ବଲାଙ୍ଗିର(ନିରୋଜ ମିଶ୍ର) : ବଲାଙ୍ଗିର ବିଧାୟକ ନରସିଂହ ମିଶ୍ରଙ୍କ ଦ୍ୱାରା ଏକ ଖୋଲା ସ୍ଥାନ ସୌନ୍ଦର୍ଯ୍ୟକରଣ ପ୍ରକଳ୍ପର ଲୋକାର୍ପଣ ହୋଇଯାଇଅଛି । ସରକାରଙ୍କ କର୍ମତତ୍ପର ଅଭିଯାନ ରାଶିରୁ ୧୦ଲକ୍ଷ ଟଙ୍କା ବ୍ୟୟ ଅଟକଳରେ ଏହି ପ୍ରକଳ୍ପଟି ଭୀମ ଭୋଇ ମେଡିକାଲ କଲେଜ ସମ୍ମୁଖ ଲାଲଟିକ୍ରା ଠାରେ ନିର୍ମିତ ହୋଇଛି । ଏହି ପ୍ରକଳ୍ପ ଲୋକାର୍ପଣ ଉତ୍ସବରେରେ ମୁଖ୍ୟଅତିଥି ଶ୍ରୀ ମିଶ୍ର ନିଜ ପ୍ରତିକ୍ରିୟାରେ କହିଥିଲେ ଯଦିଓ ଏହି ପ୍ରକଳ୍ପଟି ଏକ ବହୁତ ଛୋଟ ପ୍ରକଳ୍ପ ତଥାପି ମଧ୍ୟ ବଲାଙ୍ଗିର ସୌନ୍ଦର୍ଯ୍ୟକରଣ ଦିଗରେ ଏହାର ଭୁମିକା ଅଛି । ଏହି ଜାଗାଟି ଏ ଅଞ୍ଚଳ ତଥା ଆଖପାଖ ଅଞ୍ଚଳ ଲୋକଙ୍କୁ ନିଶ୍ଚିୟ ଆକର୍ଷିତ କରିବ । ବଲାଙ୍ଗିରରେ ଅନେକ ବିକାଶ ମୁଳକ ପ୍ରକଳ୍ପ ଚାଲିଛି, ଯଦି ଏପରି ସହଯୋଗ ରହେ ଆଗାମୀ କିଛି ବର୍ଷରେ ବଲାଙ୍ଗିର ବିକାଶ ତଥା ସୌନ୍ଦର୍ଯ୍ୟକରଣ ଦିଗରେ ଆମ ବଲାଙ୍ଗିର ନିଶ୍ଚୟ ଆଗକୁ ବଢିଯାଇଥିବ । ଆଜିର ଏହି କାର୍ଯ୍ୟକ୍ରମରେ ଅତିରିକ୍ତ ଜିଲ୍ଲାପାଳ ଅନନ୍ତ ନାରାୟଣ ସିଂ ଲାଗୁରୀ, ବିପିନ ବିହାରୀ ଦୀପ ପୌରପାଳିକା କାର୍ଯ୍ୟନିର୍ବାହୀ ଅଧିକାରୀ,କନିଷ୍ଠ ଯନ୍ତ୍ରୀ ରୋଜାଲିନ୍ ରାଉତ ପ୍ରମୁଖ ଉପସ୍ଥିତ ଥିଲେ । ଆନ୍ୟମାନଙ୍କ ମଧ୍ୟରେ ମନୀଷ ମିଶ୍ର, ଅସୀତ ମିଶ୍ର, ବୁଲୁ ଦାନୀ, ସାନନ୍ଦ ମିଶ୍ର, କୂଳମଣି ସାହୁ, କୈଳାସ ମିଶ୍ର, ସୁଧାଂଶୁ ମିଶ୍ର, ଲୋପନ ମିଶ୍ର, ଅଙ୍କିତ ସାହୁ, ଅମିୟ ବଗର୍ତ୍ତି, ଟୁଲୁ ସେନ, ଓମ୍ ରାଉତ, ରମଣୀ ନାଏକଙ୍କ ସହ ଅନେକ ସ୍ଥାନୀୟ ମହିଳା ପୁରୁଷ ଉପସ୍ଥିତ ଥିଲେ ।