ଭବାନୀପାଟଣା/ ଲାଞ୍ଜିଗଡ(ଶାସକ ପ୍ରଶାସକ) : ବେଦାନ୍ତ ଗ୍ରୁପ୍ର ଫ୍ଲାଗସିପ୍ କର୍ପୋରେଟ୍ ସାମାଜିକ ଦାୟିତ୍ୱ ବା ସିଏସଆର ପ୍ରକଳ୍ପ "ନନ୍ଦ ଘର" ଘୋଷଣା କରିଛି ଯେ ଓଡିଶାର କଳାହାଣ୍ଡିରେ ଥିବା ଏହାର ତିନୋଟି କେନ୍ଦ୍ର ସମ୍ମାନଜନକ ଆଇଏସଓ ପ୍ରମାଣପତ୍ର ପାଇଛି। ପ୍ରାରମ୍ଭିକ ଶିକ୍ଷା ପ୍ରଦାନ, ବାଲ୍ୟ -ଶିକ୍ଷାର ଗୁଣବତ୍ତାର ଉନ୍ନତି, ମାତୃ ଏବଂ ଶିଶୁ ସ୍ୱାସ୍ଥ୍ୟ ସୁଧାର ସର୍ବୋପରି ମହିଳାମାନଙ୍କ ସ୍ଥାୟୀ ଜୀବୀକା କୌଶଳ ବିକାଶରେ ସହାୟତା ନେଇ ନନ୍ଦଘରକୁ "ISO 9001 2015" ପ୍ରମାଣପତ୍ର ପ୍ରଦାନ କରାଯାଇଛି | ସ୍ୱୀକୃତିପ୍ରାପ୍ତ ନନ୍ଦ ଘର ଗୁଡିକ ଲାଞ୍ଜିଗଡ ବ୍ଲକର ବସନ୍ତପଡା, କାନସାରୀ ଏବଂ କେନ୍ଦୁବାରଡ଼ୀ ଗ୍ରାମରେ ଅବସ୍ଥିତ | ତିନି ବର୍ଷ ପାଇଁ ଏହି ISO ପ୍ରମାଣପତ୍ର ପ୍ରଦାନ କରାଯାଇଛି |
“କଳାହାଣ୍ଡି ଜିଲ୍ଲାର ପାଞ୍ଚ ଅଙ୍ଗନୱାଡି କେନ୍ଦ୍ର (୩ ଟି ନନ୍ଦ ଘର) ISO ପ୍ରମାଣପତ୍ର ପାଇଛନ୍ତି। ଶତପ୍ରତିଶତ ISO ସାର୍ଟିଫିକେଟ୍ ହାସଲ କରିବାକୁ ପରିବର୍ତ୍ତନ ପ୍ରକ୍ରିୟା ଆରମ୍ଭ ହୋଇଛି | ମହିଳା ଓ ଶିଶୁ କଲ୍ୟାଣ ବିଭାଗ, ବ୍ଲକ, ବେଦାନ୍ତ, ନନ୍ଦ ଘର ଟିମ ଏବଂ କେପିଏମଜିକୁ ଏହି ସଫଳତାର ଶ୍ରେୟ ଯିବ ବୋଲି କଳାହାଣ୍ଡିର ଜିଲ୍ଲାପାଲ ଡକ୍ଟର ପରାଗ ହର୍ଷଦ ଗାଭାଲି ଏକ ଟୁଇଟ୍ରେ କହିଛନ୍ତି।
