ଓଡଗାଁ, (ଶ୍ରୀକାନ୍ତ ମିଶ୍ର)  : ଓଡଗାଁ ଥାନା ସାକେରୀ  ପଂଚାୟତ ସାକେରୀ ହରିଜନ ସାହିର ପ୍ରକାଶ ନାୟକ ଏବଂ ରିଲା ନାୟକଙ୍କ ୩ବର୍ଷର ଝିଅ ସୋନାଲି ଆଜି ସକାଳେ କେଉଁଆଡେ ନିଖୋଜ ହୋଇଥିବା ନେଇ ଥାନାରେ ଅଭିଯୋଗ ହୋଇଥରଲା । ଅଭିଯୋଗ ପାଇ ଓଡଗାଁ ପୋଲିସ ସହିତ ଅଗ୍ନିଶମ ସେବା ବାହିନୀ ଏବଂ ବାଳିକାଟିର ସମ୍ପର୍କିୟ ମାନେ ମିଳିତ ଭାବେ କୁଅ ପୋଖରି ନଦୀ ନାଳ ଜଙ୍ଗଲ  ପଡିଶୀ ଗାଁ ସବୁଆଡେ ଖୋଜାଖୋଜି କରିବା ପରେ ମଧ୍ୟ ବାଳିକାଟି ଠାବ ହୋଇନଥିଲା । ସନ୍ଧ୍ୟାରେ ପୁଣି ଓଡଗାଁ ପୋଲିସ ସହିତ ଶରଣ କୁଳ ଏସଡିପିଓ ଟୋପୋ ଘଟଣା ସ୍ଥଳକୁ ଯାଇ ତଦନ୍ତକରି ଫେରିଛନ୍ତି । ସକାଲ ପ୍ରାୟ ୭ଟା ସମୟ ହେବ ଝିଅ ସୋନାଲି ଗାଁର ଅନ୍ୟ ଜଣେ ଦେଢବର୍ଷର ଛୁଆ ସହିତ ଦାଣ୍ଡରେ  ଖେଳୁଥିବା ବେଳେ ମା ରିଲା ନାୟକ ପୋଖରିକୁ ସ୍ନାନ କରିବାକୁ ଯାଇଥରଲା । ସେଠାରୁ ଆସି ଅନେକ ଖୋଜାଖୋଜି କରିବା ପରେ ଛୁଆକୁ ନପାଇ ଓଡଗାଁ ଥାନାରେ ଅଭିଯୋଗ କରିଥିଲେ । ଏଠାରେ ସୂଚନା ଥାଉକି  ସୋନାଲିର ମା ପୋଖରିରୁ ଫେରିବା ପୂର୍ବରୁ ଖେଳୁଥିବା ଅନ୍ୟ ଛୁଆଟିର ମା ତାକୁ ସେଠାରୁ  ନେଇ ଯାଇଥିଲା ।