ଯୁବମୋର୍ଚ୍ଚା ରାଜ୍ୟ ସମ୍ପାଦକ ଜୀବନ ରାଉତଙ୍କୁ ଅମାନୁଷିକଭାବେ ମାଡମାରି ଗିରଫଦାରୀକୁ ବିରୋଧ କରି ମୁଖ୍ୟମନ୍ତ୍ରୀଙ୍କ କୁଶପୁତଳିକା ଦାହ କଲା ରାଜ୍ୟ ଯୁବମୋର୍ଚ୍ଚା

•  ଓଡିଶାରେ ପୋଲିସର ଅତ୍ୟାଚାର ସୀମା ଉଲଘଂନ କରିଛି

•  ରାଜ୍ୟ ସରକାର ସ୍ୱାଭିମାନୀ ଯୁବକଙ୍କ ପାର୍ଟି ଚୁପ୍ ପାଇଁ ପ୍ରଶାସନକୁ ବ୍ୟବହାର କରୁଛି

•  ଓଡ଼ିଶା ପୋଲିସ ଏବେ ବିଜୁ ଜନତା ଦଳର ଗୁଣ୍ଡାସାଜି କାର୍ଯ୍ୟ କରୁଛି

ଭୁବନେଶ୍ୱର, ତା.୧୪/୦୧: ଓଡ଼ିଶାରେ ଭ୍ରଷ୍ଟାଚାର ଶାସନ ଚାଲିଛି । ଏହି ଭ୍ରଷ୍ଟାଚାର ଶାସନ ବିରୋଧରେ ଯିଏ ମୁହଁ ଖୋଲିଛି ତାହାକୁ ପୋଲିସ ନିଯ୍ୟାତନା ଦେଉଛି । ଓଡ଼ିଶା ପୋଲିସ ଏବେ ବିଜୁ ଜନତା ଦଳର ଗୁଣ୍ଡାସାଜି କାର୍ଯ୍ୟ କରୁଛି । ବିଜୁ ଜନତା ଦଳ ମହାପ୍ରଭୁ ଜଗନ୍ନାଥଙ୍କୁ ବ୍ୟବହାର କରି ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ନାଁରେ ପ୍ରତି ୱାର୍ଡକୁ ଯେଉଁ ୫ଲକ୍ଷ ଟଙ୍କା ଦେଉଛନ୍ତି ତାହାର ହିସାବ ରାଜ୍ୟ ସରକାର ଦିଅନ୍ତୁ ବୋଲି ଗତ ୧୧ତାରିଖ ଦିନ ବିଏମ୍‌ସିର ୨୯ନଂ କର୍ପୋରେଟର ତଥା ରାଜ୍ୟ ଯୁବମୋର୍ଚ୍ଚା ସମ୍ପାଦକ ଜୀବନ ରାଉତ ଦାବି କରିଥିଲେ । ଏହାପରେ ଗତ ୧୨ତାରିଖ ଦିନ ରାତିରେ ଜୀବନ ରାଉତଙ୍କୁ ଉଠାଇ ଅମାନୁଷିକ ବ୍ୟବହାର ଏବଂ ପିସିଆର ଭିତରେ ନୃଶଂସଭାବେ ଅତ୍ୟାଚାର କରି ଓଡ଼ିଶା ପୋଲିସ ତାଙ୍କୁ ଗିରଫ କରିଥିଲା । ଗିରଫ ପରେ ଜୀବନଙ୍କୁ ଅଶ୍ଳୀଳ ଭାଷାରେ ଗାଳି କରିବା ସହିତ ଅତ୍ୟନ୍ତ ନୃଶଂସଭାବେ ମାଡ ମାରିଥିଲା । ଏହାପରେ ପ୍ରାଣ ରକ୍ଷା ପାଇଁ ଜୀବନ ରାଉତ ପାଣି ମାଗୁଥିବା