ବାରିପଦା(ଦିଲ୍ଲୀପ ମହାନ୍ତି )—ବାରିପଦା ତଖତପୁରସ୍ଥିତ ଆଇନ ମହାବିଦ୍ୟାଳୟ ଖେଳପଡ଼ିଆରେ ଆରମ୍ଭ ହୋଇଥିବା ସର୍ବ ଭାରତୀୟ ୧୯ ବର୍ଷରୁ କମ ରଗବି ପ୍ରତିଯୋଗିତାର ପ୍ରଥମ କ୍ୱାଟାର ଫାଇନାଲର ପ୍ରଥମ ମ୍ୟାଚ ଭୂବନେଶ୍ୱର ଓ ଚଣ୍ଡିଗଡ଼ ବାଳିକା ଟିମ ମଧ୍ୟରେ ଅନୁଷ୍ଠିତ ହେବାର ରହିଥିଲା । ମାତ୍ର ଚଣ୍ଡିଗଡ଼ ବାଳିକା ଟିମ ପଡ଼ିଆରେ ଅନୁପସ୍ଥିତ ରହିଥିବା କାରଣରୁ ଭୂବନେଶ୍ୱର ବାଳିକା ଟିମକୁ ୱାକ ଓଭର ମାଧ୍ୟମରେ ବିଜୟୀ ଘୋଷିତ କରାଯାଇଥିଲା । ସେହିପରି ଦ୍ୱିତୀୟ ମ୍ୟାଚ ମୟୂରଭଞ୍ଜ-ରାଜସ୍ଥାନ ମଧ୍ୟରେ ହୋଇଥିଲା । ଏଥିରେ ମୟୂରଭଞ୍ଜ ରାଜସ୍ଥାନକୁ ୧୦-୦ ଗୋଲରେ ପରାସ୍ତ କରିଥିଲା ତ୍ତୃତୀୟ ମ୍ୟାଚରେ ମହାରାଷ୍ଟ୍ର ବିହାରକୁ ୧୪-୭ ଗୋଲରେ, ଜଙ୍ଗଲ କ୍ରୋ ୧୭-୫ ଗୋଲରେ ହରିଆନାକୁ ପରାସ୍ତ କରି ସେମିଫାଇନାଲ ଖେଳିବାର ଯୋଗ୍ୟତା ଅର୍ଜନ କରିଥିଲା । ସେହିପରି ବଙ୍କଳ ବଗ୍ରର ପ୍ରଥମ ମ୍ୟାଚରେ ୟୁପିର ଆଇଆରସି ଟିମକୁ ବିହାର ୨୯-୦ ଗୋଲରେ ପରାସ୍ତ କରିଥିବା ସମୟରେ ଭୂବନେଶ୍ୱର ଚଣ୍ଡିଗଡ଼କୁ ୧୭-୦ ଗୋଲରେ, ଦିଲ୍ଲୀ ଭୂବନେଶ୍ୱର କିସ ଟିମକୁ ୭-୫ ଗୋଲରେ ଓ ମହାରାଷ୍ଟ୍ର ମୟୂରଭଞ୍ଜ ଟିମକୁ ୨୨-୫ ଗୋଲରେ ପରାସ୍ତ କରି ସେମିଫାଇନାଲ ଖେଳିବାର ଯୋଗ୍ୟତା ହାସଲ କରିଥିଲା । କ୍ୱାଟର ଫାଇନାଲ ମ୍ୟାଚରେ ପରାସ୍ତ ହୋଇଥିବା ସମସ୍ତ ଟିମ ଏଣିକି କେବଳ ର୍ୟାଙ୍କିଂ ପର୍ଯ୍ୟାୟ ମ୍ୟାଚ ଖେଳିବେ । ଆଜିର କ୍ୱାଟର ଫାଇନାଲ ମ୍ୟାଚକୁ ମଣ୍ଟୁ ମଣ୍ଡଳ, ବୁଦ୍ଧଦେବ ପ୍ରଧାନ, ଈଶ୍ୱର କୋଟ୍ରାକି, ଦିବ୍ୟ ରଞ୍ଜନ ଦାସ, ବିକାଶ ଚୌରାସିଆ, ଧୀରେନ କୁମାର ରାଉତ, ସୌରଜିତ୍ ଘୋଷ, ରେହେମୁଦ୍ଧିନ ଶେଖ୍ ପ୍ରମୁଖ ପରିଚାଳନା କରିଥିଲେ । ଉକ୍ତ ଟୁର୍ଣ୍ଣାମେଣ୍ଟର ଫାଇନାଲ ମ୍ୟାଚ ଆସନ୍ତା ୯ ରେ ବାରିପଦା ଷ୍ଟେସନ ଖେଳପଡ଼ିଆରେ ଅନୁଷ୍ଠିତ ହେବ ।
