ଖେଳ

ପଦ୍ମପୁର- ସ୍ଥାନୀୟ ରାଜବୋଡାସମ୍ବର ହାଇସ୍କୁଲ ଖେଲପଡିଆଠାରେ ନେହରୁ ସ୍ପୋର୍ଟିଙ୍ଗ ଆନୁକୂଲ୍ୟରେ ସପ୍ତମ ପ୍ରେମାନନ୍ଦ ସିଂ ବରିହା ଦିବାରାତ୍ର କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଝାରବନ୍ଧ ବ୍ଳକ ଅଧ୍ୟକ୍ଷ ବିଜୟ କେତନ ପ୍ରଧାନ ମୁଖ୍ୟ ଅତିଥି ଭାବରେ ଯୋଗଦେଇ ଟୁର୍ଣ୍ଣାମେଣ୍ଟକୁ ଉଦଘାଟିତ କରିଥିଲେ ।ଉଦଘାଟନୀ ମ୍ୟାଚ ଶିକ୍ଷକ ଏକାଦଶ ଓ ଆମବାହାଲ ମଧ୍ୟରେ ଅନୁଷ୍ଠିତ ହୋଇଥିଲା ।ପ୍ରଥମ ଦିନ ୧୨ଗୋଟି ଦଳ ଅଂଶଗ୍ରହଣ କରିଥିଲେ ।ପ୍ରଥମ ସେମିଫାଇନାଲ ମ୍ୟାଚ କୁଧରେନପାଲି ଓ ବରିହାପାଲି ମଧ୍ୟରେ ଅନୁଷ୍ଠିତ ହୋଇଥିଲା ।କୁଧରେନପାଲି ଦଳ ପ୍ରଥମେ ବ୍ୟାଟିଂ କରି ୬ ଓଭରରେ ୬୨ରନ ସଂଗ୍ରହ କରିଥିଲେ କିନ୍ତୁ ବରିହାପାଲି ଦଳ ୫ ଓଭରରେ ୬୩ ରନ ସଂଗ୍ରହ କରିଥିଲେ ଓ ଫାଇନଲକୁ ପ୍ରବେଶ କରିଥିଲେ ।ସମସ୍ତ ଖେଳକୁ ବରୁଣ ସାହୁ ଓ ସୁବାଷ ମହାନନ୍ଦ ପରିଚାଳନା କରିଥିଲେ ବେଲେ ଗଙ୍ଗାଧର ମହାପାତ୍ର ସ୍କୋରର ଦାୟିତ୍ୱ ତୁଲାଇଥିବା ବେଲେ ଅଞ୍ଜନ ପ୍ରଧାନ ଧାରାବିବରଣୀ ପ୍ରଦାନ କରିଥିଲେ ।ଚଲିତ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚରେ ବିଜେତା ଦଳକୁ ୧୮୦୦୦ ଟଙ୍କା ଓ ଉପବିଜେତା ଦଳକୁ ୧୦୦୦୦ ଟଙ୍କା ପ୍ରଦାନ କରାଯିବ ବୋଲି ନେହରୁ ସ୍ପୋର୍ଟିଙ୍ଗର ସଭାପତି ଶିବାଶିଷ ପଟ୍ଟନାୟକ ସୂଚନା ଦେଇଛନ୍ତି ।ନେହରୁ ସ୍ପୋର୍ଟିଙ୍ଗର ସମସ୍ତ ସଦସ୍ୟ ଖେଳକୁ ପରିଚାଳନାରେ ସହଯୋଗ କରିଥିଲେ |