ସମୟରେ ତାଙ୍କ ପାଟିରେ ଲାଠି ପୁରାଇ ଦେଇଥିଲା ପୋଲିସ । ଏହି ଘଟଣା ସମ୍ପର୍କରେ ଜାଣିବା ପରେ ଓଡ଼ିଶା ସ୍ତବ୍ଧ ହୋଇଯାଇଛି । ରାଜ୍ୟ ସରକାର ସ୍ୱାଭିମାନି ଯୁବକଙ୍କ ପାର୍ଟି ଚୁପ୍ ପାଇଁ ପ୍ରଶାସନକୁ ବ୍ୟବହାର କରୁଛି । ଯୁବବର୍ଗଙ୍କ ପ୍ରତି ରାଜ୍ୟ ସରକାରଙ୍କ ବୈମାତୃକ ମୋନଭାବ ପାଇଁ ଆଜି ରାଜ୍ୟ ଯୁବମୋର୍ଚ୍ଚା ସଭାପତି ଅଭିଳାଷ ପଣ୍ଡାଙ୍କ ନେତୃତ୍ୱରେ ଶହ ଶହ ଯୁବକ ଭୁବନେଶ୍ୱରର ରାମମନ୍ଦିର ଛକରେ ନବୀନ ପଟ୍ଟନାୟକ ଏବଂ ପୋଲିସର କୁଶପୁତଳିକା ଦାହ କରିଛନ୍ତି । ରାଜ୍ୟ ସରକାର ତୁରନ୍ତ ଜୀବନ ରାଉତଙ୍କୁ ସମ୍ମାନର ସହ ଜେଲ୍‌ରୁ ଛାଡନ୍ତୁ ଏବଂ ଯେଉଁ ପୋଲିସ ଗୁଣ୍ଡାମାନେ ତାଙ୍କ ପ୍ରତି ଅସଭ୍ୟଭାଷା ବ୍ୟବହାର କରିଛନ୍ତି ସେମାନଙ୍କୁ ଚାକିରୀରୁ ବହିଷ୍କାର କରିବା ପାଇଁ ଶ୍ରୀ ପଣ୍ଡା ଦାବି କରଛନ୍ତି ।
ରାଜ୍ୟ ସରକାରଙ୍କ ମିଛ ମାମଲା ଏବଂ ଲାଠିକୁ ବିଜେପି ଯୁବମୋର୍ଚ୍ଚା ଖାତିର କରେ ନାହିଁ । ଓଡିଶାରେ ପୋଲିସଙ୍କ ଅତ୍ୟାଚାର ସୀମା ଉଲଘଂନ କରିଛି । ଏହି ପୋଲିସ ପ୍ରଶାସନ ବିରୋଧରେ ରାଜ୍ୟ ସରକାର ତୁରନ୍ତ ପଦକ୍ଷେପ ନିଅନ୍ତୁ । ଯଦି ରାଜ୍ୟ ସରକାର ଏଥିପ୍ରତି ଧ୍ୟାନ ନଦେବେ ତାହାଲେ ବିଜେପି ଯୁବମୋର୍ଚ୍ଚା ରାଜରାସ୍ତାକୁ ଓହ୍ଲାଇବ ବୋଲି ଶ୍ରୀ ପଣ୍ଡା ଚେତାବନୀ ଦେଇଛନ୍ତି ।
ଏହି କାର୍ଯ୍ୟକ୍ରମରେ ରାଜ୍ୟ ସାଧାରଣ ସମ୍ପାଦକ ସୁଜିତ୍ ସିଂ, ରାଜ୍ୟ ସମ୍ପାଦକ ତୁତୁନ ପାତ୍ର, ପ୍ରଶାନ୍ତ ପାଇକରାୟ, ଆଶୁତୋଷ ବେହେରା, ରାଜ୍ୟ ସଂଯୋଜକ ଚଣ୍ଡିପ୍ରସାଦ ବେହେରା ପ୍ରମୁଖଙ୍କ ସମେତ ଶତାଧିକ ଯୁବନେତା ଉପସ୍ଥିତ ଥିଲେ ।