ବଲାଙ୍ଗିର,୯ା୯- ବଲାଙ୍ଗିର ଜିଲ୍ଲା କ୍ରୀଡା ସଂସଦ ତରଫରୁ ଆୟୋଜିତ ବଲାଙ୍ଗିର ଫୁଟବଲ ଲିଗ ୨ ଗୋଟି ପଡିଆରେ ଅନୁଷ୍ଠିତ ହୋଇଯାଇଛି । ପଲ୍ଲିଶ୍ରୀ ଷ୍ଟାଡିୟମ ସଦାଇପାଲି ଠାରେ ଅନୁଷ୍ଠିତ ଲିଗ୍ ମ୍ୟାଚରେ ଇଲେଭେନ ଷ୍ଟାର ୧-୦ ଗୋଲରେ ଅମାମୁଣ୍ଡା କୁ ହରାଇ ବିଜୟୀ ହୋଇଛି । ବିଜୟୀ ଦଳ ତରଫରୁ ଚୁଡାମଣି ସାଗରିଆ ଗୋଟିଏ ଗୋଳ ଦେଇଥିଲେ । ଫାଓ ଓଡିଶା ତଥା ଜିଲ୍ଲା କ୍ରୀଡାସଂସଦ କାର୍ଯ୍ୟକାରୀ ସଭାପତି ଡ. ଶ୍ରୀକର ମିଶ୍ରଙ୍କ ତତ୍ୱାବଧାନରେ ଅନୁଷ୍ଠିତ ଖେଳରେ କ୍ରୀଡାସଂସଦର ସହ ସମ୍ପାଦକ ପ୍ରଭାତ କୁମାର ମିଶ୍ର, କ୍ରୀକେଟ ସମ୍ପାଦକ ଓମପ୍ରକାଶ ଚାନ୍ଦ, ଭଲିବଲ ସମ୍ପାଦକ ପ୍ରଦ୍ୟୁମ୍ନ କୁମାର ମିଶ୍ର ଓ କ୍ରୀଡା ସଂସଦର ବରିଷ୍ଠ ସଦସ୍ୟ ଜୟରାମ ମିଶ୍ର ଅତିଥିଭାବରେ ଯୋଗଦେଇଥିଲେ । କ୍ରୀଡାସଂସଦର ଉପ ସଭାପତି କୃଷ୍ଣଚନ୍ଦ୍ର ମିଶ୍ର, କ୍ରୀଡାବିତ ସୁଧିର ଚନ୍ଦ୍ର ପଣ୍ଡା, କ୍ରୀଡାସଂସଦର ବରିଷ୍ଠ ସଦସ୍ୟ ଡ. ସିଦ୍ଧେଶ୍ୱର ମିଶ୍ର ଓ ବଲାଙ୍ଗିର ବ୍ଳକ ଅଧ୍ୟକ୍ଷ ଗୋଳାପ ବାଗ ମଂଚାସୀନ ଥାଇ ଖେଲାଳି ମାନଙ୍କୁ ଉତ୍ସାହିତ କରିଥିଲେ । ଖେଳକୁ ଶରତ ନନ୍ଦ, ସୁରେଶ ନାଏକ, ସୁଧାସୁଂ ସେଠ ଓ ଖଲିଉଲ ରହମାନ ପରି·ଳନା କରିଥିଲେ ।
ମିଶନ ପଡିଆ ଠାରେ ଅନୁଷ୍ଠିତ ସୁପର ଲିଗ୍ ଖେଳରେ ନକ୍ଟାସର ବନାମ ବ୍ଳୁମାଉଣ୍ଟେ ଖେଳ ୧-୧ ଗୋଲରେ ଡ୍ର ରହିଥିଲା । ନକ୍ଟାସର ପକ୍ଷରୁ ସୁରେଶ ଭୋଇ ଓ ବ୍ଳୁ ମାଉଣ୍ଟେନ ଦଳର ସଜିଂବ ଦିପ ଗୋଲ ସ୍କୋର କରିଥିଲେ । ଖେଳକୁ ଦେବରାଜ ନାହାକ, ସୁଦୟ ବାରିକ, ଦେବାଶିଷ ବାଗ ଓ ନିସାରକାନ୍ତ ନାଗ ପରି·ଳନା କରିଥିଲେ । ୧୧ ତାରିଖ ମଙ୍ଗଲବାର ପଲ୍ଲିଶ୍ରୀ ଷ୍ଟାଡିୟମ ସଦାଇପାଲିଠାରେ ଏପିଜେ ଲୋଇସିଂହା ବନାମ ବ୍ଳୁ ମାଉଣ୍ଟେନ, ଓ ମିଶନ ପଡିଆରେ ବିଏନଏଏ ଜରାସିଂହା ବନାମ ପାଟଣେଶ୍ୱରୀ କ୍ଳବ ପାଟଣାଗଡ ମଧ୍ୟର ଖେଳ ହେବ ବୋଲି କ୍ରୀଡାସଂସଦ ପକ୍ଷରୁ ସାଧାରଣ ସମ୍ପାଦକ ହରିନାରାୟଣ ପୁଜାରୀ ଜଣାଇଛନ୍ତି ।
