ରାଜନୈତିକ ପ୍ରତିସ୍ପର୍ଦ୍ଧାର ଖେଳ ଆରମ୍ଭ
ଭୁବେନେଶ୍ୱର : ରାଜନୈତିକ ପ୍ରତିସ୍ପର୍ଦ୍ଧାର ଖେଳ ଆରମ୍ଭ ହୋଇଗଲା ରାଜ୍ୟରେ | ବିଜେପି ବନାମ ବିଜେଡି ...ସିବିଆଇ ବନାମ ଓଡିଶା ପୋଲିସ | ଦୁଇଟିଯାକ ଶୁଆ ଏବେ ବାହାରିଛତି ପଞ୍ଜୁରୀରୁ | ଏତେଦିନ ହେଲା ଶୋଇ ରହିଥିବା ସିବିଆଇ ଏବେ ଭୋଟ ପାଖେଇବା ବେଳକୁ ସକ୍ରିୟ ହୋଇ ପଡିଥିବା ବେଳେ ବିଜେପିର ଜବାବ ଦେଲା ବିଜେଡି | ସିବିଆଇ ନବୀନ ବାବୁଙ୍କ ୟଙ୍ଗ ବ୍ରିଗେଡର ଦୁଇ ଫରୱାର୍ଡ଼ ଖେଳାଳି ପୂର୍ବତନ ମନ୍ତ୍ରୀ ତଥା ବିଧାୟକ ଅତନୁ ସବ୍ୟସାଚୀ ନାୟକ ଆଉ ଡ଼ ଅରୁଣ ସାହୁଙ୍କୁ ନୋଟିସ ଜାରି କରିଥିବା ବେଳେ ବିଜେଡି ବି ତାର କଡା ଜବାବ ଦେଇଛି | ସେପଟେ ଛତ୍ରପୁର ଲକ୍ଷ୍ମୀଦତ୍ତ ମର୍ଡର ମାମଲାରେ ପୋଲିସ ନୋଟିସ ଜାରି କରିଛି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ରଙ୍କ ବାଁ ଆଉ ଡାହାଣ ହାତ ଭାବେ ବିବେଚିତ ହେଉଥିବା ଦୁଇ ଟାଣୁଆ ଆଗ ଧସିର ନେତା ଭୃଗୁ ବକ୍ସିପାତ୍ର ଆଉ ଗୋଲୋକ ମହାପାତ୍ରଙ୍କୁ | ବାହାରକୁ ସାଧାରଣ ସିବିଆଇ ଓ ପୋଲିସ ନୋଟିସ କୁହ ଯାଉଥିବା ବେଳେ ଏହା ଅଦୃଶ୍ୟ ଭାବେ ବିଜେପି -ବିଜେଡି ବା କେନ୍ଦ୍ର -ରାଜ୍ୟ ସରକାର ମଧ୍ୟରେ ଛକାପଞ୍ଜା ବୋଲି ରାଜନୈତିକ ମହଲରେ ଚର୍ଚା ହେଉଛି | ବିଜେଦି ପରୋକ୍ଷରେ ବିଜେପିକୁ ଜଣେଇ ଦେଇଛି ଦମ ଅଛି ତ ବାନ୍ଧ, ତମେ ଖେଳିଲେ ଆମକୁ ବି ଖେଳ ଆସେ |
ଛତ୍ରପୁର ପୂର୍ବତନ ବିଜେଡି କାଉନସିଲର ଲକ୍ଷ୍ମୀଦତ୍ତ ପ୍ରଧାନ ହତ୍ୟା ମାମଲାରେ ବିଜେପିର ଦୁଇ ନେତାଙ୍କୁ ଓଡ଼ିଶା ପୋଲିସର ନୋଟିସ୍ । ବିଜେପି ରାଜ୍ୟ ମୁଖପାତ୍ର ଗୋଲକ ମହାପାତ୍ର ଏବଂ ସାଧାରଣ ସମ୍ପାଦକ ଭୃଗୁ ବକ୍ସିପାତ୍ରଙ୍କୁ ଛତ୍ରପୁର ଥାନାରେ ଆସନ୍ତା ୭ ଏବଂ ୯ ତାରିଖରେ ହାଜର ହେବାକୁ ଓଡ଼ିଶା ପୋଲିସ ଜାରି କରିଛି | ଏଠାରେ ମନେ ପକାଇ ଦିଆଯାଇପାରେ ବିଜେଡି ଯୁବ ନେତା ତଥା ଗଞ୍ଜାମ ଜିଲ୍ଲା ଛତ୍ରପୁର ଏନଏସିର ବିଜୁ ଜନତା ଦଳ କାଉନ୍ସିଲ୍ର ଲକ୍ଷ୍ମୀଦତ୍ତ ପ୍ରଧାନଙ୍କୁ କିଛି ଦୁର୍ବୃତ୍ତମାନେ ସଙ୍ଘବଦ୍ଧ ମରଣାନ୍ତକ ଆକ୍ରମଣ କରିଥିଲେ ୨୦୧୭ ସେପ୍ଟେମ୍ବର ୧୬ରେ । ଗୁରୁତର ଅବସ୍ଥାରେ ବ୍ରହ୍ମପୁରସ୍ଥିତ ଏମ୍କେସିଜି ମେଡିକାଲ୍ରେ ଭର୍ତ୍ତି କରାଯାଇଥିଲା। ସେଠାରେ ଲକ୍ଷ୍ମୀଦତ୍ତଙ୍କ ମୃତ୍ୟୁ ହୋଇଥିଲା। ଏହାପରେ ଲକ୍ଷ୍ମୀଦତ୍ତ ପ୍ରଧାନ ହତ୍ୟାକାଣ୍ଡର ଅଭିଯୁକ୍ତ କୃଷ୍ଣ ନାୟକ ଓ ଦୁର୍ଯ୍ୟୋଧନ ରେଡ୍ଡିଙ୍କୁ ଗିରଫ କରିଥିଲା ପୋଲିସ । ଏହି ହତ୍ୟାକାଣ୍ଡ ମାମଲାରେ ବିଜେପି ନେତା ଗୋଲକ ମହାପାତ୍ରଙ୍କ ସଂପୃକ୍ତି ଥିବା ଅଭିଯୋଗ ହୋଇଥିଲା । ଯେଉଁଥିପାଇଁ ଛତ୍ରପୁର ଥାନାରେ ପୂର୍ବରୁ ଗୋଲକ ହାଜର ହୋଇ ଜେରାର ସମ୍ମୁଖୀନ ହୋଇଥିଲେ । ଏବେ ଆଉ ଜଣେ ରାଜ୍ୟ ବିଜେପିର ଟାଣୁଆ ନେତା ଭୃଗୁ ବକ୍ସିପାତ୍ରଙ୍କ ନାଁ ମଧ୍ୟ ଏହି ମାମଲାରେ ଛନ୍ଦି ହୋଇପଡ଼ିବା ଘଟଣା ପୁରା ରାଜ୍ୟ ରାଜନୀତିକୁ ଗରମ କରି ଦେଇଛି |
