ଭୁବନେଶ୍ୱର, ୦୧/୦୮: ଜନ୍ମ ସମୟରେ ଅପରିପକ୍ୱ ଭାବେ ଜନ୍ମଲାଭ କରିଥିବା ମାତ୍ର ୫୬୦ଗ୍ରାମ୍ ଓଜନର ଶିଶୁପୁତ୍ରକୁ ଦୀର୍ଘ ଦିନର ପ୍ରଚେଷ୍ଟା ଓ ଚିକିତ୍ସା ପ୍ରଦାନ କରି ନୂଆ ଜୀବନ ଦେଇଛନ୍ତି ଇନ୍ଷ୍ଟିଚୁ୍ୟଟ୍ ଅଫ୍ ମେଡିକାଲ୍ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ୍ର ନବଜାତ ଶିଶୁରୋଗ ବିଭାଗର ଡାକ୍ତରୀ ଟିମ୍ ।
ଏହି ଶିଶୁଟିର ପିତା-ମାତା ଭଦ୍ରକ ଅଂଚଳର ହୋଇଥିବା ବେଳେ ଶିଶୁଟି ଇନ୍-ଭିଟ୍ରୋଫର୍ଟିଲାଇଜେସନ (ଆଇଭିଏଫ୍) ପ୍ରକ୍ରି୍ରୟାରେ ଜନ୍ମ ଗ୍ରହଣ କରିଥିଲା । ତେବେ ଜନ୍ମ ଗ୍ରହଣ କରିବାର ନିର୍ଦ୍ଧାରିତ ସମୟ ପୂର୍ବରୁ ଗର୍ଭଧାରଣର ୨୫ ସପ୍ତାହ ପରେ ଶିଶୁଟି ଅପରିପକ୍ୱ ହୋଇ ଜନ୍ମ ନେଇଥିଲା । ଜନ୍ମ ସମୟରେ ତା’ର ଓଜନ ମାତ୍ର ୫୬୦ ଗ୍ରାମ ଥିବା ବେଳେ ତା’ର ସ୍ୱାସ୍ଥ୍ୟାବସ୍ଥା ଅତ୍ୟନ୍ତ ଜଟିଳ ଥିଲା । ତେଣୁ ତାକୁ ତୁରନ୍ତ ସମ୍ ହସ୍ପିଟାଲର ନବଜାତ ଶିଶୁରୋଗ ବିଭାଗର ଏନ୍ଆଇସିୟୁରେ ଭର୍ତି କରାଯାଇ ଚିକିତ୍ସା ଆରମ୍ଭ କରାଯାଇଥିଲା ବୋଲି ନବଜାତ ଶିଶୁରୋଗ ବିଭାଗର ମୁଖ୍ୟ ପ୍ରଫେସର (ଡାକ୍ତର) ଦେବାଶିଷ ନନ୍ଦ କହିଛନ୍ତି ।
ଦୀର୍ଘ ସମୟ ଧରି ଇନ୍ଭେସିଭ୍ ଭେଂଟିଲେସନ୍ ଏବଂ ପ୍ରାୟ ୪ମାସ ଧରି ନନ୍ - ଇନ୍ଭେସିଭ୍ ଭେଂଟିଲେଟରରେ ଶିଶୁଟିକୁ ରଖାଯାଇ ଚିକିତ୍ସା କରାଯାଇଥିଲା ।
ଏହି ସମୟ ମଧ୍ୟରେ ଶିଶୁଟିର ଅପରିକ୍ୱତାର ସମସ୍ତ ଜଟିଳତାର ଚିକିତ୍ସା କରାଯାଇଥିଲା । ଏଭଳି ସମସ୍ୟାରେ ଥିବା ଶିଶୁଙ୍କର ବଂଚିବାର ସମ୍ଭାବନା ପ୍ରାୟ ୫୦% ରୁ କମ୍ ରହିଥାଏ । କିନ୍ତୁ ଆମେ ସମସ୍ତ ପ୍ରଚେଷ୍ଟା କରି ଶିଶୁଟିକୁ ବଂଚାଇ ରଖିବା ନିମନ୍ତେ ସକ୍ଷମ ହୋଇପାରିଲୁ ବୋଲି ପ୍ରଫେସର ନନ୍ଦ କହିଛନ୍ତି ।
ଶିଶୁର ଚିକିତ୍ସା ଓ ଯତ୍ନ କରିବାରେ ଡାକ୍ତର ନନ୍ଦଙ୍କ ସମେତ ଡାକ୍ତର ରତନ କୁମାର ଦାସ, ଡାକ୍ତର ବିଜୟ କୁମାର, ଡାକ୍ତର ବିନୀତ ପାଣିଗ୍ରାହୀ, ଡାକ୍ତର ଭାବଗ୍ରାହୀ ମଲ୍ଲିକ୍, ଡାକ୍ତର କଳ୍ପିତା ସାହୁ, ଡାକ୍ତର ପାୟଲ ପ୍ରଧାନ, ଡାକ୍ତର ଦେବୀ ପ୍ରସାଦ ସାହୁ, ଡାକ୍ତର ଭାଗ୍ୟଶ୍ରୀ ମହାପାତ୍ର, ଡାକ୍ତର ଏସ୍ ମନିଷା ସକ୍ରିୟ ଭାବେ ଜଡିତ ଥିଲେ । ଏନ୍ଆଇସିୟୁର ସମସ୍ତ ନର୍ସ ଏବଂ ଅନ୍ୟ କର୍ମଚାରୀ ମଧ୍ୟ ସାମିଲ ଥିଲେ ।
ଆଇଏମ୍ଏସ୍ ଆଣ୍ଡ ସମ୍ ହସ୍ପିଟାଲ୍ର ମେଡିକାଲ୍ ସୁପରିଟେଣ୍ଡେଂଟ ପ୍ରଫେସର (ଡାକ୍ତର) ପୁଷ୍ପରାଜ ସାମନ୍ତସିଂହାର ଏହି ଶିଶୁର ଯନô ନେବା ସମୟରେ ଆବଶ୍ୟକୀୟ ବୈଷୟିକ ଏବଂ ଲଜିଷ୍ଟିକ୍ ସହାୟତା ପ୍ରଦାନ କରିଥିଲେ । ଶିଶୁର ପିତାମାତା ଅତ୍ୟନ୍ତ ଆନନ୍ଦିତ ହୋଇ ସମ୍ ହସ୍ପିଟାଲ କୁ କୃତଜ୍ଞତା ଜଣାଇଛନ୍ତି ।