ସୋହେଲା(ଶାସକ ପ୍ରଶାସକ)-ସ୍ଥାନୀୟ ଡିଗ୍ରୀ କଲେଜରେ ପଢ଼ୁଥିବା ବରଗଡର ଯଶୋବନ୍ତ ମେହେର ନାମକ ଜଣେ ଛାତ୍ର ଆଜି କଲେଜରୁ ପାଠ ପଢି ସାରି ଅଢେଇଟା ସମୟରେ ତାଙ୍କ ସହପାଠୀଙ୍କ ସହ ଏକ ସାଇକେଲରେ ସୋହେଲା ବସ୍ତିକୁ ଫେରୁଥିଲେ । ବସ୍ତିରୁ ୧ କିଲୋମିଟର ଦୂରରେ ଥିବା ପୁରୁଣା ଚେକଗେଟ ନିକଟରେ ଭାରସାମ୍ୟ ହରାଇ ଦୁହେଁ ୬ ନମ୍ବର ଜାତୀୟ ରାଜପଥ ଉପରେ ଥିବା ହମ୍ପସରେ ପଡି ଯାଇଥିଲେ । ଛାତ୍ର ଦ୍ବୟ ଆହତ ହୋଇଥିଲେ। ରାସ୍ତାରେ ଯାଉଥିବା ଛାତ୍ରମାନେ ଦୁହିଁଙ୍କୁ ଉଦ୍ଧାର କରି ସ୍ଥାନୀୟ ଡାକ୍ତରଖାନାକୁ ନେଇଥିଲେ । ଡାକ୍ତର ଯଶୋବନ୍ତଙ୍କୁ ପରୀକ୍ଷା ନିରୀକ୍ଷା କରି ମୃତ ଘୋଷଣା କରିଥିଲେ । ଆହତ ଅନ୍ୟ ଛାତ୍ରଙ୍କୁ ବୁର୍ଲା ଡାକ୍ତରଖାନାକୁ ରେଫର କରାଯାଇଛି। ସେ ସୋହେଲା ର ବୋଲି ଜଣାପଡିଛି। ପୋଲିସ ଘଟଣାର ତଦନ୍ତ କରୁଛି । ମୃତ ଯଶୋବନ୍ତ ସୋହେଲା ଡିଗ୍ରୀ କଲେଜରେ ଯୁକ୍ତ ତିନିରେ ବାଣିଜ୍ୟ ବିଭାଗର ପ୍ରଥମ ବର୍ଷ ଛାତ୍ର ଥିଲେ । ସେ ପ୍ରତିଦିନ ବରଗଡରୁ ବସ ଆଦି ଯାତ୍ରୀ ବାହୀ ଗାଡ଼ିରେ ଯିବା ଆସିବା କରୁଥିଲେ । ତାଙ୍କ ଘର ସୋହେଲା ନିକଟସ୍ଥ ହଲଦୀପାଲି ଗାଁ ରେ ବୋଲି ଜଣା ପଡ଼ିଛି । କଲେଜ ବସ୍ତି ରୁ ୨କିଲୋମିଟର ଦୂରରେ ଅବସ୍ଥିତ । ଏହି ଘଟଣାରେ ଅଂଚଳରେ ଶୋକର ଛାଇ ଖେଳି ଯାଇଛି ।
