ବାରିପଦା(ଦିଲ୍ଲୀପ ମହାନ୍ତି) - ଅଗଷ୍ଟ ୨୯ ତାରିଖ ହକିର ଯାଦୁଗର ଧୟାନଚାନ୍ଦ ଙ୍କ ଜନ୍ମ ବାର୍ଷିକୀ ଉପଲକ୍ଷେ ଜିଲା ପ୍ରଶାସନ ମୟୁରଭଞ ଓ ରାଜ୍ୟକ୍ରୀଡା ନିର୍ଦ୍ଦେଶାଳୟ ଓଡିଶା ର ମିଳିତ ଆନୁକୁଲ୍ୟରେ ମୟୁରଭଞ ଜିଲା ସଦର ମହକୁମା ବାରିପଦାଠାରେ ମହାସମାରୋହରେ ଜାତୀୟ କ୍ରୀଡା ଦିବସ ପାଳିତ ହୋଇଯାଇଅଛି । ଏହି ଅବସରରେ ବିଭିନ୍ନ ସ୍କୁଲ ଏବଂ କ୍ରୀଡାଛାତ୍ରାବାସ ର ଛାତ୍ର ଛାତ୍ରୀ ମାନଙ୍କୁ ନେଇ ଏକ ଗଣଦୈାଡଅନୁଷ୍ଠିତ ହୋଇଯାଇଅଛି । ଅନୁଷ୍ଠିତ ଉକ୍ତ ଗଣଦୈାଡ କୁ ଜିଲାପାଳ ବିନୀତ ଭରଦ୍ୱାଜ ଇନଡୋର ଷ୍ଟାଡିୟମ ସମ୍ମୁଖରୁ ପତାକା ଦେଖାଇ ଶୁଭାରାମ୍ଭ କରିଥିଲେ । ଉକ୍ତ ଗଣଦୈାଡ ଇନଡୋର ଷ୍ଟାଡିୟମ ରୁ ବାହାରି ସହରର କଚେରିରୋଡ , ଅମ୍ବିକା ମନ୍ଦିର , ବେଲଗଡିଆ ଦେଇ ଆସି ପୁଣି ଇନଡୋର ଷ୍ଟାଡିୟମ ସମ୍ମୁଖରେ ପହଞ୍ଚିଥିଲା । ଗଣଦୈାଡର ପ୍ରାରମ୍ଭରେ ଜାତୀୟ କ୍ରୀଡା ଦିବସ ପାଳନର ମୁଖ୍ୟ ସେହି ମହାନ ହକି ଯାଦୁଗର ଧ୍ୟାନଚାନ୍ଦ ଙ୍କ ଜୀବନୀ ଉପରେ ବକ୍ତାମାନେ ସଂଙ୍ଖେ୍ୟପରେ ଆଲୋକପାତ କରିଥିଲେ । ଅପରାହ୍ନରେ ପୋଲିସ ରିଜର୍ଭ ପଡିଆଠାରେ ଜିଲାକ୍ରୀଡା ବିଭାଗ ତରଫରୁ ଫୁଟବଲ ଏବଂ ଭଲିବଲ ର ବନ୍ଧୁତ୍ୱପୂନ୍ନ ମ୍ୟାଚଅନୁଷ୍ଠିତ ହୋଇଥିଲା । ଆୟୋଜିତ ଉକ୍ତ ଜାତୀୟ କ୍ରୀଡାଦିବସ ପାଳନରେ ଅନ୍ୟମାନଙ୍କ ମଧ୍ୟରେ ଅତିରିକ୍ତ ଜିଲାପାଳ (ଜେନେରାଲ) ଗଙ୍ଗାଧର ନାୟକ , ଅନ୍ୟତମ ଅତିରିକ୍ତ ଜିଲାପାଳ ବ୍ରଜବନ୍ଧୁ ଭୋଳ , ଜିଲା କ୍ରୀଡାଅଧିକାରୀ ପ୍ରଦୀପ କୁମାର ବେହେରା ,ବରିଷ୍ଠ ପ୍ରଶିକ୍ଷକ କୁମାର ରଞନ ପଣ୍ଡା ପ୍ରମୁଖ ଉପସ୍ଥିତ ଥିଲେ । ଏହି ସମସ୍ତ କାର୍ଯ୍ୟକ୍ରମକୁ ଜିଲା କ୍ରୀଡାଅଧିକାରୀ ଶ୍ରୀ ବେହେରା ପରିଚାଳନା କରିଥିଲେ ।
