ଭୁବନେଶ୍ୱର: କାର୍ଗିଲ ବିଜୟ ଦିବସ ଅବସରରେ ବିଇଙ୍ଗ ହ୍ୟୁମାନ ଫାଉଣ୍ଡେସନ ଦ୍ବାରା କ୍ୟାପିଟାଲ ହସ୍ପିଟାଲରେ "ଏ ଟ୍ରିବୁଟ ଅଫ ଲାଇଫ" ନାମକ ଏକ ରକ୍ତ ଦାନ ଶିବିର ଆୟୋଜନ କରିଥିଲେ। ଏଠାରେ ଉପସ୍ଥିତ ଅବସରପ୍ରାପ୍ତ କାର୍ଗିଲ ଯୁଦ୍ଧ ହିରୋ ମାନେ ଏହି ଯୁବାବର୍ଗ ଙ୍କୁ ସେମାନଙ୍କର ଏହି ସମାଜସେବୀ କାର୍ଯ୍ୟ ଜାରି ରଖିବାକୁ ପ୍ରେରଣା ଦେଇଥିଲେ।
କାରଗିଲ ଯୁଦ୍ଧରେ ଯୋଗଦେଇଥିବା ହିରୋ ମାନଙ୍କର ଅବଦାନକୁ ସମ୍ମାନିତ କରିବା ନିମନ୍ତେ ଏହି କାର୍ଯ୍ୟକ୍ରମରେ (ଅବସରପ୍ରାପ୍ତ) ସର୍ଜେଣ୍ଟ ସୀତେଶ ପଣ୍ଡା, (ଅବସରପ୍ରାପ୍ତ) ମାନ୍ୟବର କ୍ୟାପ୍ଟେନ୍ କେ କେ ନାଥ, ଏୟାର ରେଟ୍ରନ ଦେବରାଜ ସ୍ୱାଇଁ, ଶ୍ରୀମତୀ ମୀରା ପରିଡା(ସେକ୍ରେଟାରୀ, ବିଜୁ ଜନତା ଦଳ),ଶ୍ରୀଯୁକ୍ତ ରୁଦ୍ର ନାରାୟଣ ସାମନ୍ତରାୟ(ରାଜ୍ୟ ଯୁଗ୍ମ ସମ୍ପାଦକ, ବିଜୁ ଜନତା ଦଳ),ଲୋରା ମହାନ୍ତି( ମୁଖପାତ୍ର, ବିଜୁ ଜନତା ଦଳ) ଓ ଶ୍ରୀ ଦେବାଶିଷ ମିଶ୍ର( ବ୍ଲଡ଼ ବ୍ୟାଙ୍କ୍ ଅଫିସର, କ୍ୟାପିଟାଲ ହସପିଟାଲ) ଉପସ୍ଥିତ ଥିଲେ।
୨୫ ୟୁନିଟ୍ ରୁ ଉର୍ଦ୍ଧ୍ବ ରକ୍ତ ସଂଗ୍ରହ କରି ଏକ ଶାନ୍ତିପୂର୍ଣ୍ଣ ପ୍ରାର୍ଥନା, ଏହି ଶିବିରର ସଫଳତାକୁ ଦର୍ଶାଇଥିଲା |
ଦିବ୍ୟଜ୍ୟୋତି ପାଣି ଙ୍କ ନେତୃତ୍ୱ ତଥା ସଂଘର ସଦସ୍ୟା ବିଦିଶା ଓ ଶକ୍ତି ପ୍ରସାଦ ନାଥ ଙ୍କ ସହଯୋଗରେ ଏହି ଶିବିର ଟି ସୁଚାରୁ ରୂପେ ସମ୍ପାଦିତ ହୋଇଥିଲା। ଆମ ରାଷ୍ଟ୍ରର ସାହସୀ ଯବାନ ଙ୍କ ସାହସିକତା ଓ ତାଙ୍କର ଦେଶ ପ୍ରତି ଥିବା ଅବଦାନ କୁ ଭବିଷ୍ୟତର ଯୁବପିଢି ଙ୍କ ନିକଟରେ ପହଞ୍ଚାଇବା ଥିଲା ଏହି କାର୍ଯ୍ୟକ୍ରମ ର ମୂଳ ଲକ୍ଷ୍ୟ।
