱ ମିଳିବା ପରେ ଏଓବିଏସଓ(ବିପିୟୁଟି), ଏଓଡିଏସଓ(ଡିପ୍ଲୋମା)ଛାତ୍ର ସଂଘ ସହ ବିଭିନ୍ନ ମହଲରୁ ଶୁଭେଛାର ସୁଅ ଛୁଟିଛି। ଜଣେ ସୁସଂଗଠକ ଭାବେ ତାରିଣୀ ରାଜ୍ୟ ସ୍ତରରେ ବେଶ ସୁନାମ ଅର୍ଜନ କରିପାରିଛନ୍ତି ଏବଂ ଏହି ନୂତନ ଦାୟିତ୍ୱ ମିଳିବା ପରେ ଯୁବ ସଂଘଠନକୁ ଶକ୍ତିଶାଳୀ କରିବା ସହିତ ସୁଦୃଢ କରିବେ ବୋଲି ଗଣମାଧ୍ୟମକୁ ଜଣାଇଛନ୍ତି।
