ହାଟଡିହୀ(ଶାସକ ପ୍ରଶାସକ)-କେନ୍ଦୁଝର ଜିଲ୍ଲାର ହାଟଡିହୀ ବ୍ଲକ ଅନ୍ତର୍ଗତ ହାଟଡିହୀ ପଂଚାୟତର ସରପଂଚ ପ୍ରାର୍ଥୀ ଗୁରୁପ୍ରସାଦ ଉକ୍ରଳ କେଶରୀ (ପପୁ) ଙ୍କ ପ୍ରଚାର ଜୋରଦାର ଚାଲିଥିବାବେଳେ ତାଙ୍କର ଲୋକପ୍ରୟତା ବଢିବାରେ ଲାଗିଛି ।ଗୁରୁପ୍ରସାଦ ଜଣେ ଯୁବ ସମାଜ ସେବୀ ତଥା ଆଧ୍ୟାତ୍ମିକବାଦୀ, ସଂଗଠନ ପ୍ରେମୀ ଓ କ୍ରୀଡା ପ୍ରେମୀ ହୋଇଥିବାରୁ ସବୁ ମହଲରୁ ତାଙ୍କୁ ସମର୍ଥନ ମିଳୁଥିବାର ଦେଖାଯାଉଛି । ତାଙ୍କ ବଡ ଜେଜେ ବୈକୁଣ୍ଠନାଥ ଜେନା ହାଟଡିହୀର ପ୍ରକୃତ ପ୍ରତିଷ୍ଠାତା ଥିଲେ ବୋଲି କୁହାଯାଏ । ତାଙ୍କରି ଉଦ୍ୟମରେ ହାଟଡିହୀରେ ବିଭିନ୍ନ ଅନୁଷ୍ଠାନ ଗଢିଉଠିଥିଲା । ତାଙ୍କରି ଦାୟାଦ ଭାବେ ତାଙ୍କ ନୀତି ଆଦର୍ଶକୁ ପାଥେୟ କରି ସେହି ମହା ପୁରୁଷଙ୍କ ଅଧୁରା ସ୍ୱପ୍ନକୁ ସାକାର କରିବା ଲକ୍ଷ୍ୟରେ ତଥା ଲୋକମାନଙ୍କର ସେବା କରିବା ଉଦ୍ଦେଶ୍ୟରେ ନିର୍ବାଚନ ମଇଦାନରେ ଅବତୀର୍ଣ୍ଣ ହୋଇଥିବାର ଗୁରୁପ୍ରସାଦ ପ୍ରକାଶ କରିଛନ୍ତି । ହାଟଡିହୀ ପଂଚାୟତର ସମସ୍ତ ବିଜେଡି କର୍ମୀ ମାନେ ଆତ୍ମ ବିଶ୍ୱାସର ସହିତ ତାଙ୍କ ଗୁରୁପ୍ରସାଦଙ୍କ ପାଇଁ ପ୍ରଚାରରେ ଲାଗିପଡିଥିବାବେଳେ ସାଧାରଣ ଜନତା ସ୍ୱତପୂର୍ତ ଭାବେ ବହୁ ସଂଖ୍ୟାରେ ତାଙ୍କ ସପକ୍ଷରେ ସାମିଲ ହେଉଥିବାର ଦେଖାଯାଉଛି । ତାଙ୍କର ବିଜୟ ଏଥର ସୁନିଶ୍ଚିତ ବୋଲି ଆଲୋଚନା ହେଉଛି । ଏହାକୁ ଶୁଣି ବିରୋଧୀ ଏକପ୍ରକାର ଛାନିଆ ଆତଙ୍କିତ ଓ ଭୟଭୀତ ହୋଇ ବିଭିନ୍ନ ଅସାଧୁ ଉପାୟ ଆପଣେଇବାର ଅଭିଯୋଗ ହେଉଛି । ଏପରିକି ବ୍ୟାନର ଛିଣ୍ଡା,ପୋଷ୍ଟର ଚିରା ସହିତ ସାଧାରଣ ଲୋକଙ୍କୁ ଧମକଚମକ ଦେଇ ଭୟଭୀତ କରାଯାଉଥିବାର ଶୁଣାଯାଉଛି । ଏଣୁ ହାଟଡିହୀ ପଂଚାୟତ ର ନିର୍ବାଚନକୁ ନିରପେକ୍ଷ କରିବା ପାଇଁ ପ୍ରଶାସନ ଏବେ ଠାରୁ ଦୃଷ୍ଟିଦେଇ ଗୁଣ୍ଡାରାଜ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ନେବାକୁ ସାଧାରଣରେ ଦାବୀ ହେଉଛି ।