ଜଗତସିଂହପୁର(ସୁମନ୍ତ ଦାସ) : ଜଗତସିଂହପୁର ଜିଲ୍ଲା କଟକ ପାରାଦୀପ ରାସ୍ତାର ତାରପୁର ବାଇପାସ ନିକଟରେ ତଂଅରା ପଂଚାୟତର ଗ୍ରାମବାସୀମାନେ ଗ୍ରାମ୍ୟ ରାସ୍ତା ନିର୍ମାଣ ଦାବିରେ ରାସ୍ତାରୋକ କରିଛନ୍ତି । ତାରେଣିଗଡାଠାରୁ ଶାଳିଜଙ୍ଗା ସାଇମନ୍ଦିର ପର୍ଯ୍ୟନ୍ତ ଓ ପଡାଗ୍ରାମ, ଜଇନାବାଗ,ଦଣ୍ଡାସାହି,ମୁଦୁଲିସାହି,ମଳିକସାହି ,ଜେନାସାହି ,ପାଳ ସାହିର ସଂଯୋଗୀକରଣ ରାସ୍ତା ଅତି ଶୋଚନୀୟ ହୋଇ ପଡ଼ିଥିବାରୁ ଓ ଏହି ସମସ୍ୟାର ସମାଧାନ ନିମନ୍ତେ ପୂର୍ବରୁ ୨୦୧୪,୨୦୧୬,୨୦୨୧ ମସିହାରେ ଅନଶନ କରାଯାଇ ବାରମ୍ବାର ଜିଲ୍ଲା ପ୍ରଶାସନ , ବିଡ଼ିଓ ,ତହସିଲଦାର ଓ ଜିଲ୍ଲାପାଳଙ୍କୁ ଦାବି ଜଣାଇଥିଲେ ମଧ୍ୟ କୌଣସି ପ୍ରତିକାର ନ ହେବାରୁ ଆଜି ବାଧ୍ୟ ହୋଇ ଏହି ସବୁ ଗ୍ରାମର ଗ୍ରାମବାସୀ ଆଜି ତାରପୁର ବାଇପାସ ନିକଟରେ ରାସ୍ତାରୋକ କରିଛନ୍ତି ।ଏବଂ ପରେ ରଘୁନାଥପୁର ବିଡ଼ିଓ ଘଟଣାସ୍ଥଳକୁ ଆସି ଆନ୍ଦୋଳନକାରୀଙ୍କୁ ବୁଝାସୁଝା କରୁଥିବାର ଦେଖାଯାଇଥିଲା ।