Badbil/ Chitta Ranjan Kar : ଆସନ୍ତା ଅକ୍ଟୋବର ୨୮ରୁ ବଡ଼ବିଲର ଖେଳାଯିବାକୁ ଥିବା ଫଟାଫଟ କ୍ରିକେଟ ବଡ଼ବିଲ ପ୍ରିମିୟର ଲିଗ (ବିପିଏଲ) ପାଇଁ ବିଡିଂ ପ୍ରକ୍ରିୟା ସରିଛି | ବ୍ରଦରହୁଡ଼ କ୍ରିକେଟ କ୍ଲବ ଆୟୋଜିତ ହେବାକୁ ଥିବା ଏହି ଲିଗରେ ଖେଳାଳିଙ୍କ ପାଇଁ ସର୍ବାଧିକ ବିଡିଂ ମୂଲ୍ୟ ୫ ହଜାର ରଖାଯାଇଛି | ମୋଟ ୮ ଟି ଫ୍ରାଞ୍ଚାଇଜି ଏଥିରେ ସାମିଲ ହୋଇ ଖେଳାଳିଙ୍କ ପାଇଁ ବୋଲି ଲଗାଇଥିଲେ | କେନ୍ଦୁଝର ଜିଲ୍ଲାରୁ ମୋଟ ୩୦୦ ଖେଳାଳି ଆବେଦନ କରିଥିବା ବେଳେ ସେମାନଙ୍କ ମଧ୍ୟରୁ ୨୩୧ଜଣ ବିଡିଂ ରେ ସାମିଲ ହୋଇଥିଲେ | ଏହି ବିଡିଂ ପାଇଁ ବିକାଶମହଲ ଠାରେ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା | ୫ ଜଣ କ୍ରିକେଟର ହରପ୍ରିତ ସିଂ, ପ୍ରମୋଦ ନାୟକ, ପପୁ ପରିଡା, କାମର ଆସ୍ତାରୁକ ଓ ସୁରଜ ସିଂ ସର୍ବାଧିକ ୫୦୦୦ ଟଙ୍କାରେ ବିକ୍ରି ହୋଇଥିଲେ | ବିପିଏଲର ବିଜେତାଙ୍କୁ ଟଫି ସହ ୫୦୦୦୦ ଟଙ୍କା ଓ ରନର୍ସ ଅପଙ୍କୁ ୩୦୦୦୦ ଟଙ୍କା ପୁରସ୍କାର ରାଶି ପ୍ରଦାନ କରାଯିବ |
ଖେଳ
ବଡ଼ବିଲ ପ୍ରିମିୟର ଲିଗ ପାଇଁ ଖେଳାଳୀ ନିଲାମ ପ୍ରକ୍ରିୟା ଶେଷ : ୨୩୧ ଜଣ କ୍ରିକେଟର ବିଡିଂରେ ସାମିଲ।
- Hits: 1693
User Rating: 5 / 5
