ଘୁ ଉଦୟଗିରି(ଶାସକ ପ୍ରଶାସକ) ଘୁ ଉଦୟଗିରି କନ୍ଧମାଳ ଜ଼ିଲ୍ଲା ଘୁ ଉଦୟଗିରି ନଗର କଂଗ୍ରେସ ସଭାପତି ଭାବେ ଗଗନ କୁମାର ପ୍ରଧାନଙ୍କୁ ପ୍ରଦେଶ କଂଗ୍ରେସ ସଭାପତିଙ୍କ ଅନୁମୋଦନ କ୍ରମେ ମନୋନୀତ କରାଯାଇଛି | ଗଗନ କୁମାର ପ୍ରଧାନଙ୍କ ସାଙ୍ଗଠନିକ ଦକ୍ଷତା ତଥା ଅଂଚଳର ଲୋକପ୍ରିୟତାକୁ ହୃଦୟଙ୍ଗମ କରି ଜ଼ିଲ୍ଲା ସଭାପତି ବରୁଣ ଭୋଇ ତାଙ୍କୁ ଏନଏସି ଦାୟିତ୍ୱ ଦେଇଥିବା କୁହାଯାଉଛି | ଗଗନ କୁମାର ପ୍ରଧାନ ଏହା ପୂର୍ବରୁ ଘୁ ଉଦୟଗିରି ନିର୍ବାଚନ ମଣ୍ଡଳୀର ଯୁବ ସଭାପତି ଭାବେ କାର୍ଯ୍ୟ ଭାର ତୁଲାଇଛନ୍ତି | ଏହି ଗୁରୁ ଦାୟିତ୍ୱ ଦେଇଥିବାରୁ ଗଗନ କୁମାର ପ୍ରଧାନ ଏଆଇସିସିି ସଭାପତି ରାହୁଲ ଗାନ୍ଧୀ, ପିସିସି ନିରଞ୍ଜନ ପଟନାୟକ, ଘୁ ଉଦୟଗିରି ବିଧାୟକ ଜାକବ ପ୍ରଧାନଙ୍କୁ କୃତଜ୍ଞତା ଜଣାଇଛନ୍ତି | ଘୁ ଉଦୟଗିରି କଂଗ୍ରେସ ଗଡ଼, ଏହି ଗଡ଼କୁ ସୁରକ୍ଷିତ ରଖିବା ସହ କଂଗ୍ରେସକୁ ଅଧିକ ଲୋକପ୍ରିୟ କରିବା ମୋର ଏବଂ ପ୍ରତ୍ୟେକ କଂଗ୍ରେସ କର୍ମୀଙ୍କ କର୍ତ୍ତବ୍ୟ ବୋଲି ନଗର ସଭାପତି ଗଗନ ପ୍ରଧାନ କହିବା ସହ ଆଗାମୀ ସାଧାରଣ ନିର୍ବାଚନ ଓ ଏବଂ ଏନଏସି ନିର୍ଵାଚନରେ କଂଗ୍ରେସ ବିପୁଳ ଜଣ ସମର୍ଥନ ସହ ବିଜୟଲାଭ କରିବା ବୋଲି ନିଜ ପ୍ରତିକ୍ରିୟାରେ କହିଛନ୍ତି |