ଭାରତର ଇନଷ୍ଟିଚ୍ୟୁଟ୍ ଅଫ୍ କର୍ପୋରେଟ୍ ଆଫେୟାର୍ସର ପୂର୍ବତନ ମହାନିର୍ଦ୍ଦେଶକ ତଥା ସିଇଓ ଡକ୍ଟର ଭାସ୍କର ଚାଟାର୍ଜୀ ବେଦାନ୍ତର ଏତାଦୃଶ ଉଦ୍ୟମକୁ ପ୍ରଶଂସା କରିଥିଲେ। ସେ କହିଛନ୍ତି, ବେଦାନ୍ତ ଫାଉଣ୍ଡେସନର ତତ୍ତ୍ୱାବଧାନରେ କଳାହାଣ୍ଡି ଜିଲ୍ଲାର ୫ଟିଅଙ୍ଗନୱାଡି କେନ୍ଦ୍ର କୁ ଆଇ.ଏସ.ଓ ପ୍ରମାଣ ପତ୍ର ପ୍ରାପ୍ତ ହେବ ଏକ ବଡ ଉପଲବ୍ଧି ଅଟେ I ବେଦାନ୍ତ ତରଫରୁ ରାଷ୍ଟ୍ରୀୟ ସ୍ତରର ସଞ୍ଚାଳିତ ପରିଯୋଜନା ଅବ୍ରାରଗତ ଶିଶୁ ସ୍ୱାସ୍ଥ୍ୟ ଏବଂ ପୋଷଣ ସୁଧାର ,ଶିଶୁୁ ମନରଞ୍ଜନ ପ୍ରକ୍ରିୟାର ଶିକ୍ଷା ପ୍ରଦାନ ସହିତ ତୃଣମୂଳ ସ୍ତରର ମହିଳାମାନଙ୍କ ସଶକ୍ତିକରଣ କ୍ଷେତ୍ରରେ ଉତ୍କୃଷ୍ଟ କାର୍ଯ୍ୟକାରୀ କରାଯାଉଛି I କଳାହାଣ୍ଡି ଦେଶର ଅନଗ୍ରସର ଅଞ୍ଚଳ ରୂବପ ପରିଗଣିତ ହୋଇଆସିଛିI ଏହି ଯୋଜନା ମାଧ୍ୟମରେ ମାତୃ-ଶିଶୁସ୍ୱାସ୍ଥ୍ୟ ଏବଂ ପୋଷଣ କ୍ଷେତ୍ରରେ ଉନ୍ନତମାନର ସୁବିଧା ସୁଯୋଗ ଦିଆଯାଉଛି I ବେଦାନ୍ତ ନନ୍ଦ ଘର ପରିଯୋଜନାର ସଂସ୍ଥାପକ ଅନିଲ ଅଗ୍ରୱାଲଙ୍କ ନେତୃତ୍ୱ ଏବଂ ତାଙ୍କ ଦର୍ଶନ ମୁତାବକ ନନ୍ଦ ଘର ଟିମର ସମର୍ପଣ ଏବଂ ପରିଯୋଜନାର ସଞ୍ଚାଳନ ପ୍ରଶଂସନୀୟ ଅଟେ I
ନନ୍ଦ ଘର ପରିଯୋଜନା ଦେଶର ଗ୍ରାମୀଣ କ୍ଷେତ୍ରମାନଙ୍କର ଆବଶ୍ୟକ କରୁଥିବା ମାତା ତଥା ଶିଶୁଙ୍କ ବିକାଶ ପାଇଁ କାର୍ଯ୍ୟରତ ଅଟେ I ବେଦାନ୍ତ ସମହୂ ତଥା ମହିଳା ଶିଶୁ ବିକାଶ ମନ୍ତ୍ରାଳୟ ଦ୍ୱାରା ମିଳିତ ସହଭାଗିତାରେ ଭାରତର ଅନଗ୍ରସର ତଥା ଗ୍ରାମୀଣ ଅଞ୍ଚଳକୁ ରାଷ୍ଟ୍ରୀୟ ବିକାଶ ଧାରାରେ ସମ୍ମିଳିତ କରିବା ଏହି ପରିଯୋଜନାର ମୁଖ୍ୟଲକ୍ଷ I ଶିଶୁ ପୁଷ୍ଟିହୀନତା ଦୂର କରିବା, ଶିକ୍ଷା, ସ୍ୱାସ୍ଥ୍ୟସେବା ଯୋଗାଇବା ଏବଂ ମହିଳାମାନଙ୍କୁ ଦକ୍ଷତା ବିକାଶ ସହିତ ସଶକ୍ତିକରଣ ପାଇଁ ପ୍ରଧାନମନ୍ତ୍ରୀଙ୍କ ଜାତୀୟ ଦୃଷ୍ଟିକୋଣ ପାଇଁ ଏହି ପ୍ରକଳ୍ପ ପ୍ରତିବଦ୍ଧ।
