ରାୟଗଡ( ସରୋଜ କୁମାତ୍ର ସାହୁ) : ରାୟଗଡ ଜିଲ୍ଲା ସଦର ମହକୁମା ଠାରେ ରାଜ୍ୟ ସ୍ତରୀୟ ସଂଘ ଓଡିଶା ମିଡିଆ ଜର୍ଣ୍ଣାଲିଷ୍ଟ ଆସୋସିଏସନର ରାୟଗଡ ଜିଲ୍ଲା ଶାଖା ଗଠନ ନିମନ୍ତେ ଏକ ବୈଠକ ଅନୁଷ୍ଠିତ  ହୋଇ ଯାଇଛି । ଉକ୍ତ ବୈଠକରେ ରାୟଗଡ ଜିଲ୍ଲା ସ୍ତରୀୟ ଓ ବ୍ଲକ ସ୍ତରରେ କାର୍ଯ୍ୟରତ ବିଭିନ୍ନ ଗଣମାଧ୍ୟମ ପ୍ରତିନିଧି ମାନେ ଯୋଗ ଦେଇଥିଲେ । ଉପସ୍ଥିତ ଗଣମାଧ୍ୟମ ପ୍ରତିନିଧି ମାନେ ଏହି ସଂଗଠନକୁ ରାୟଗଡ ଜିଲ୍ଲାରେ ସକ୍ରୀୟ ଭାବେ କାର୍ଯ୍ୟକାରୀ କରିବା ନିମନ୍ତେ ପ୍ରତିଶୃତି ପ୍ରଦାନ କରି ସଂଗଠନରେ ଥିବା ସମସ୍ତ ସାମ୍ବାଦିକ ମାନଙ୍କ ହିତ ଉଦେ୍ଧଶ୍ୟରେ କାର୍ଯ୍ୟ କରିବାକୁ  ପରାମର୍ଶ ଦେଇଥିଲେ । ଏହି ଅବସରରେ  ଓଡିଶା ମିଡିଆ ଜର୍ଣ୍ଣାଲିଷ୍ଟ ଆସୋସିଏସନର ରାୟଗଡ ଜିଲ୍ଲା ଶାଖାର କର୍ମକର୍ତା ଚୟନ କରାଯାଇଥିଲା । ଏଥିରେ ସଭାପତି ଭାବେ ସରୋଜ କୁମାର ସାହୁଙ୍କୁ ସମସ୍ତ ସଭ୍ୟ ଚୟନ କରିଥିବା ବେଳେ ଉପ-ସଭାପତି ଭାବେ ଦିପକ କୁମାର ପଣ୍ଡା, ସମ୍ପାଦକ ଭାବେ ମନୋଜ କୁମାର ସାହୁ, ସହ-ସମ୍ପାଦକ ଭାବେ ଶ୍ରୀନିବାସ ବଳିଆର ସିଂ, କୋଷାଧ୍ୟକ୍ଷ ଭାବେ ଶ୍ରୀନାଥ ତାଡିଙ୍ଗୀ, ଉପଦେଷ୍ଟା ଭାବେ ସାହୁ କୁଳଦୀପ ଓ ସୁଶାନ୍ତ କୁମାର ପଣ୍ଡାଙ୍କୁ ସର୍ବସମ୍ମତି କ୍ରମେ ଚୟନ କରାଯାଇଥିଲା । ଏହି ଅବସରରେ ସଂଗଠନର ଆଗାମୀ କାର୍ଯ୍ୟକ୍ରମ ଉପରେ ଆଲୋଚନା କରାଯାଇଥିଲା । ଏହି ବୈଠକକୁ ସଭାପତି ସରୋଜ କୁମାର ସାହୁ ପରିଚାଳନା କରିଥିବା ବେଳେ ସଭ୍ୟ ବୈକୁଣ୍ଠ ଦୁରିଆ, ସୁବ୍ରତ କୁମାର ପଣ୍ଡା ଓ ପ୍ରତାପ ଚନ୍ଦ୍ର ପଟନାୟକ ପ୍ରମୂଖ ଉପସ୍ଥିତ ଥିଲେ ।