ଭବାନୀପାଟଣା:ରୋହିତ କୁମାର ନାଏକ(ଶାସକ ପ୍ରଶାସକ) ଜିଲ୍ଲା ସମାଜ କଲ୍ୟାଣ କାର୍ଯ୍ୟାଳୟ ତରଫରୁ ଜୟପ୍ରକାଶ ସାନ୍ଧ୍ୟା ମହାବିଦ୍ୟାଳୟ, ଭବାନୀପାଟଣାରେ “ଆର୍ଥିକ ସାକ୍ଷରତା ସହିତ ମହିଳାମାନଙ୍କ ଅର୍ଥନୈତିକ, ସାମାଜିକ ଓ ରାଜନୈତିକ ଅଧିକାର’’ ବିଷୟରେ ଜିଲ୍ଲା ସ୍ତରୀୟ ସକ୍ଷମତା–ସଚେତନତା କର୍ମଶାଳା ଆୟୋଜିତ ହୋଇଥିଲା। କର୍ମଶାଳାରେ ମୁଖ୍ୟ ଅତିଥି ଭାବେ ଜିଲ୍ଲା ପଞ୍ଚାୟତ ଅଧିକାରୀ ଦୁର୍ଯୋଧନ ଭୋଇ ଉପସ୍ଥିତ ଥିଲେ। ସମ୍ମାନିତ ଅତିଥି ଭାବେ ଜିଲ୍ଲା ସମାଜ କଲ୍ୟାଣ ଅଧିକାରିଣୀ ମୁଜିବୁନ ନିଶା, ସୁମିତା ଦେବୀ ତ୍ରିପାଠୀ, ଜିଲ୍ଲା ଶିଶୁ ସୁରକ୍ଷା ଅଧିକାରୀ ଶୈଳେନ୍ଦୁ ଶେଖର ମହାପାତ୍ର, JJB ସଦସ୍ୟା ସ୍ଵର୍ଣ୍ଣଲତା ମହାନ୍ତି, ଏବଂ ମହାବିଦ୍ୟାଳୟ ଅଧ୍ୟକ୍ଷ ଭୁବନ ମୋହନ ଠାକୁର ଉପସ୍ଥିତ ଥିଲେ। ଅତିଥିମାନେ ମହିଳାଙ୍କ ଅର୍ଥନୈତିକ ସଶକ୍ତିକରଣ, ସାମାଜିକ ଅଧିକାର, ରାଜନୈତିକ ଭାଗିଦାରି ଏବଂ ସମୁଦାୟରେ ନାରୀମାନଙ୍କ ଭୂମିକା ବୃଦ୍ଧି ବାବଦରେ ମତପ୍ରକାଶ କରିଥିଲେ। କାର୍ଯ୍ୟକ୍ରମରେ ଜିଲ୍ଲା ଆଇନ ସେବା ପ୍ରାଧିକରଣର ଡେପୁଟି ଚିଫ ଲିଗାଲ ହେଡ୍ ରିସୋର୍ସ ପର୍ସନ୍ ଭାବେ ଯୋଗଦେଇ ସରକାରଙ୍କ ବିଭିନ୍ନ ନାରୀ–କଲ୍ୟାଣ ଯୋଜନା, ନାରୀ ସୁରକ୍ଷା ସମ୍ବନ୍ଧୀୟ ଆଇନ ଓ ଶିଶୁ ସୁରକ୍ଷା ଆଇନ ଉପରେ ଆଲୋଚନା କରାଗଲା। ଏହା ସହିତ, ଭାରତୀୟ ଷ୍ଟେଟ ବ୍ୟାଙ୍କର ମୁନା ନାଏକ ଦ୍ୱାରା ଆର୍ଥିକ ସାକ୍ଷରତା, ବ୍ୟାଙ୍କିଂ ସେବା, ଡିଜିଟାଲ ପେମେଣ୍ଟ ସୁରକ୍ଷା ଇତ୍ୟାଦି ବିଷୟରେ ମହିଳାମାନଙ୍କୁ ଅବଗତ କରାଗଲା।
ସାଇବର ପୋଲିସ ଥାନାରୁ ଆସିଥିବା IIC ସର୍ବେଶ୍ୱର ସାମନ୍ତରାୟ ସାଇବର ଅପରାଧ, ତାହାର ପ୍ରକାର, ପ୍ରତିରୋଧ ପଦକ୍ଷେପ ଓ ସଚେତନତା ଉପରେ ଗୁରୁତ୍ୱପୂର୍ଣ୍ଣ ମନ୍ତବ୍ୟ ରଖିଥିଲେ। କର୍ମଶାଳାରେ କଳାହାଣ୍ଡି ଜିଲ୍ଲାର ସମସ୍ତ CDPOମାନେ, ଏଡ୍ ଏଟ୍ ଆକ୍ସନର ଜିଲ୍ଲା ସଂଯୋଜକ ଦିବ୍ୟରଞ୍ଜନ ଯୋଷୀ, ସ୍ଵୟଂ ସହାୟକ ଗୋଷ୍ଠୀ ସଦସ୍ୟାମାନେ, ଅଙ୍ଗନବାଡି କର୍ମୀ, କିଶୋରୀ ବାଳିକାମାନେ ଓ ଜିଲ୍ଲା ମହିଳା ହବଙ୍କ କର୍ମଚାରୀମାନେ ଯୋଗଦେଇଥିଲେ। ମଞ୍ଚ ପରିଚାଳନା ଯୋଗେଶ୍ୱର ବୁଦ୍ଧିଆ, ଜିଲ୍ଲା ସଂଯୋଜକ, ମହିଳା ହବ କରିଥିଲେ। କାର୍ଯ୍ୟକ୍ରମର ଶେଷରେ ସୁମିତା ଦେବୀ ତ୍ରିପାଠୀ, ସମାଜ କଲ୍ୟାଣ ଅଧିକାରିଣୀ, ଧନ୍ୟବାଦ ଜଣାଇଥିଲେ।
