ଜୁଆଖେଳ ପ୍ରବଳ : ନାବାଳକ ବି ପାଲଟି ଯାଉଛନ୍ତି ଯୁଆଡ଼ି
ଜି ଉଦୟଗିରି/ ଗଗନ ପ୍ରଧାନ : କନ୍ଧମାଳ ଜିଲ୍ଲା ଜି ଉଦୟଗିରି ଠାରେ ଦିନକୁ ଦିନ ଜୁଆ ଖେଳ ବୃଦ୍ଧି ପାଉଥିବାର ଦେଖାଇଦେଇଛି |.ଜିଲ୍ଲା ବାହାରୁ ବହୁ ଅପରାଧୀ ଯୁଆଡ଼ି ଏଠାକୁ ଆସି ଜୁଆ ଖେଳ ବଢାଇବାକୁ ଉଦ୍ୟମ କରୁଛନ୍ତି ବୋଲି ଅଞ୍ଚଳରେ ମତ ପ୍ରକାଶ ପାଇଛି | ଏହି ଅପରାଧୀ ଶ୍ରେଣୀରଲୋକ ପୋଲିସ କୁ ହାତବରୀସି କରି ଜୁଆ ଅଡ୍ଡା କରୁଛନ୍ତି | ଅନ୍ୟପଟେ ପୋଲିସ ଏହି ଜୁଡିଆଙ୍କ ସହ ମଧୁ ଚନ୍ଦ୍ରିକା କରି ପକେଟ ଗରମ କରୁଥିବା ସାଧାରଣରେ ମତପ୍ରକାଶ ପାଇଛି | ଜୁଆ ଅଡ୍ଡା ବନ୍ଦ କରିବା ପାଇଁ ବାରମ୍ବାର ଦାବି ହେଉଥିଲେ ମଧ୍ୟ ଜି ଉଦୟଗିରି ପୋଲିସ କୁଆଡେ ନିଜର ପାକେଟ ଗରମ କରିବାକୁ ଉଦ୍ୟମ କରି ଯୁଆଡ଼ି ମାନଙ୍କୁ ଜୁଆ ଖେଳ ପାଇଁ ପ୍ରଶ୍ରୟ ଦେଉଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି |.ଯେଉଁମାନେ କୌଣସି ଅପରାଧ ସମ୍ପର୍କରେ ସୂଚନା ଦେଉଛନ୍ତି ପୋଲିସ ତାହା ଗୁପ୍ତ ନରଖି ଅପରାଧୀମାନଙ୍କୁ ସୂଚନା ଦେଉଥିବା ଅଂଚଳବସି ଅଭିଯୋଗ କରୁଛନ୍ତି | ଏହି କାରଣରୁ ପୋଲିସ ଉପରୁ ଜନସାଧାରଣଙ୍କ ଆସ୍ଥା କମିଯାଉଥିବା ଲୋକମାନେ କହିଛନ୍ତି | ସେମାନଙ୍କ କହିବା କଥା ପୋଲିସ ଅଜାଣତରେ ଏ ବେଆଇନ କାମ ଅପରାଧକୁ ଘଣ୍ଟା ଘୋଡ଼ାଉଛି ବୋଲି ବିବେଚନା କରାଯିବା ସ୍ୱାଭାବିକ ବୋଲି ଲୋକମାନେ କହିଛନ୍ତି | ଜୁଆଖେଳରେ ଅପରାଧୀ ଯୁଆଡ଼ି ମାନେ ନାବଳକଙ୍କୁ ବ୍ୟବହାର କରୁଥିବା ସ୍ଥାନୀୟ ଲୋକ ଅଭିଯୋଗ କରିଛନ୍ତି | ବହୁ ଦିନହେବ ପିଲା ଲୋକଙ୍କୁ ଯୁଆଡ଼ି ମାନେ ବ୍ୟବହାର କରିବା ଦ୍ୱାରା ଅଂଚଳରେ ନାବାଳକ ଯୁଆଡ଼ି ସଂଖ୍ୟା ବୃଦ୍ଧି ପାଇବାରେ ଲାଗିଛି |.ଯାହାକି ଅଂଚଳବାସୀଙ୍କ ଚିନ୍ତାର କାରଣ ପାଲଟିଛି | ଅନ୍ୟପଟେ ସ୍ଥାନୀୟ ପୋଲିସ ମାଲେମାଲ ହେଉଛି ବୋଲି ଅଂଚଳବାସୀଙ୍କ ଅଭିଯୋଗ | .ଯଦି ପ୍ରଶାସନ ଏଥିପ୍ରତି ଦୃଷ୍ଟି ନ ଦିଅନ୍ତି ତାହା ହେଲେ ସ୍ଥିତି ଉଦ୍ବେଗଜନକ ହେବ ବୋଲି ଅଂଚଳବାସୀଙ୍କ ମଧ୍ୟରେ ମତପ୍ରକାଶ ପାଇଛି |
