କହିଲେ "କାହାର ଦାମ ନାହିଁ ଆମକୁ ଅଟକାଇବାକୁ"
ଭୁବନେଶ୍ୱର:ମହାନଦୀକୁ ନେଇ ଛତିଶଗଡ଼ ମୁଖ୍ୟମନ୍ତ୍ରୀ ରମଣ ସିଂହଙ୍କ ଖୋଲା ଚ୍ୟାଲେଞ୍ଜ ଛତିଶଗଡ଼ କାମକୁ କେହି ଅଟକାଇ ପାରିବେ ନାହିଁ । ଏପରିକି ମହାନଦୀର ପାଣିକୁ ବ୍ୟବହାର କରିବାକୁ ଛତିଶଗଡ଼କୁ କେହି ଅଟକାଇ ପାରିବେ ନାହିଁ । ସାମ୍ବାଦିକ ସମ୍ମିଳନୀରେ ଏଭଳି ଦୃଢେ଼ାକ୍ତି ଦେଖାଇଛନ୍ତି ଛତିଶଗଡ଼ ମୁଖ୍ୟମନ୍ତ୍ରୀ । ଆମର ଯେତିକି ଦରକାର ତାହା ଉପଯୋଗ କରିସାରିଛୁ । ଆହୁରି ଅଧିକ ଉପଯୋଗ କରିବାର ଆବଶ୍ୟକ ରହିଛି ଓ ଏଥିପାଇଁ କୌଣସି କେନ୍ଦ୍ରୀୟ ଜଳ ଆୟୋଗ ଆମକୁ ଅଟକାଇ ପାରିବେନି । ତେବେ ସବୁଠୁ ବଡ଼ ପ୍ରଶ୍ନ ହେଉଛି ରମଣ ଏଭଳି ନାଲିଆ କାହା ସାହସରେ ଦେଖାଉଛନ୍ତି । ରମଣଙ୍କୁ ସାହାସ ଦେଉଛି କିଏ ନା ନିର୍ବାଚନ ପାଖେଇ ଆସୁଥିବାରୁ ଭୋଟରଙ୍କୁ ଆକୃଷ୍ଟ କରିବା ପାଇଁ ରମଣ ସିଂହ ମହାନଦୀ ପାଣିକୁ ନେଇ ରାଜନୀତି କରୁଛନ୍ତି । ଗୋଟିଏ ପଟେ ମହାନଦୀକୁ ବ ।ଇବା ପାଇଁ ରାଜ୍ୟ ସରକାର ମହାସଂଗ୍ରାମ ଆରମ୍ଭ କରିଥିବା ବେଳେ ରମଣ ସିଂହଙ୍କ ଏଭଳି ବୟାନ ଏବେ ରାଜନୀତିକୁ ଉଷ୍ମ କରିଛି । ଏହାସହ ଦୁଇ ରାଜ୍ୟ ମଧ୍ୟରେ ବିବାଦର ଆଉ ଏକ ନୂଆ ଅଧ୍ୟାୟ ସୃଷ୍ଟି କରିଛନ୍ତି ରମଣ ।
"ମହାନଦୀ କାହାର ପୈତୃକ ସମ୍ପତ୍ତି ନୁହେଁ'
ରମଣଙ୍କ ଏଭଳି ଦାଦାଗିରିକୁ କଡ଼ା ସମାଲୋଚନା କରି ବିଜେଡ଼ି ସାଂସଦ ପ୍ରସନ୍ନ ଆଚାର୍ଯ୍ୟ କହିଛନ୍ତି, ମହାନଦୀ କାହାର ପୈତୃକ ସମ୍ପତ୍ତି ନୁହେଁ । ମହାନଦୀ ଉପରେ ଛତିଶଗଡ଼ର ଯେତିକି ଅଧିକାର ଅଛି ଓଡ଼ିଶାର ମଧ୍ୟ ସେତିକି ଅଧିକାର ରହିଛି । ମହାନଦୀ ଜଳକୁ ନେଇ ଛତିଶଗଡ଼ ଏଭଳି ଦାଦାଗିରି କରି ପାରିବ ନାହିଁ । ଓଡ଼ିଶାର ୪.୫ କୋଟି ଲୋକଙ୍କର ଅଧିକାର ମହାନଦୀ ଉପରେ ଅଛି ଏଥିରୁ ଆମକୁ କେହି ବଂଚିତ କରି ପାରିବେ ନାହିଁ । ଏପରିକି ମହାନଦୀକୁ ବଂଚାଇବା ପାଇଁ ଓଡ଼ିଶାର ଜନସାଧାରଣ ଶେଷ ନିଃଶ୍ୱାସ ପର୍ୟନ୍ତ ସଂଗ୍ରାମ ଜାରି ରଖିବେ । ମହାନଦୀକୁ ଛତିଶଗଡ଼ର ବନ୍ଦୀଶାଳରୁ ମୁକ୍ତି ନ ଦେବା ପଯର୍ୟନ୍ତ ବିଜେଡ଼ି ଲଢେ଼ଇ ଜାରି ରବ ବୋଲି କହିଛନ୍ତି ସାଂସଦ ପ୍ରସନ୍ନ ଆଚାର୍ଯ୍ୟ |