ଏହି ସଫଳତା ଉପରେ ସିଇଓ ନନ୍ଦ ଘର, ଶ୍ରୀମତୀ ରିତୁ ଝୀଂଗୋନ କହିଛନ୍ତି ଯେ ନନ୍ଦ ଘର ଏବଂ ଅଙ୍ଗନୱାଡି ଗୁଡିକ ପାଇଁ ISO ସାର୍ଟିଫିକେଟ୍ ହାସଲ କାରୀଥିବା ଟିମ ଭାବରେ ଆମେ ଗର୍ବିତ, ଯାହା ବେଦାନ୍ତ ପାଇଁ ପ୍ରଥମ ଏବଂ ଓଡିଶା ରାଜ୍ୟ ପାଇଁ ମଧ୍ୟ ପ୍ରଥମ। ଆମ ସମ୍ପ୍ରଦାୟର ଅନ୍ତର୍ଭୂକ୍ତ ବିକାଶରେ ସହଯୋଗ କରୁଥିବା ନନ୍ଦ ଘର ପ୍ରକଳ୍ପ ପାଇଁ ଆମେ ଆହୁରି ଅନେକ ମାଇଲଖୁଣ୍ଟକୁ ଅପେକ୍ଷା କରିଛୁ। "
କୋଭିଡ ମହାମାରୀ ପରିସ୍ଥିତିର ମୁକାବିଲା କରିବା ପାଇଁ ଉତ୍ତରପ୍ରଦେଶ, ରାଜସ୍ଥାନ ଏବଂ ଓଡିଶାର ନନ୍ଦ ଘର ଗୁଡିକ ଗ୍ରାମଗୁଡିକରେ ହୋମ ସ୍କୁଲିଙ୍ଗ ପାଇଁ ଇ-ଲର୍ନିଂ ମଡ୍ୟୁଲ ପ୍ରଚଳନ କରିଛନ୍ତି। ବସନ୍ତପଡା ନନ୍ଦ ଘର ମଧ୍ୟ ଗାଁର ସମ୍ପ୍ରଦାୟର ମହିଳାମାନଙ୍କ ପାଇଁ ଏକ କବାରେଣ୍ଟାଇନ ସେଣ୍ଟର ଭାବରେ ବ୍ୟବହୃତ ହେଉଥିଲା |
ସାତୋଟି ରାଜ୍ୟରେ ବେଦାନ୍ତର ୧୪୦୦ରୁ ଅଧିକ ନନ୍ଦ ଘର ମହିଳା ଏବଂ ଶିଶୁଙ୍କ ପାଇଁ "ସୁନ୍ଦର ଆସନ୍ତାକାଲି" ସୃଷ୍ଟି ଦିଗରେ କାର୍ଯ୍ୟ କରୁଛନ୍ତି | ଏହି କାର୍ଯ୍ୟକ୍ରମଟି ଲକ୍ଷ ଲକ୍ଷ ଲୋକଙ୍କ ଜୀବନକୁ ଛୁଇଁବାକୁ ଲକ୍ଷ୍ୟ ରଖିଛି, ଯାହାକି ବାର୍ଷିକ ୨,୦୦,୦୦୦ ଶିଶୁ ଏବଂ ୧,୮୦,୦୦୦ ମହିଳାଙ୍କୁ ସିଧାସଳଖ ପ୍ରଭାବିତ କରିଥାଏ |
